အာဆင်နယ်အသင်းသည် စပိန်ကလပ် ဘီလ်ဘာအိုအသင်းမှ စပိန်လူငယ်တောင်ပံ တိုက်စစ်ကစားသမား နီကိုဝီလီယံစ်အား စာချုပ်လျော်ကြေးပေးပြီး ခေါ်ယူရန် အသင့်ရှိနေကြောင်း သိရသည်။
အာဆင်နယ်အသင်းသည် ယူရို ၂၀၂၄ ပြိုင်ပွဲတွင် ခြေစွမ်းပြခဲ့သည့် နီကိုဝီလီယံစ် အား ခေါ်ယူရန် ပြီးခဲ့သည့်နွေရာသီကတည်းက ပစ်မှတ်ထားခဲ့ပြီး ယခုဇန်နဝါရီအပြောင်းအရွှေ့စျေးကွက်တွင် အရခေါ်ယူရန် စီစဉ်လာခြင်းဖြစ်ကြောင်း သိရှိရသည်။
လက်ရှိ အာဆင်နယ်အသင်းတွင် အသင်း၏အဓိက တိုက်စစ်ကစားသမားဖြစ်သူ ဆာကာမှာ ခြေချင်းဝတ်ဒဏ်ရာကြောင့် နှစ်လကျော် အနားယူရမည်ဖြစ်ရာ အသင်းနည်းပြ အာတီတာအနေဖြင့် တိုက်စစ်ပိုင်းကို အရည်အသွေး မြင့်ကစားသမားဖြင့် အင်အားဖြည့်တင်းရန် အလိုရှိနေကြောင်း သိရသည်။
Goal.com ၏ဖော်ပြမှုအရ အာဆင်နယ်အသင်းသည် လက်ရှိတွင် နီကိုဝီလီယံစ်၏အေးဂျင့်ဖြစ်သူနှင့် အပြောင်းအရွှေ့အတွက် ဆွေးနွေးနေ ပြီး စာချုပ်လျော်ကြေးကို ပေးချေရန်အသင့် ရှိနေကြောင်း သိရသည်။ အသက် ၂၂ နှစ်အရွယ်ရှိ စပိန်တောင်ပံတိုက်စစ်ကစားသမား နီကိုဝီလီယံစ်သည် ဘီလ်ဘာအိုအသင်းနှင့် ၂၀၂၇ ခုနှစ်အထိ စာချုပ်သက်တမ်းရှိနေပြီး ၎င်း၏စာချုပ်လျော်ကြေးမှာ ပေါင် ၄၈ သန်း (ယူရို ၅၈ သန်း)ဖြစ်ကြောင်း သိရသည်။
အာဆင်နယ် အသင်းသည် အဆိုပါစာချုပ်လျော်ကြေးကို ပေးချေရန် အသင့်ရှိနေပြီး လက်ရှိတွင် နီကိုဝီလီယံစ်အား ချဉ်းကပ်ကာ အသင်းသို့ ပြောင်းရွှေ့လာရန် ဆွဲဆောင်နေကြောင်း သိရှိရသည်။ နီကိုဝီလီယံစ်သည် ယခုရာသီတွင် ဘီလ်ဘာအိုအသင်း၌ အဓိကကစားသမားအဖြစ် ခြေစွမ်းပြနေပြီး ပြိုင်ပွဲစုံ ၂၃ ပွဲကစားရာတွင် နှစ်ဂိုးသွင်းကာ ဂိုးဖန်တီးမှု ငါးကြိမ် ပြုလုပ်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
