ကမ္ဘာ့ဘောလုံးအဖွဲ့ချုပ်(FIFA)သည် အာဖရိကဘောလုံးအဖွဲ့ချုပ် (CAF) ဥက္ကဋ္ဌ အာမက်အာမက်အား ခြစားမှုစွဲချက်များကြောင့် ဘောလုံးလောကနှင့်ပတ်သက်ခွင့် ငါးနှစ်ပိတ်ပင်သည့်ပြစ်ဒဏ်ချမှတ်ကြောင်း တနင်္လာနေ့တွင် အတည်ပြုထုတ်ပြန်ခဲ့သည်။
အသက် ၆၀ ရှိပြီဖြစ်သည့် မာဒါဂါစကာနိုင်ငံသား အာမက်အာမက်သည် CAF ဥက္ကဋ္ဌအပြင် FIFA ပူးတွဲဒုဥက္ကဋ္ဌအဖြစ်ပါ ဆောင်ရွက်နေသူဖြစ်ပြီး ၂၀၁၇ မှ ၂၀၁၉ ခုနှစ်အတွင်း ခြစားမှုများကျူးလွန်ခဲ့သဖြင့် ပြစ်ဒဏ်ချမှတ်ခံရခြင်းဖြစ်သည်။
FIFA ၏ ထုတ်ပြန်ချက်အရ အာမက်အာမက်သည် သစ္စာစောင့်သိရန် တာဝန်ရှိခြင်း၊ ရာထူးအာဏာအလွဲသုံးစားလုပ်၍ လက်ဆောင်ပစ္စည်းများ လက်ခံ/ပေးအပ်ခြင်း၊ ငွေကြေးအလွဲ သုံးစားပြုလုပ်ခြင်း စသည့်ကျင့်ဝတ်များ ဖောက်ဖျက်ခဲ့ကြောင်း သိရသည်။
ထို့ပြင် ၎င်းသည် ၂၀၁၈ အာဖရိကနိုင်ငံများချန်ပီယံရှစ်ပြိုင်ပွဲအတွက် Puma အားကစားပစ္စည်းကုမ္ပဏီနှင့် သဘောတူညီမှုရထားပြီးဖြစ်သော်လည်း Tactical Steel ကုမ္ပဏီနှင့် စာချုပ်ချုပ် ဆိုရာတွင် ပါဝင်ပတ်သက်ခြင်း၊ အဖွဲ့အစည်းပိုင်ငွေကြေးဖြင့် မက္ကာသို့ ဘုရားဖူးခရီးသွားရောက်ခြင်း ပြုလုပ်ခဲ့သောကြောင့် ငါးနှစ်ပိတ်ပြစ်ဒဏ်အပြင် ဒဏ်ကြေး ဆွစ်ဖရန့်နှစ်သိန်း (ဒေါ်လာ ၂၂၀,၀၀၀) ပါ ချမှတ်ခံခဲ့ရသည်။
အာမက်အာမက်သည် ၂၀၁၇ ခုနှစ် မတ်လတွင် CAF ဥက္ကဋ္ဌသစ်ဖြစ်လာပြီး လာမည့်နှစ် မတ်လတွင်ကျင်းပမည့် ဥက္ကဋ္ဌသစ်ရွေးကောက်ပွဲတွင် ထပ်မံယှဉ်ပြိုင်ရန် ကြေညာထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
