မြန်မာနိုင်ငံတစ်ဝန်း ပုဂ္ဂလိက စက်သုံးဆီပေါင်း ၂၆၈၁ ဆိုင်အထိ ရှိလာပြီး မန္တလေး၊ ပဲခူး၊ စစ်ကိုင်း၊ ဧရာဝတီ၊ ရန်ကုန်၊ မကွေးတိုင်းဒေသကြီးတို့တွင် စက်သုံးဆီဆိုင် ၁၇၅၄ ဆိုင် ရှိကြောင်း လျှပ်စစ်နှင့် စွမ်းအင်ဝန်ကြီးဌာနမှ သိရသည်။
၂၀၁၉ ခုနှစ် ဇန်နဝါရီမှ ဒီဇင်ဘာအထိ စက်သုံးဆီဆိုင် ၂၉၀ ကျော် ခွင့်ပြုခဲ့ပြီး တစ်နိုင်ငံလုံးတွင် ပုဂ္ဂလိကစက်သုံးဆီဆိုင်၂၆၈၁ ဆိုင် အထိရှိလာကြောင်း လျှပ်စစ်နှင့် စွမ်းအင်ဝန်ကြီးဌာန၏ စက်သုံးဆီ ဖြန့်ဖြူးရောင်းချခွင့် လိုင်စင်ထုတ်ပေးထားသော စာရင်းများအရ သိရသည်။
၂၀၁၈ ခုနှစ် ဒီဇင်ဘာ ၂၇ ရက်အထိ မြန်မာနိုင်ငံတစ်ဝန်း၌ ပုဂ္ဂလိက စက်သုံးဆီဆိုင် ၂၃၈၉ ဆိုင် ခွင့်ပြုထားရာမှ ၂၀၁၉ ခုနှစ် ဒီဇင်ဘာ ၃၁ ရက်စာရင်းများအရ စက်သုံးဆီဆိုင်ပေါင်း ၂၆၈၁ ဆိုင်အထိ ခွင့်ပြုခဲ့ရာ တစ်နှစ်အတွင်း စက်သုံးဆီဆိုင် ၂၉၂ ဆိုင် လိုင်စင်ထုတ်ပေးခဲ့ခြင်း ဖြစ်သည်။
၂၀၁၉ ခုနှစ် ဒီဇင်ဘာ ၃၁ ရက်အထိ တိုင်းဒေသကြီးနှင့် ပြည်နယ် အများအလိုက် စက်သုံးဆီဖြန့်ဖြူး ရောင်းချခွင့်လိုင်စင် ထုတ်ပေးထားသော စက်သုံးဆီဆိုင်များမှာ ပြည်ထောင်စုနယ်မြေတွင် ၉၅ ဆိုင်၊ ရန်ကုန်တိုင်းဒေသကြီးတွင် ၁၈၇ ဆိုင်၊ မန္တလေးတိုင်းဒေသကြီးတွင် ၆၅၅ ဆိုင်၊ ဧရာဝတီတိုင်းဒေသကြီးတွင် ၂၁၃ ဆိုင်၊ ပဲခူးတိုင်းဒေသကြီးတွင် ၂၆၇ ဆိုင်၊ မကွေးတိုင်းဒေသကြီးတွင် ၁၉၃ ဆိုင်၊ စစ်ကိုင်းတိုင်းဒေသကြီးတွင် ၂၃၉ ဆိုင်၊ တနင်္သာရီတိုင်းဒေသကြီး၌ ၃၀ ဆိုင်၊ ကချင်ပြည်နယ်တွင် ၁၂၀ ဆိုင်၊ ကယားပြည်နယ်တွင် ၁၈ ဆိုင်၊ ကရင်ပြည်နယ်၌ ၅၂ ဆိုင်၊ ချင်းပြည်နယ်တွင် ငါးဆိုင်၊ မွန်ပြည်နယ်တွင် ၁၃၇ ဆိုင်၊ ရခိုင်ပြည်နယ်တွင် ၃၈ ဆိုင်၊ ရှမ်းပြည်နယ်အရှေ့ပိုင်းတွင် ၅၈ ဆိုင်၊ ရှမ်းပြည်နယ် မြောက်ပိုင်း၌ ၁၉၅ ဆိုင်၊ ရှမ်းပြည်နယ်တောင်ပိုင်းတွင် ၁၇၉ ဆိုင်တို့ ဖြစ်သည်။
