Top News

■ ဆမ်ဒိုးရီးယား နှင့် နာပိုလီ (ကြာသပတေးည ၁၁းဝ၀ နာရီ)

နာပိုလီက ရာသီအစမှာ အောင်ပွဲတွေရနေပေမဲ့ ကစားပုံ လိုအပ်ချက်တွေ ရှိနေသေးတာ တွေ့ရတယ်။ ဒါကလည်း ဥရောပနဲ့ ပြည်တွင်းပြိုင်ပွဲနှစ်ရပ် ဟန်ချက်ညီအောင် လျှောက်လှမ်းနေရတာကြောင့်လို့လည်း ပြောရမယ်။ ဆမ်ဒိုးရီးယားက အင်တာ မီလန်ကို အိမ်ကွင်းမှာ ခြေစွမ်းပြပြီး အမှတ်ခွဲယူနိုင်ခဲ့သလို၊ ဒီပွဲမှာလည်း ရမှတ်မျှော်လင့်ချက်အတွက် ပြင်းထန်စွာတိုက်ပွဲဝင်ပါလိမ့်မယ်။ ဆမ်ဒိုးရီးယား အမှတ်ရနိုင်တယ်။ 

■ တိုရီနို နှင့် လာဇီယို (ကြာသပတေးည ၁၁းဝ၀ နာရီ)

တိုရီနိုက ဒဏ်ရာပြဿနာတွေကြားထဲကနေ အောင်ပွဲတွေ ဖန်တီးပြနေတယ်။ (၂)ပွဲဆက်ဂိုးမပေးခဲ့ရတာလည်း အပြုသဘောဆောင်တဲ့လက္ခဏာပါပဲ။ လာဇီယိုက ဟန်ချက်နည်းနည်းပျက်သွားပုံရပေမဲ့ ဆာရီရဲ့ နည်းဗျူဟာတွေကြောင့် အထင်သေးလို့မရပါဘူး။   တန်ပြန်တိုက်စစ်ကစားပုံလည်း ကောင်းမွန်လို့ ဒါဟာ တိုရီနိုအတွက် အခက်အခဲဖြစ်လာနိုင်ပါတယ်။ တိုရီနို တစ်မှတ်ထက် ပိုမျှော်လင့်လို့ မရဘူး။

■ ရိုးမား နှင့် အူဒီးနီးစ် (သောကြာနံနက် ၁း၁၅ နာရီ)

 မော်ရင်ဟိုက ရိုးမားကို တိုက်စစ်ဦးစားပေးကစားဟန်နဲ့ ပုံဖော်နေတယ်။ ယူရိုပါကွန်းဖရန့်လိဂ်မှာ အေဘရာဟမ်ကို အရန်ကစားသမားအဖြစ်သာ အသုံးပြုပြီး အယ်လ်ရှာရာဝီ၊ ရှိုမူရိုဒေါ့ဗ်တို့နဲ့ ပွဲထုတ်ခဲ့ပေမဲ့  ပယ်လီဂရီနီ ခြေစွမ်းပြခဲ့လို့ ဂိုးပြတ်နိုင်ပွဲ ပိုင်ဆိုင်ခဲ့တယ်။ အူဒီးနီးစ်က မာဂုဏ်မြင့်ပြီး ခြေစွမ်းအတက်ဘက်ရောက်နေပေမဲ့ ရိုမားပဲ အနိုင်ရပါလိမ့်မယ်။ (၂)ဂိုးပြတ်၊ မပြတ်ပဲ စဉ်းစားရမယ်။