Top News

နိုင်ငံခြားကုမ္ပဏီများအား တစ်ဆင့်မြင့်ပြုပြင်ထုတ်လုပ်ထားသည့် အသား၊ငါးနှင့် ရေထွက်ကုန်များ၊ ကောက်ပဲသီးနှံများ၊ သစ်အခြေခံပရိဘောဂပစ္စည်း စသည့်ကုန် ပစ္စည်းရှစ်မျိုးကို ပြည်တွင်းတွင် ထုတ်လုပ်ကာ ပြည်ပသို့တင်ပို့ခွင့်ပြုကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက အမိန့်ကြော်ငြာစာအမှတ် (၉၃/၂၀၂၄) ဖြင့် ထုတ်ပြန်ကြေညာထားသည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် ပြည်တွင်းအရည်အသွေး မြင့် ထုတ်ကုန်များကို ပြည်ပစျေးကွက်သို့ ချဲ့ထွင်တင်ပို့ခြင်းဖြင့် ထုတ်လုပ်နိုင်စွမ်းကို မြှင့်တင်ရန်၊ ပြည်ပစျေးကွက် ပိုမိုရရှိရန်နှင့် ထုတ်လုပ်သူများ၏ ရောင်းစျေးပိုမိုရရှိစေ ရန်အလို့ငှာ ပို့ကုန်သွင်းကုန် ဥပဒေပုဒ်မ ၁၃ ပုဒ်မခွဲ (ခ) အရ အပ်နှင်းထားသော လုပ် ပိုင်ခွင့်ကိုကျင့်သုံး၍ အဆိုပါအမိန့်ကြော်ငြာ စာကို ထုတ်ပြန်လိုက်သည်။

စီးပွားရေးနှင့်ကူးသန်းရောင်းဝယ်ရေးဝန်ကြီးဌာနသည် နိုင်ငံခြားကုမ္ပဏီများအား အောက်ပါကုန်ပစ္စည်းအုပ်စုများကို ကိုယ် တိုင် ထုတ်လုပ်၍ဖြစ်စေ၊ ထုတ်လုပ်သူ များ ထံမှတစ်ဆင့် ဝယ်ယူ၍ဖြစ်စေ ပြည်ပသို့ တင်ပို့ခွင့်ပြုသည်။ ၎င်းင်းတို့မှာ(က)တစ်ဆင့် မြင့် ပြုပြင်ထုတ်လုပ်ထားသည့် အသား၊ ငါးနှင့် ရေထွက်ကုန်များ၊( ခ ) တစ်ဆင့်မြင့်ပြု ပြင်ထုတ်လုပ်ထားသည့် ကောက်ပဲသီးနှံ များ၊( ဂ ) ပျော့ဖတ်နှင့် စက္ကူအမျိုးမျိုး၊(ဃ) မျိုးစေ့၊( င ) သန့်စင်ထားသည့် သတ္တုရိုင်း များ၊( စ ) သစ်သီးဝလံ၊ ပန်းမန်ကုန်ကြမ်းတို့မှ အဆင့်မြင့်ထုတ်လုပ်ထားသော တစ်ဝက် တစ်ပျက်ကုန်ချောသို့မဟုတ် ကုန်ချော ပစ္စည်း များ၊(ဆ) သစ်အခြေခံပရိဘောဂပစ္စည်းများ၊ ( ဇ ) သဘာဝပတ်ဝန်းကျင်ထိန်းသိမ်းမှု အထောက်အကူပြုကုန်စည်များဖြစ်သည်။

နိုင်ငံခြားကုမ္ပဏီများသည် အပိုဒ်၁ပါ ကုန်ပစ္စည်းအုပ်စု(၈)မျိုးကို ပြည်ပသို့ တင်ပို့ ရာတွင် (က) တစ်ဆင့်မြင့် ပြုပြင်ထုတ်လုပ် ထားသည့် အသား၊ ငါးနှင့်ရေထွက်ကုန်များ နှင့် စပ်လျဉ်း၍ မွေးမြူရေးနှင့်ကုသရေးဦးစီး ဌာနနှင့် ငါးလုပ်ငန်းဦးစီးဌာနတို့၏ ထောက် ခံချက်ဖြင့် ကုန်သွယ်ရေးဦးစီးဌာန၏ ပို့ ကုန်လိုင်စင်ခွင့်ပြုချက် ရယူရမည်။(ခ) တစ် ဆင့် မြင့် ပြုပြင်ထုတ်လုပ်ထားသည့် ကောက် ပဲသီးနှံများနှင့်စပ်လျဉ်း၍-(၁) ပဲမျိုးစုံ၊ ပြောင်း၊ နှမ်းတို့ တင်ပို့ခြင်းလုပ်ငန်း ဆောင် ရွက်မည်ဆိုပါက အစားအသောက်နှင့် ဆေး ၀ါးကွပ်ကဲရေးဦးစီးဌာန၏ ထောက်ခံချက် အပါအဝင် သက်ဆိုင်ရာဌာနများ၏ သတ် မှတ်ချက်များနှင့်အညီ ကုန်သွယ်ရေး ဦးစီး ဌာန၏ ပို့ကုန်လိုင်စင်ခွင့်ပြုချက်ရယူရမည်၊ (၂) ဆန်နှင့် ဆန်ကွဲတင်ပို့ခြင်းလုပ်ငန်း ဆောင်ရွက်မည်ဆိုပါက အောက်ပါ အ ထောက် အထားများ ပြည့်စုံစွာတင်ပြရမည့်အပြင် ကုန်သွယ်ရေးဦးစီး ဌာန၏ ပို့ကုန်လိုင်စင် ခွင့်ပြုချက်ရယူရမည်၊(ကက) ပြည်ပမှ ပြည် တွင်းဘဏ်တစ်ခုခုသို့ ကနဦးရင်းနှီးမြှုပ်နှံမှု ထည့်ဝင်ငွေ အနည်းဆုံးဒေါ်လာသုံး သန်း လွှဲ ပြောင်းပြီးကြောင်း အထောက်အထား၊ (ခခ) လုံလောက်သော သိုလှောင်ရုံရှိ ကြောင်း အထောက်အထား၊( ဂဂ ) မြန်မာနိုင်ငံဆန်စ ပါးအသင်းချုပ်၏ အထောက်အထား။ အ သင်းဝင်ဖြစ်ကြောင်း တင်ပြရမည်ဖြစ်သည်။

