ကမ္ဘာ့ဖလားပြိုင်ပွဲကို နှစ်နှစ်တစ်ကြိမ် ကျင်းပမည့် အငြင်းပွားဖွယ် အဆိုပြုချက်အပါအဝင် နိုင်ငံတကာဘောလုံးပြက္ခဒိန်နှင့် ပတ်သက်ပြီး စက်တင်ဘာလ ၃၀ ရက်တွင် အွန်လိုင်းဆွေးနွေးပွဲ ပြုလုပ်သွားရန်အတွက် ကမ္ဘာ့ဘောလုံးအဖွဲ့ချုပ် (FIFA) က နိုင်ငံ ဘောလုံးအဖွဲ့ချုပ်များအား ဖိတ်ကြားခဲ့သည်။
FIFA က လက်ရွေးစင်အသင်းများအ တွက် နိုင်ငံတကာ ဘောလုံးပြက္ခဒိန် ပြန်လည် ရေးဆွဲရန်ဟု ယင်းအွန်လိုင်းဆွေးနွေးပွဲအား ခေါင်းစဉ်တပ်ထားသော်လည်း မီဒီယာများကမူ ကမ္ဘာ့ဖလားပြိုင်ပွဲ နှစ်နှစ်တစ် ကြိမ် ကျင်းပမည့်အစီအစဉ်ကို အကောင်အထည်ဖော်ရန်သာဖြစ်ကြောင်း မှတ်ချက်ပြုခဲ့ကြသည်။
လက်ရှိရေးဆွဲထားသော နိုင်ငံတကာဘောလုံးပြက္ခဒိန်မှာ ၂၀၂၄ ခုနှစ်အထိသာ ဖြစ်ခြင်းကြောင့် အသစ်ရေးဆွဲရန် စီစဉ်ခြင်းဖြစ်ပြီး ကမ္ဘာ့ဖလားပြိုင်ပွဲကို နှစ်နှစ်တစ်ကြိမ် ကျင်းပမည်ဆိုပါက အပြောင်းအလဲများစွာ ပြုလုပ်ရ ဖွယ်ရှိနေသည်။
FIFA ၏ ကမ္ဘာ့ဖလားအစီအ စဉ်သစ်ကို ဥရောပဘောလုံးအဖွဲ့ချုပ် (UEFA) အပါအဝင် ဘောလုံးပရိသတ်များ စွာမှ ကန့်ကွက်နေကြသော်လည်း FIFA က ဆွေးနွေးညှိနှိုင်းမှုများ ပြုလုပ်ပြီးမှသာ အ ကောင်အထည်ဖော်ရန် သင့်၊ မသင့် ဆုံးဖြတ်လိုကြောင်း သိရသည်။
FIFA က လက်ရှိအနေ အထားကို ဆွေးနွေးအဖြေရှာသည့်အဆင့်ဟု သတ်မှတ်ထားသော်လည်း ယခုနှစ်မကုန်မီ အပြီးသတ်ဆုံးဖြတ်ချက်ချနိုင်ရန် ရည်ရွယ်ထားကြောင်း FIFA ဥက္ကဋ္ဌ အင်ဖန်တီနိုက အတည်ပြုပြောကြားထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
