ရီးယဲလ်အသင်း၏ဥက္ကဋ္ဌ ဖလော်ရင်တီနို ပီရက်ဇ်သည် အသင်း၏ဥက္ကဋ္ဌအဖြစ် နောက်ထပ်(၄)နှစ် ထပ်မံဆောင်ရွက်ခွင့်ရရှိရန် နီးစပ်နေကြောင်း သိရသည်။
ပီရက်ဇ်(၇၇ နှစ်)သည် ရီးယဲလ်အသင်းအတွက် ဆုဖလားအများဆုံး ရယူပေးနိုင်သည့် ဥက္ကဋ္ဌအဖြစ် စံချိန်တင်ထားသူဖြစ်ပြီး ၎င်းသည် ရီးယဲလ်အသင်းကို ၂၀၀၀ ခုနှစ်မှ ၂၀၀၆ ခုနှစ်အထိ ဥက္ကဋ္ဌအဖြစ် ဆောင်ရွက်ခဲ့ဖူးသလို၊ ၂၀၀၉ ခုနှစ်မှ လက်ရှိအချိန်အထိ ဥက္ကဋ္ဌအဖြစ် ထပ်မံဆောင်ရွက်နေခြင်းဖြစ်သည်။
ထို့ကြောင့် ၎င်းအနေဖြင့် ရီးယဲလ်အသင်း၏ ဥက္ကဋ္ဌအဖြစ် စုစုပေါင်း(၂၁)နှစ်ကျော် ဆောင်ရွက်ခဲ့ပြီး ဆုဖလား (၃၄)လုံး ရယူပေးနိုင်ခဲ့သည်။
ပီရက်ဇ်သည် ဆုဖလားအောင်ပွဲများစွာ ရယူပေးနိုင်ခဲ့သည့်အပြင် အသင်းသို့ ကမ္ဘာ့အကောင်းဆုံးထိပ်တန်းကစားသမားများစွာ ခေါ်ယူကာ ကြယ်စင်စုအသင်း တည်ဆောက်ပေးနိုင်ခဲ့ခြင်းကြောင့်လည်း ပရိသတ်များနှင့် ဘုတ်အဖွဲ့ဝင်များ၏ အားပေးထောက်ခံမှုများစွာ ရရှိခဲ့သူဖြစ်သည်။
ယခုအခါ ရီးယဲလ်အသင်း၏ ဥက္ကဋ္ဌရွေးကောက်ပွဲ ပြုလုပ်ရတော့မည်ဖြစ်သော်လည်း ၎င်းနှင့် ယှဉ် ပြိုင်ရွေးချယ်ခံမည့်သူ ထွက်ပေါ်လာခြင်းမရှိသေးသည့်အတွက် ၎င်းပင် ထပ်မံဆောင်ရွက်ခွင့်ရရှိရန် နီးစပ်နေခြင်းဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