( ဂ )ပျော့ဖတ်နှင့် စက္ကူ အမျိုးမျိုးနှင့်စပ် လျဉ်း၍ သက်ဆိုင်ရာ ဌာနများ၏ သတ်မှတ် လုပ်ထုံးလုပ်နည်းများနှင့်အညီ ကုန်သွယ် ရေးဦးစီးဌာန၏ ပို့ကုန်လိုင်စင်ခွင့်ပြုချက် ရ ယရမည်၊(ဃ) မျိုးစေ့နှင့် စပ်လျဉ်း၍ မျိုးစေ့ ဥပဒေ၊ စိုက်ပျိုးရေးဦးစီးဌာန၏ လုပ်ထုံးလုပ် နည်း များနှင့်အညီ ဆောင်ရွက်ပြီး ကုန်သွယ် ရေးဦးစီးဌာန၏ ပို့ကုန်လိုင်စင်ခွင့်ပြုချက် ရယူရမည်၊( င ) သန့်စင်ထားသည့် သတ္တုရိုင်း များနှင့်စပ်လျဉ်း၍ မြန်မာ့သတ္တုတွင်းဥပ ဒေ အရ သက်ဆိုင်ရာဝန်ကြီးဌာန၏ ဓာတ် သတ္တုရောင်းချခြင်းနှင့် ဝယ်ယူခြင်းခွင့်ပြု မိန့် နှင့် သတ္တုတွင်းဦးစီးဌာန၏ ထောက်ခံချက် တို့ဖြင့် ကုန်သွယ်ရေးဦးစီးဌာန၏ပို့ကုန် လိုင် စင်ခွင့်ပြုချက် ရယူရမည်၊( စ ) သစ်သီးဝလံ၊ ပန်းမန်ကုန်ကြမ်းတို့မှ အဆင့်မြင့်ထုတ်လုပ် ထားသော တစ်ဝက်တစ်ပျက် ကုန်ချော သို့မ ဟုတ် ကုန်ချောပစ္စည်းများနှင့်စပ်လျဉ်း၍ အမျိုးသား အစားအသောက်ဥပဒေနှင့် သက်ဆိုင်ရာဌာနများ၏ သတ်မှတ်လုပ်ထုံး လုပ်နည်းများနှင့်အညီ ဆောင်ရွက်ပြီး ကုန်သွယ်ရေးဦးစီးဌာန၏ ပို့ကုန်လိုင်စင် ခွင့်ပြုချက်ရယူရမည်ဖြစ်သည်။

(ဆ) သစ်အခြေခံပရိဘောဂပစ္စည်း များနှင့်စပ်လျဉ်း၍ မြန်မာ့သစ်လုပ်ငန်းနှင့် သစ်တောဦးစီးဌာနတို့၏ ထောက်ခံ ချက် များဖြင့် ကုန်သွယ်ရေးဦးစီးဌာန၏ ပို့ကုန် လိုင်စင်ခွင့်ပြုချက် ရယူရမည်၊( ဇ ) သဘာဝ ပတ်ဝန်းကျင်ထိန်းသိမ်းမှု အထောက် အကူ ပြုကုန်စည်များနှင့်စပ်လျဉ်း၍ စပါးခွံနှင့် လွှ စာမှုန့် စသည့် ဘေးထွက်ပစ္စည်းများဖြင့် ပြု လုပ်ထားသည့် လောင်စာတောင့်များကဲ့ သို့သော သဘာဝပတ်ဝန်းကျင်ထိန်းသိမ်းမှု အထောက် အကူပြုကုန်စည်များ တင်ပို့ လျှင် သတ်မှတ်လုပ်ထုံးလုပ်နည်းများနှင့်အညီ ဆောင်ရွက်ပြီး ကုန်သွယ်ရေးဦးစီးဌာန၏ ပို့ကုန်လိုင်စင်ခွင့်ပြုချက် ရယူရမည်။

စီးပွားရေးနှင့်ကူးသန်းရောင်းဝယ်ရေး ဝန်ကြီးဌာန၏ ၆ - ၆ - ၂၀၁၉ ရက်စွဲပါ အ မိန့် ကြော်ငြာစာအမှတ် ၂၄/၂၀၁၉ နှင့် ၂၀-၇-၂၀၂၃ ရက်စွဲပါအမိန့်ကြော်ငြာစာအမှတ် ၄၈/၂၀၂၃ တို့ကို ယခုအမိန့်ကြော်ငြာစာဖြင့် လွှမ်းမိုးပယ်ဖျက်လိုက်ကြောင်း သိရသည်။