ပြည်တွင်း၌ ဆန်ပြတ်လပ်မှုမရှိနိုင်ကြောင်းနှင့် အရန်ဆန်အိတ်ရေ ရှစ်သိန်းရှိသဖြင့် ပြည်သူများ လိုအပ်ချက်ရှိပါက ဆန်များ ထုတ်ရောင်းပေးလျက်ရှိကြောင်း မြန်မာနိုင်ငံဆန်စပါးအသင်းချုပ် (MRF) ဥက္ကဋ္ဌ ဦးရဲမင်းအောင်က နိုဝင်ဘာ ၂၇ ရက်က MUFCCI ၌ ကျင်းပသည့် သတင်းစာရှင်းလင်းပွဲတွင် ပြောကြားခဲ့သည်။
“အစိုးရကလည်း မူဝါဒချပေးထားတယ်။ ပြည်တွင်းဆန်စျေးကြီးလာရင် တည်ငြိမ်အောင် ဆောင်ရွက်ဖို့က ပထမဦးစားပေးဖြစ်ပါတယ်။ ကျွန်တော်တို့ထိန်းဖို့ ခက်ခဲတာက သိုလှောင်စျေးကစားတဲ့သူတွေဖြစ်ပါတယ်။ သိုလှောင်စျေးကစားတဲ့သူတွေက အများကြီးပဲ။ သိုလှောင်စျေးကစားတဲ့သူ တွေကြောင့် ဆန်စျေးက မတည်မငြိမ်ဖြစ်ရတာ။ ဒါကြောင့်မို့ ပြီးခဲ့တဲ့အချိန်ကာလတွေမှာ စုံစမ်းစစ်ဆေးမှုတွေနဲ့ အရေးယူရတဲ့အပိုင်း ပေါ်ပေါက်လာတာ အားလုံးအသိဖြစ်ပါတယ်” ဟု ဥက္ကဋ္ဌဦးရဲမင်းအောင်က ပြောကြားခဲ့သည်။
နိုင်ငံတော်အစိုးရမှ ပြည်တွင်းဆန်စျေး နှုန်းကြီးမြင့်လာပါက ပြည်ပတင်ပို့ခြင်းထက် ပြည်တွင်းစျေးကွက်တည်ငြိမ်ရေးကိုသာ ဦးစားပေးဆောင်ရွက်ရန် မူဝါဒချမှတ်ဆောင်ရွက်လျက်ရှိကြောင်း သိရသည်။ ထို့ပြင် ပို့ကုန်အခြေပြုအရန်ဆန်စနစ် ၂၀၂၃ ခုနှစ် နိုဝင်ဘာလမှ ဆောင်ရွက်ခဲ့ခြင်းဖြစ်သည်။
ပို့ကုန်အခြေပြုအရန်ဆန်စနစ် ဆောင်ရွက်ခဲ့ရာတွင် ပို့ကုန်လုပ်ငန်းရှင်များ၏ ပါဝင်မှုဖြင့် ဆောင်ရွက်ထားခြင်းဖြစ်ကြောင်း၊ အဆိုပါအစီအစဉ်တွင် ဆန်အိတ်ရှစ်သိန်းရှိကြောင်း၊ လိုအပ်ချက်ရှိပါက လူမှုရေးအသင်းအဖွဲ့များ၊ ပရဟိတအသင်းများ၊ စက်ရုံ၊ အလုပ်ရုံများ ဝန်ထမ်းများစသည်တို့ကို လိုအပ်ချက်ရှိပါက ထုတ်ရောင်းပေးလျက်ရှိကြောင်း ၎င်းက ဆက်လက်ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
