Top News

ဟွန်ဘင်းခေါင်းဆောင် သရုပ်ဆောင်ထားသည့် Herbin ဇာတ်ကား ရုံစတင်ပြီးနှစ်ရက်အတွင်း ပရိသတ်တစ်သန်းကျော် လာရောက်အားပေး
24htopnews | January 6, 2025 8:12 PM CST

မင်းသားဟွန်ဘင်းခေါင်းဆောင် ပါဝင်သရုပ်ဆောင်ထားသည့် Herbin တော်လှန်ရေးဇာတ်ကားကြီးကို ဒီဇင်ဘာ ၂၄ ရက်တွင် စတင်ရုံတင်ပြသလိုက်ရာ နှစ်ရက်အတွင်း လာရောက်အားပေးသည့် ပရိသတ်တစ်သန်း ကျော်အထိရှိခဲ့သည်။

၁၉၀၉ ခုနှစ်က ဂျပန်လက်အောက်မှ တောင်ကိုရီးယားနိုင်ငံလွတ်လပ်ရေးရအောင် တိုက်ပွဲဝင်ကြသူများအကြောင်း ရိုက်ကူးထားသည့် သူလျှိုဇာတ်လမ်းဖြစ်ပြီး ဟွန်ဘင်းက လွတ်လပ်ရေးအတွက် တိုက်ပွဲဝင်သူ ဗိုလ်ချုပ်ကြီးအန်ဂျောင်ဂွန်နေရာမှ ဖြစ်သည်။

တာဝန်ကြီးသည့်အတွက် Herbin ဇာတ်ကောင်ကို အစပိုင်းတွင် ဟွန်ဘင်းက ငြင်းခဲ့သေးသည်။ ၎င်းဖွင့်ဟချက်အရ ယနေ့အထိရိုက်လာသမျှ ဇာတ်ကောင်များထဲ Herbin ဇာတ်ကောင်က စိတ်အပင်ပန်းရဆုံး ဖြစ်ခဲ့သည်။

ရုံစတင်ပြီး နှစ်ရက်အတွင်း ပရိသတ်တစ်သန်းကျော်လာကြည့်သည့်အတွက် မင်းသားမာဒုံဆော့၏ The Roundup(၂၀၂၂) ရုပ်ရှင်နှင့် The Roundup: Punishment(၂၀၂၄ ရုပ်ရှင်) ဇာတ်ကားများ ရုံစတင်ခဲ့စဉ်က စံချိန်နှင့် အတူတူဖြစ်သွားသည်။

မွန်ဂိုလီးယား ၊ လတ်ဗီးယားနှင့် တောင်ကိုရီးယားတို့တွင် ရိုက်ကူးထားပြီး ရိုက်ကူးထုတ်လုပ်မှုကုန်ကျစရိတ် ကိုရီးယားဝမ်ဘီလျံနှင့်ချီသုံးထားသည်။ Herbin ကဲ့သို့ ဖြစ်ရပ်မှန်သမိုင်းဇာတ်ကားမျိုး ထပ်ရိုက်သင့်သည် ဟုလည်း ဟွန်ဘင်းကမှတ်ချက်ပေးသည်။

ဇာတ်လမ်းထဲတွင် အန်ဂျောင်ဂွန်က တရုတ်နိုင်ငံမြောက်ပိုင်းရှိ ဟာဘင်မြို့သို့လျှို့ ဝှက်တာဝန်ဖြင့်ရောက်လာခဲ့ပြီး ဟာဘင်ဘူတာရုံတွင် ဂျပန်နိုင်ငံ၏ ပထမဆုံးဝန်ကြီးချုပ် အီတိုဟီရိုဘူမီကို လုပ်ကြံခဲ့သည်။ ယင်းပြစ်မှုဖြင့် ၎င်းလည်းသေဒဏ်ကျခဲ့သည်။


READ NEXT
Cancel OK