မန်ယူအသင်းနည်းပြ ဆိုးလ်ရှားက သတင်းထောက်များအနေဖြင့် မနေ့ကအထိ ရာထူးမှထုတ်ပယ်ခံရရန် နီးစပ်နေသူကို ချန်ပီယံမျှော်လင့်ချက်အတွက် မမေးသင့်ကြောင်း နောက်ပြောင်ပြောကြားခဲ့သည်။
ဆိုးလ်ရှားသည် ပြီးခဲ့သည့်တစ်ပတ်က ချန်ပီယံလိဂ်အဖွင့်ပွဲစဉ်တွင် ယန်းဘွိုင်းစ်အသင်းအား ရှုံးနိမ့်သဖြင့် နည်းဗျူဟာပိုင်းနှင့် လူစားလဲမှုအပေါ် ဝေဖန်မှုများခံခဲ့ရသော်လည်း တနင်္ဂနွေနေ့က ဝက်စ်ဟမ်းနှင့်ပွဲတွင် နောက်ကျဂိုးဖြင့် အနိုင်ရကာ ဇယားထိပ်ဆုံးနေရာ၌ ချယ်လ်ဆီး၊ လီဗာပူးလ်တို့နှင့်အတူ ရမှတ်တူဖြင့် ဦးဆောင်နိုင်ခဲ့ပြီဖြစ်သည်။
ထို့ကြောင့် ယခုရာသီ ချန်ပီယံမျှော်လင့်ချက်အတွက် မေးမြန်းစဉ် ဆိုးလ်ရှားက ''အခုတော့ ကျွန်တော့်ဆီက ခင်ဗျားအဖြေရမှာ မဟုတ်ဘူး။ ရာသီစတာ (၅)ပွဲပဲရှိပါသေးတယ်။ ကျွန်တော်ကလည်း မနေ့ကအထိ ထုတ်ပယ်ခံရနိုင်တဲ့အထိ ဖြစ်နေတဲ့သူလေ။ ဒီလိုမျိုးက မန်ချက်စတာယူနိုက်တက်မှာ ဖြစ်နေကျပါပဲ။ အနိုင် သုံးမှတ်နဲ့ ကျွန်တော်တို့ ထိုက်တန်ပါတယ်။ ဒီနေရာက လာကစားဖို့ တကယ်ခက်ပါတယ်။ ဒီရမှတ်တွေက မတူကွဲပြားမှုတစ်ခု ဖန်တီးပေးနိုင်မယ်လို့ မျှော်လင့်ပါတယ်။ ချန်ပီယံဆုအကြောင်းကိုတော့ ဧပြီ၊ မေလောက်မှာ ကျွန်တော်တို့ ဘယ်နေရာရောက်နေလဲဆိုတာ ကြည့်ပြီး ပြောကြတာပေါ့'' ဟု ဖြေကြားခဲ့ခြင်းဖြစ်သည်။
မန်ယူအသင်းသည် ဗုဒ္ဓဟူးနေ့တွင် လိဂ်ဖလားတတိယအဆင့်အဖြစ် ဝက်စ်ဟမ်းအသင်းနှင့် အိမ်ကွင်းပွဲစဉ် ထပ်မံကစားရမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