စက်သုံးဆီအရည်အသွေးနှင့် အခြင်အတွယ် ကိုက်ညီမှုမရှိပါက ပေးဆောင်ရမည့် ဒဏ်ကြေးငွေကို မကိုက်ညီမှုတစ်မျိုးလျှင် ကျပ် ၁၀ သိန်းအထိ တိုးမြှင့်သတ်မှတ်လိုက်ကြောင်း မြန်မာနိုင်ငံစက်သုံးဆီ တင်သွင်း ရောင်းချဖြန့်ဖြူးရေးအသင်းက ၂၀၁၉ ခုနှစ် စက်တင်ဘာ ၂၇ ရက်တွင် အသိပေးကြေညာထားသည်။
ရေနံနှင့် ရေနံထွက်ပစ္စည်းဆိုင်ရာ လုပ်ငန်းများ ထိန်းသိမ်းကြီးကြပ်ရေး ကော်မတီ၊ အစည်းအဝေးအမှတ်စဉ် (၃/၂၀၁၉) ၏ အစည်းအဝေးဆုံးဖြတ်ချက်နှင့် ၂၀၁၉ ခုနှစ် စက်တင်ဘာ ၁၉ ရက် နေ့စွဲပါ စာအမှတ် MOEE ၁/၁၉ (ကြီးကြပ်-၂) (၁၅၆၁၅)/၂၀၁၉ အရ ဒဏ်ကြေးငွေ တိုးမြှင့်သတ်မှတ်ခဲ့ခြင်းဖြစ်သည်။
တိုင်းဒေသကြီး/ပြည်နယ် ရေနံကြီးကြပ်/ဆပ်ကော်မတီများအနေဖြင့် ပုဂ္ဂလိက စက်သုံးဆီဆိုင်များအား စက်သုံးဆီအရည်အသွေးနှင့် အခြင်အတွယ်မှန်ကန်ကိုက်ညီမှု ရှိ/မရှိ အခါအားလျော်စွာ ရှောင်တခင်စစ်ဆေးရာ၌ ကိုက်ညီမှုမရှိကြောင်း စစ်ဆေးတွေ့ရှိခဲ့သော် ယခင်က မကိုက်ညီမှုတစ်မျိုးလျှင် ပေးဆောင်ရမည့်ဒဏ်ကြေးငွေ ကျပ် ငါးသိန်းမှ ယခုအခါ ဒဏ်ကြေးငွေ ကျပ် ၁၀ သိန်းသို့ ၂၀၁၉ ခုနှစ် ဒီဇင်ဘာ ၃၁ ရက်အထိ တိုးမြှင့်သတ်မှတ်လျက် ပြစ်ဒဏ်ချမှတ်အရေးယူ ဆောင်ရွက်သွားမည်ဖြစ်ကြောင်း ပြည်နယ်နှင့် တိုင်းဒေသကြီးအတွင်းရှိ စက်သုံးဆီအရောင်းဆိုင်များအနေဖြင့် သိရှိနိုင်ရန် မြန်မာနိုင်ငံ စက်သုံးဆီ တင်သွင်းရောင်းချဖြန့်ဖြူးရေးအသင်းက အသိပေးအကြောင်းကြားခဲ့ခြင်း ဖြစ်သည်။
လက်ရှိဘဏ္ဍာနှစ် တစ်လခန့်တွင် ပြည်ပမှစက်သုံးဆီတင်သွင်းမှု ဒေါ်လာ သန်း ၁၈၀ ကျော်ရှိပြီး ယခင်နှစ်ကာလတူထက် ဒေါ်လာ ၂၉ သန်းအထိ လျော့ကျခဲ့ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ လက်ထောက်အတွင်းဝန် ဦးခင်မောင်လွင်က ပြောကြားသည်။
၂၀၁၉-၂၀၂၀ ဘဏ္ဍာနှစ် အောက်တိုဘာ ၁ ရက်မှ ၂၅ ရက်အထိ ပြည်ပမှ ဒီဇယ်တင်သွင်းမှု အမေရိကန် ဒေါ်လာ ၁၁၂ သန်းရှိပြီး ယခင်နှစ်ကာလတူထက် ဒေါ်လာ ၁၈ သန်းလျော့ကျခဲ့သည်။ ဓာတ်ဆီတင်သွင်းမှုသည် ဒေါ်လာ ၇၁ သန်းရှိပြီး ယခင်နှစ်ကာလတူထက် ဒေါ်လာ ၁၁ သန်း လျော့ကျခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
