Boys Over Flowers ဇာတ်လမ်းတွဲဖြင့် မိန်းကလေးပရိသတ်များ သည်းသည်းလှုပ်အားပေးခဲ့ကြသည့် တောင်ကိုရီးယားမင်းသား လီမင်ဟိုသည် ယင်းဇာတ်လမ်းတွဲမပြမီ သုံးနှစ်အလို ၂၀၀၆ ခုနှစ်တွင် ပြင်းထန်သည့်ယာဉ်တိုက်မှုကြောင့် ပေါင်ရိုးကျိုးကာ တစ်နှစ်နီးပါး ဆေးရုံတက်ခဲ့ရသည်။
ထိုအကြောင်းကို အသက် ၃၇ နှစ်ရှိပြီဖြစ်သည့် လီမင်ဟိုက ဒီဇင်ဘာ ၂၅ ရက်နေ့က ထုတ်လွှင့်သည့် You Quiz On The Block(Talk Show)အစီအစဉ်တွင် ဖွင့်ဟသွားခြင်းဖြစ်သည်။
ကလေးဘဝကတည်းကပေါင်းလာသည့် သူငယ်ချင်းသရုပ်ဆောင် ဂျောင်အီဝူနှင့် ဂန်ဝမ်ပြည်နယ်သို့ခရီးသွားရင်း ယာဉ်တိုက်မှုကြုံခဲ့ရကာ “ တစ်ဖက်ကဝင်တိုက်တဲ့ ကားထဲကလူအားလုံး သေသွားကြတယ်။ ကျွန်တော်လည်း ဆေးရုံမှာတစ်နှစ်နီးပါးနေ လိုက်ရတယ်။ ဘာမှလဲလုပ်လို့မရ ၊ လှဲပဲလှဲ နေရတယ်” ဟု လီမင်ဟိုက ပြောပြသည်။
တစ်ဖက်ကားကိုမောင်းလာသူက အရက်မူးနေပြီး ထိုစဉ်က လီမင်ဟို၏အသက် ၂၀ သာရှိသေးသည်။ ပေါင်ရိုးကျိုးသွားသည့်အတွက် ဆေးကုသချိန်မှ ထူထူထောင်ထောင် ပြန်ဖြစ်လာသည်အထိ ဆေးရုံတွင် တစ်နှစ်နီးပါး အချိန်ပေးလိုက်ရသည်။
“လူကြီးစဖြစ်တဲ့အချိန် အိပ်မက်တွေ ၊ ရည်မှန်းချက်တွေနဲ့ပေါ့။ အဲဒီမှာအရာအားလုံး ရှေ့ဆက်လို့လည်းမရရော လူကဒေါသထွက် ၊ စိတ်ဓာတ်တွေကျ ၊ နောက်ဆုံးတော့လည်း လက်ခံတတ်သွားတယ်” ဟု ၎င်းဖြတ် သန်းခဲ့ရသည်ကို လီမင်ဟိုက ပြန်တွေးပြောပြသည်။ယာဉ်တိုက်မှုကြောင့် သူငယ်ချင်း ဂျောင်အီဝူက ဦးနှောက်သွေးကြောဖောင်းခဲ့သော်လည်း လီမင်ဟိုထက်စောပြီး သက်သာလာခဲ့သည်။
လီမင်ဟိုသည် ကေပေါ့အေဂျင်စီ SM Entertainment ၏ ကမ်းလှမ်းချက်သုံးခုကို ငြင်းခဲ့သည်ဟုလည်း ပြောသည်။“အဆို အကနဲ့ပတ်သက်ရင် ကျွန်တော်က ပါရမီမရှိ ဘူး။ ဒါတောင်ကျွန်တော့်ကို သူတို့ဘာလို့ ရွေး ငှားလဲလို့ သိချင်မိတယ်။ ကခိုင်းလို့ ကျွန်တော်ကပြတော့ ကျွန်တော်ကတာ မကောင်းဘူးလို့ သူတို့ကပြောတယ်” ဟု လီမင်ဟိုကရယ်ရင်းပြောပြသည်။
Boys Over Flowers ဇာတ်ကောင်အတွက် သရုပ်ဆောင်ပြစဉ်က လီမင်ဟိုသည် ကာတွန်းဇာတ်ကောင်၏ ဆံပင်ပုံစံအတိုင်း ပြင်ဆင်ထားခဲ့သဖြင့် ဘေးလူများကို အံ့အားသင့်စေခဲ့သည်။ ၎င်းအဆိုအရ မည်သူကမှ ထိုသို့ပြင်ဆင်မလာခဲ့ပေ။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
