မြန်မာ့လက်ရွေးစင်အသင်းသည် ၂၀၂၆ ကမ္ဘာ့ဖလား ဒုတိယအဆင့်ခြေစစ်ပွဲ အုပ်စုပထမပွဲအဖြစ် ဂျပန်လက်ရွေးစင်အသင်းနှင့် အဝေးကွင်းပွဲယှဉ်ပြိုင်ကစားရန် နိုဝင်ဘာ ၁၃ ရက်က ဂျပန်နိုင်ငံ အိုဆာကာမြို့သို့ ထွက်ခွာသွားခဲ့ပြီး အပြီးသတ်ကစားသမား ၂၄ ဦး ခေါ်ဆောင်သွားခဲ့ကြောင်း သိရသည်။
မြန်မာ့လက်ရွေးစင်အသင်းနည်းပြချုပ် ဖိုက်ရှ်အွန်ဘိုင်နာသည် ယခုလအတွင်း ယှဉ်ပြိုင်ကစားရမည့် ကမ္ဘာ့ဖလား ခြေစစ်ပွဲနှစ်ပွဲအတွက် ပဏာမကစားသမား ၂၉ ဦး ရွေးချယ်ကာ နိုဝင်ဘာ ၆ ရက်မှ စတင်လေ့ကျင့်ခဲ့သည်။
အပြီးသတ်ကစားသမား ၂၄ ဦး ရွေးချယ်ခဲ့ရာတွင် ပဏာမကစားသမားများထဲမှ ပြည့်ဖြိုးအောင် (ဂိုး)၊ မိုးဆွေအောင်၊ ထက်ဖြိုးဝေ၊ ခွန်ကျော်ဇင်ဟိန်း၊ ဥက္ကာနိုင်နှင့် အောင်မြတ်သူတို့ (၆)ဦးအား ချန်ရစ်ခဲ့ပြီး နောက်ခံလူ စိုးမိုးကျော် (ဖနွမ်းပင်ခရောင်း)ကို ပြန်လည်ဖြည့်တင်းခဲ့ကြောင်း သိရသည်။
မြန်မာ့လက်ရွေးစင်အသင်း နည်းပြချုပ် ဖိုက်ရှ်အွန်ဘိုင်နာသည် ၂၀၂၆ ကမ္ဘာ့ဖလား ပထမအဆင့်ခြေစစ်ပွဲအဖြစ် မကာအိုအသင်းနှင့် ယှဉ်ပြိုင်ကစားခဲ့သည့် ကစားသမားအများစုကို အခြေခံကာ ရွေးချယ်ဖွဲ့စည်းခဲ့ခြင်းဖြစ်သော်လည်း မကာအိုနှင့် ကစားခဲ့သည့် ပထမအဆင့်ခြေစစ်ပွဲတွင် ပါဝင်ခဲ့သည့် ှ အောင်ကောင်းမာန်နှင့် ခွန်ကျော်ဇင်ဟိန်းတို့ (၂)ဦးမူ ပြန်လည်ပါဝင်လာခြင်းမရှိကြောင်း သိရသည်။
မြန်မာ့လက်ရွေးစင်အသင်းသည် ယခုလအတွင်း ကမ္ဘာ့ဖလားခြေစစ်ပွဲများအဖြစ် နိုဝင်ဘာ ၁၆ ရက်တွင် ဂျပန်နှင့် အဝေးကွင်း၊ နိုဝင်ဘာ ၂၁ ရက်တွင် မြောက်ကိုရီးယားနှင့် အိမ်ကွင်းယှဉ်ပြိုင်ကစားရမည် ဖြစ်သည်။
မြန်မာ့လက်ရွေးစင်အသင်းသည် ဒုတိယအဆင့်ခြေစစ်ပွဲတွင် ဂျပန်၊ မြောက်ကိုရီးယား၊ ဆီးရီးယားအသင်းတို့ နှင့် အုပ်စု (B)တွင် ကျရောက်နေသည်။
မြန်မာ့လက်ရွေးစင်အသင်း လူစာရင်း
ဂိုး - ကျော်ဇင်ဖြိုး (ရှမ်းယူနိုက်တက်)၊ ဆန်းဆက်နိုင် (ရန်ကုန်)၊ ဇင်ညီညီအောင် (ဒဂုံစတား)
နောက်တန်း - ရဲမင်းသူ၊ နန္ဒကျော်၊ ဇွဲခန့်မင်း၊ (ရှမ်းယူနိုက်တက်)၊ ဟိန်းဇေယျာလင်း (ရန်ကုန်)၊ သက်ဟိန်းစိုး၊ ကောင်းထက်ပိုင် (ရတနာပုံ)၊ လတ်ဝေဘုန်း (ဧရာဝတီ)၊ ဟိန်းဖြိုးဝင်း (ရတ်ချာဘူရီ-ထိုင်း)၊ စိုးမိုးကျော် (ဖနွမ်းပင်ခရောင်း)
အလယ်တန်း - ဝေလင်းအောင်၊ ဆွမ်လမန် (ဒဂုံစတား)၊ ရန်နိုင်ဦး၊ ဇော်ဝင်းသိန်း (ရန်ကုန်)၊ နေမိုးနိုင်၊ ဟိန်းထက်အောင် (နီဂျီရီဆမ်ဘီလန်-မလေးရှား)၊ ကျော်မင်းဦး (PDRM မလေးရှား)၊ မောင်မောင်လွင် (လမ်ဖွန်ဝါရီယာ-ထိုင်း)၊ လွင်မိုးအောင် (ရရောင်း-ထိုင်း)
ရှေ့တန်း - အောင်သူ (အူထိုင်းထာနီ-ထိုင်း)၊ ဝင်းနိုင်ထွန်း (ဘော်နီယို-အင်ဒိုနီးရှား)၊ သန်းပိုင် (ချင်းမိုင်ယူနိုက်တက်-ထိုင်း)
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
