Top News

ဇန်နဝါရီ ၁ ရက်က ထရန့် အပြည်ပြည်ဆိုင်ရာဟိုတယ်အပြင်ဘက်တွင် Tesla Cybertruck ဗုံးခွဲမှုကို ကျူးလွန်ခဲ့သူသည် ChatGPT ၏ အကူအညီကို အသုံးပြုခဲ့ကြောင်း ရဲတပ်ဖွဲ့ ပြောကြားခဲ့သည်။

ဇန်နဝါရီ ၁ ရက်က လာ့စ် ဗေးဂက်စ်မြို့ရှိ ထရန့်အပြည်အပြည်ဆိုင်ရာဟိုတယ် အပြင်ဘက်တွင် Tesla Cybertruck ကားတစ်စီး ဗုံးပေါက်ကွဲခဲ့ပြီး ထိုဗုံးခွဲတိုက်ခိုက်မှုကို အမေရိကန် ကျည်းတပ်၏ အထူးတပ်ဖွဲ့ တပ်ကြပ်ကြီး မက်သူး လီဗယ်စ်ဘာဂျာက ပြုလုပ်ခဲ့ခြင်းဖြစ်သည်။

သူသည် လိုအပ်သည့် ဖောက်ခွဲရေးပစ္စည်းပမာဏနှင့် ကိုယ်ရေးအချက်အလက်များမပါဘဲ ဖုန်းဖြင့် မီးရှူးမီးပန်းများဝယ်ယူရရှိနိုင်သည့်နေရာကို ChatGPT ဖြင့် ရှာဖွေခဲ့ကြောင်း လာ့စ် ဗေးဂက်စ်မြို့တော်ရဲတပ်ဖွဲ့၏ ရဲမှူး ကီဗင် မက်မဟေးလ်က ပြောကြားခဲ့သည်။

လီဗယ်စ်ဘာဂျာသည် Tesla Cybertruck ကား မပေါက်ကွဲမီအချိန်တွင် ကားထဲတွင် မိမိကိုယ်ကိုယ်သေနတ်ဖြင့်ပစ်ခတ်ပြီး အဆုံးစီရင်ခဲ့ကြောင်း တာဝန်ရှိသူများက ပြောကြားခဲ့သည်။

မက်မဟေးလ်က AI နည်းပညာကို အခြေအနေတစ်ရပ်အားပြောင်းလဲနိုင်သည့်အရာအဖြစ် သုံးနှုန်းပြောဆိုခဲ့သည်။

"AI က အခြေအနေတစ်ခုခု ဒါမှမဟုတ် ကျွန်တော်တို့ရဲ့ လူနေမှုဘ၀တွေအတွက် အပြောင်းအလဲတစ်ခုဖြစ်လာတာကို ကျွန်တော်တို့သိခဲ့ပါပြီ။ ဒါဟာ အမေရိကန်မြေပေါ်မှာ ChatGPT နဲ့ပတ်သက်တဲ့ ပထမဆုံး ဖြစ်စဉ်တစ်ခုပါ" ဟု မက်မဟေးလ်က ပြောကြားခဲ့သည်။

ChatGPT ကိုတီထွင်သည့် OpenAI ကုမ္ပဏီ၏ ပြောရေးဆိုခွင့်ရှိသူကမူ ၎င်းတို့ကုမ္ပဏီအနေဖြင့် ထိုဖြစ်စဉ်ကို စုံစမ်းစစ်ဆေးမှုတွင် အာဏာပိုင်များနှင့်ပူးပေါင်းသွားမည်ဟု ပြောကြားခဲ့သည်။

Ref: CBS News