
Sony မှဖြန့်ချိပေးထားသော စိတ်ကူးယဉ်အက်ရှင်ဇာတ်ကား Jumanji: The Next Level သည် မြောက်အမေရိကဒေသ၌ ရုံတင်ပြသရာမှ ပွဲဦးထွက်ဝင်ငွေဒေါ်လာ ၆၀.၁ သန်းရရှိခဲ့ပြီး ယခုသီတင်းပတ် ဝင်ငွေအကောင်းဆုံး ရုပ်ရှင်စာရင်းတွင် နံပါတ်တစ်နေရာသို့ ရောက်ရှိလာကြောင်း လက်မှတ်ဝင်ငွေ လေ့လာရေးအဖွဲ့ Exhibitor Relations က ထုတ်ပြန်ခဲ့သည်။
Jumanji: The Next Level ဇာတ်ကားသည် ၁၉၉၅ ခုနှစ်က ထွက်ရှိခဲ့သော Jumanji ရုပ်ရှင်၏ ဇာတ်အိမ်ကို အခြေပြုရိုက်ကူးထားခြင်းဖြစ်ကာ ၂၀၁၇ ခုနှစ်က ရုံတင်ပြသခဲ့သော Jumanji: Welcome to Jungle ဇာတ်ကား၏ နောက်ဆက်တွဲဇာတ်ကြောင်းကို ရိုက်ကူးထားခြင်းဖြစ်သည်။
Jumanji: Welcome to Jungle ဇာတ်ကားထဲတွင် Jumanji အမည်ရှိသော ဗီဒီယိုဂိမ်းစက်တစ်ခုကို လူငယ်သူငယ်ချင်းတစ်စု ကစားကြရာမှ ဂိမ်းထဲမှ ဇာတ်ကောင်များအတိုင်း ဖြစ်သွားကြကာ ဂိမ်းထဲရှိ ထူးဆန်းထွေလာနေရာများ၌ မစ်ရှင်များကို အောင်မြင်စွာကျော်ဖြတ်ရင်း ဂိမ်းထဲမှ လွတ်မြောက်အောင် ကြိုးပမ်းနိုင်ခဲ့ကြသည်။
သို့သော် Jumanji တွင် စွန့်စားခန်းဖွင့်ခဲ့ကြသည့်သူငယ်ချင်းများထဲမှ Spencer အမည်ရှိ လူငယ်တစ်ဦးသည် Jumanji ဂိမ်းကို ထပ်မံကစားလို၍ ၎င်း၏သူငယ်ချင်းများ မသိအောင် ဂိမ်းထဲသို့ တစ်ဖန်ဝင်ရောက်ပြီး ပျောက်ဆုံးသွားခဲ့သည့်အတွက် Spencer အား ကယ်တင်ရန် ကျန်သူငယ်ချင်းများသည်လည်း ဂိမ်းအတွင်းသို့ ဝင်ရောက်ကာ ပိုမိုခက်ခဲကြမ်းတမ်းလာသော မစ်ရှင်များကို ထပ်မံလုပ်ဆောင်ရင်း ကမ္ဘာမြေသို့ ပြန်လည်ရောက်ရှိနိုင်ရန် ကြိုးပမ်းရသည့်အကြောင်းကို Jumanji: The Next Level ဇာတ်ကားထဲတွင် စိတ်လှုပ်ရှားဖွယ် ရိုက်ကူးတင်ဆက်ပေးထားသည်။
ဒေါ်လာ ၁၂၅ သန်းကျော် အကုန်ကျခံ ရိုက်ကူးထားသော ယင်းဇာတ်ကားထဲတွင် The Rock ဟု အသိများသည့် မင်းသားကြီး ဒွိန်းဂျွန်ဆင်၊ ဂျက်ဘလက်၊ Kevin Hart၊ Karen Gillan၊ အဆိုတော် Nick Jonas တို့ ပါဝင်သရုပ်ဆောင်ထားသည်။
မြောက်အမေရိက ဝင်ငွေအကောင်း ဆုံးရုပ်ရှင်စာရင်း၏ နံပါတ်နှစ်နေရာတွင် Frozen II အန်နီမေးရှင်းဇာတ်ကားက ဝင်ငွေဒေါ်လာ ၁၉.၂ သန်းဖြင့် ရပ်တည်နေပြီး လျှို့ဝှက်သည်းဖို စုံထောက်ဇာတ်ကားမှာ ဝင်ငွေဒေါ်လာ ၉.၃ သန်းဖြင့် နံပါတ်သုံးနေရာတွင်လည်းကောင်း၊ ဒရာမာဇာတ်ကားသစ် Richard Jeweel မှာ ပွဲဦးထွက်ဝင် ငွေဒေါ်လာ ၅ သန်းဖြင့် နံပါတ်လေးနေရာ တွင်လည်းကောင်း၊ သည်းထိတ်ရင်ဖိုဇာတ်ကား Black Christmas မှာ ပွဲဦးထွက်ဝင်ငွေ ဒေါ်လာ ၄.၄ သန်းဖြင့် စာရင်း၏ နံပါတ်ငါးနေရာတွင်လည်းကောင်း အသီးသီးရပ်တည်လျက်ရှိသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်