ဘရာဇီးလ်တိုက်စစ်ကစားသမား နေမာက သူ၏ဒူးဒဏ်ရာခွဲစိတ်ကုသမှု အခြေအနေမှာ အလွန်ကောင်းမွန်ကြောင်း အတည်ပြုပြောကြားခဲ့သည်။ ဆော်ဒီကလပ် အယ်လ်ဟီလာအသင်းတွင် ကစားနေသည့် နေမာ၏ အနားယူရမည့်ကာလကိုမူ ဆရာဝန်များက မခန့်မှန်းနိုင်သေးကြောင်း သိရသည်။
အသက် ၃၁ နှစ်အရွယ်ရှိပြီဖြစ်သူ နေမာသည် ပြီးခဲ့သည့်လက ဥရုဂွေးအသင်းအား (၀-၂)ဂိုးဖြင့် အရေးနိမ့်ခဲ့သည့် ၂၀၂၆ ကမ္ဘာ့ ဖလားခြေစစ်ပွဲတွင် ဒူးဒဏ်ရာ ရရှိခဲ့ခြင်းဖြစ်သည်။ နေမာ၏ဘယ်ဘက်ဒူးတွင် အရွတ်စုတ်ပြဲဒဏ်ရာ ရရှိခဲ့ခြင်းဖြစ်ပြီး ပုံမှန်အားဖြင့် ယင်းဒဏ်ရာအမျိုးအစားမှာ ပြန်လည်သက်သာကောင်းမွန်ရန် ရှစ်လမှ ၁၀ လအထိ ကြာမြင့်လေ့ရှိကြောင်း သိရသည်။
ဘရာဇီးလ် အသင်းဆရာဝန်ဖြစ်သူ ရိုဒရီဂိုလက်စ်မာက နေမာသည် ကြံ့ခိုင်မှုပြည့်ဝရန်အတွက် အလွန်စိတ်အားထက်သန်နေကြောင်း ဖွင့်ဟခဲ့သည်။ "နေမာက အလွန်စိတ်အားပြင်းပြနေပါတယ်။ ကျွန်တော်တို့ လိုချင်တဲ့အရာအတိုင်း သူ အနောက်ကလိုက်လုပ်နေပါတယ်"ဟု ရိုဒရီဂိုလက်စ်မာက ဆော်ပေါ်လိုတွင် ပြုလုပ်ခဲ့သော သတင်းစာရှင်းလင်းပွဲတွင် ပြောကြားခဲ့သည်။
နေမာသည် ပြီးခဲ့သည့်နွေရာသီက PSG အသင်းမှ ဆော်ဒီပရိုလိဂ်က ကလပ်ပြောင်းရွှေ့ကြေး ယူရို သန်း ၉၀ ဖြင့် ပြောင်းရွှေ့ခဲ့ပြီး ကြွက်သားဒဏ်ရာကြောင့် အသင်း၏ပွဲစဉ် ငါးပွဲသာ ကစားခဲ့ရကြောင်း သိရသည်။ အယ်လ်ဟီလာအသင်းသည် ရာသီကုန်အထိ အနားယူရမည့် နေမာ၏အခြေအနေကြောင့် ယခုရာသီ အသင်းလူစာရင်းတွင် စာရင်းသွင်းထားမှုကို ပယ်ဖျက်သွားမည်ဖြစ်ကြောင်း သတင်းများက ဖော်ပြခဲ့သည်။
နေမာသည် ဒဏ်ရာပြဿနာများနှင့် မကြာခဏ ကြုံတွေ့နေပြီး သူ၏ဘောလုံးသမားဘဝကို များစွာထိခိုက်ခဲ့ရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
