နေပြည်တော်တွင် ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီကို ထောက်ခံကြသည့် မဲဆန္ဒရှင်ပြည်သူများက Green Campaign လှုပ်ရှားမှုကို စက်တင်ဘာ ၁၀ ရက်က ပြလုပ်ခဲ့ကြောင်း သိရသည်။
စက်တင်ဘာ ၁၀ ရက်ကပြုလုပ်သည့် Green Campaign သည် ပါတီထောက်ခံသူများကဆောင်ရွက်ခဲ့သည့် လှုပ်ရှားမှုဖြစ်ပြီး ပြည်ခိုင်ဖြိုးပါတီ၏ Green Campaign လှုပ်ရှားမှုများကို စနစ်တကျ စီစဉ်ဆောင်ရွက်သွားမည်ဖြစ်ကြောင်း ဦးဝင်းဌေးက ပြောကြားသည်။
“ကျွန်တော်တို့က လုပ်တာမဟုတ်ဘူး။ ရပ်ကွက်က လူတွေကသွားမယ်၊ သွားမယ်ဆိုပြီးလာတာနဲ့ ကျွန်တော်တို့က အထိန်းလိုက်လိုက်ရတာ။ ပြောမယ်ဆိုရင် ကျွန်တော်တို့ ခေါ်လိုက်တာမဟုတ်ဘူး။ မဲဆန္ဒရှင်တွေက ပြောရမယ်ဆိုရင်တော့ NLD က ထွက်တော့လေ၊ သူတို့ကလည်း ထွက်ချင်တယ်။ ထွက်ချင်တယ်ဆိုတော့ နေဦး၊ တို့က ထွက်လို့မရသေးဘူးဆိုတော့၊ မဟုတ်ဘူး ကျွန်တော်တို့က လူစုပြီးပြီ၊ လာပြီဆိုပြီး ထွက်လာတော့ ကျွန်တော်တို့လည်း ပါသွားတာ” ဟု ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ဇမ္ဗူသီရိမြို့နယ် ပါတီဥက္ကဋ္ဌ ဦးဝင်းဌေးက ပြောကြားသည်။
ပြည်ထောင်စုနယ်မြေ နေပြည်တော်ရှိ အမျိုးသားလွှတ်တော် မဲဆန္ဒနယ် နှစ်နေရာနှင့် ပြည်သူ့လွှတ်တော် မဲဆန္ဒနယ်ရှစ်နေရာအတွက် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကိုယ်စားပြု လွှတ်တော်ကိုယ်စားလောင်းများ ဝင်ရောက်ယှဉ်ပြိုင်ကြမည်ဖြစ်ပြီး ပါတီဥက္ကဋ္ဌ ဦးသန်းဌေးသည် ဇေယျာသီရိမြိုနယ် ပြည်သူ့လွှတ်တော်ကိုယ်စားလှယ်နေရာတွင် ဝင်ရောက်ယှဉ်ပြိုင်မည်ဖြစ်သည်။
ပြည်ထောင်စုနယ်မြေတွင် ပြည်ခိုင်ပါတီဥက္ကဋ္ဌဖြစ်သူ ဝင်ရောက်ယှဉ်ပြိုင်မည်ဖြစ်ခြင်းကြောင့် မည့်သည့်အချိန်တွင် Green Campaign လှုပ်ရှားမှုများ စတင်ဆောင်ရွက်မည်နည်းဆိုသည့် မေးမြန်းမှုကို “ကျွန်တော့်စိတ်ထင်တော့ နောက်တစ်ပတ်လောက် စလိမ့်မယ်ထင်တယ်” ဟု ဦးဝင်းဌေးက ပြန်လည်ဖြေကြား သည်။
ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီသည် ၂၀၂၀ အထွေထွေရွေးကောက်ပွဲတွင် ပြည်ထောင်စုနယ်မြေ နေပြည်တော်အတွင်းရှိ ပြည်သူ့လွှတ်တော်မဲဆန္ဒနယ်မြေများဖြစ်သော ဇေယျာသီရိမဲဆန္ဒနယ်မြေတွင် ပါတီဥက္ကဋ္ဌဦးသန်းဌေး၊ ဇမ္ဗူသီရိမြို့နယ် မဲဆန္ဒနယ်မြေတွင် ဦးဝဏ္ဏမောင်လွင်၊ ဥတ္တရသီရိမြို့နယ်တွင် ဦးဝင်းရှိန်၊ ဒက္ခိဏသီရိမြို့နယ်တွင် ဦးမြင့်လှိုင်၊ ပုဗ္ဗသီရိမြို့နယ်တွင် ဦးဝေလွင်တို့က ဝင်ရောက်ယှဉ်ပြိုင်ကြမည်ဖြစ်ကြောင်း သိရသည်။
ထို့ပြင် ပြည်ထောင်စုနယ်မြေ နေပြည်တော်တွင်ပါဝင်သော အမျိုးသားလွှတ်တော် မဲဆန္ဒနယ် အမှတ် (၁၁) နှင့် အမှတ် (၁၂) တို့အတွက် ဝင်ရောက်ယှဉ်ပြိုင်မည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီ ကိုယ်စားပြု လွှတ်တော်ကိုယ်စားလှယ်လောင်းများအဖြစ် အမှတ် (၁၁) မဲဆန္ဒနယ်မြေတွင် ဒေါ်ဝင်းဝင်းသီနှင့် အမှတ် (၁၂) မဲဆန္ဒနယ်မြေတွင် ဦးခင်မောင်ဌေးတို့ ဝင်ရောက်ယှဉ်ပြိုင်ကြမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
