ပြင်သစ်လက်ရွေးစင်အသင်းနည်းပြ ဒီဒီယာဒေးရွှမ့်စ်က ၂၀၂၆ ကမ္ဘာ့ဖလားပြိုင်ပွဲအပြီးတွင် ရာထူးမှ နုတ်ထွက်တော့မည်ဖြစ်ကြောင်း အတည်ပြု ပြောကြားခဲ့သည်။
ဒေးရွှမ့်စ်(၅၆ နှစ်)သည် ပြင်သစ်အသင်းနည်းပြအဖြစ် ၂၀၁၂ ခုနှစ်ကတည်းက စတင်တာဝန်ယူခဲ့ပြီး ကာလကြာရှည် ထမ်းဆောင်ခဲ့ခြင်းဖြစ်သည်။ ပြင်သစ်အသင်းသည် ဒေးရွှမ့်စ်လက်ထက်တွင် ၂၀၁၈ ကမ္ဘာ့ဖလားပြိုင်ပွဲ နှင့် ၂၀၂၁ Nations League ပြိုင်ပွဲ များ၌ ဗိုလ်စွဲခဲ့ပြီး ယူရို-၂၀၁၆ နှင့် ၂၀၂၂ ကမ္ဘာ့ဖလားပြိုင်ပွဲများတွင်လည်း ဗိိုလ်လုပွဲသို့ရောက်ရှိအောင် စွမ်းဆောင်ပေးခဲ့သည်။
"၂၀၂၆ မှာတော့ ဒါဟာ ပြီးဆုံးသွားပါလိမ့်မယ်။ ကျွန်တော့်ခေါင်းထဲမှာ ဒါဟာ ရှင်းရှင်း လင်းလင်းပါပဲ။ ပြင်သစ်အသင်းကို အမြင့်ဆုံးအဆင့်မှာ ဆက်ရှိစေမယ့် ဆန္ဒ၊ စိတ်အားထက်သန်မှုနဲ့အတူ ကျွန်တော့်ရဲ့အချိန် ပြီးဆုံးမှာပါ။ တစ်ခုကတော့ ရပ်တန့်လိုက်ပါလို့ ပြောနိုင်ရမယ်။ အဲဒီနောက်မှာ ဘဝတစ်ခု ရှိနေပါတယ်။ အရေးအကြီးဆုံးအရာကတော့ ပြင်သစ်အသင်း နှစ်ပေါင်းများစွာရှိခဲ့တဲ့ ထိပ်ဆုံးနေရာမှာ ဆက်ရှိနေဖို့ပါပဲ"ဟု ဒေးရွှမ့်စ်က ပြင်သစ်ရုပ်သံ TF1သို့ ပြောကြားခဲ့သည်။
ကွင်းလယ်လူဟောင်းဖြစ်သူ ဒေးရွှမ့်စ်အနေဖြင့် မာရီယိုဇာဂါလိုနှင့် ဖရန့်ဘက်ကင်ဘောင်ဝါတို့ပြီးနောက် ကမ္ဘာ့ဖလားချန်ပီယံဆုကို ကစားသမားဘဝနှင့်ရော၊ နည်းပြအဖြစ်နှင့်ပါ ရယူနိုင်ခဲ့သည့် တတိယမြောက်အဖြစ် မှတ်တမ်းဝင်ခဲ့သည်။ ဒေးရွှမ့်စ်သည် ကစားသမားဘဝ၌ ကွင်းလယ်ခံစစ်နေရာတွင် ကစားခဲ့ပြီး ပြင်သစ်အသင်းအတွက် (၁၀၃)ပွဲ ကစားခဲ့ကာ ၁၉၉၈ ကမ္ဘာ့ဖလားပြိုင်ပွဲနှင့် ယူရို-၂၀၀၀ ပြိုင်ပွဲများ၌ ဗိုလ်စွဲရာတွင် အသင်းခေါင်းဆောင် ဖြစ်ခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
