အေစီမီလန်နာမည်ကျော် တိုက်စစ်မှူး အီဘရာဟီမိုဗစ်သည် နာပိုလီနှင့်ပွဲတွင် ရာသီအစ စီးရီးအေ(၆)ပွဲဆက် ဂိုးသွင်းနိုင်သည့် (၄)ဦးမြောက်ကစားသမားအဖြစ် မှတ်တမ်းဝင်ခဲ့သော်လည်း ပွဲအတွင်း ဒဏ်ရာရရှိခဲ့ပြီး ပွဲချိန် (၇၉)မိနစ်တွင် လူစားလဲခဲ့ရသည်။
အီဘရာဟီမိုဗစ်သည် နာပိုလီနှင့်ပွဲတွင် အသင်းအတွက် ဦးဆောင်ဂိုး(၂)ဂိုး သွင်းယူပေးခဲ့ပြီး ယခုရာသီ စီးရီးအေသွင်းဂိုး(၁၀)ဂိုး ပြည့်မြောက်ခဲ့သည်။
ယင်းကြောင့် အီဘရာဟီမိုဗစ်သည် စီးရီးအေပွဲစဉ်(၈)အပြီးတွင် (၁၀)ဂိုး သွင်းနိုင်သည့် အသက်အကြီးဆုံးကစားသမားလည်း ဖြစ်လာခဲ့ပြီး ယင်းဂိုးများအား (၆)ပွဲဆက် သွင်းယူခဲ့ခြင်းဖြစ်သည်။
သို့ရာတွင် ပွဲချိန်(၇၈)မိနစ်တွင် အီဘရာဟီမိုဗစ်သည် ဘယ်ဘက်ခြေထောက်တွင် ဒဏ်ရာရရှိဟန်ပြခဲ့ပြီး လူစားလဲခဲ့ရသည်။
ပွဲအပြီးတွင် နည်း ပြ ပီအိုလီ ကိုဗစ်ကြောင့် အနားယူနေရသဖြင့် ကိုယ်စားကိုင်တွယ်သည့် ဘိုနီရာက ဒဏ်ရာအကြောင်း အတည်ပြုခဲ့ပြီး မပြင်းထန်ရန် မျှော်လင့်ကြောင်း ဆိုခဲ့သည်။
ဘိုနီရာက ''အခုတော့ ဒဏ်ရာအကြောင်းကို အများကြီး မသိရသေးပါဘူး။ ကြည့်ရတာတော့ ကြွက်သားဒဏ်ရာ ဖြစ်မယ်ထင်ပါတယ်။ ရက်အနည်းငယ် စောင့်ကြည့်ပြီးမှ ဘယ်လောက်အနားယူရမလဲဆိုတာ သိရပါလိမ့်မယ်''ဟု ဆိုခဲ့သည်။
အီဘရာဟီမိုဗစ်၏ ဒဏ်ရာသတင်းမှာ ပွဲကျပ်များ ဆက်တိုက်ကစားရတော့မည့် အေစီမီလန်အတွက် သတင်းဆိုးဖြစ်ခဲ့သည်။
အေစီမီလန်အသင်းသည် နှစ်သစ်ကူးမတိုင်မီ ပြိုင်ပွဲစုံ(၉)ပွဲအထိ ကစားသွားရမည် ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
