အာဆင်နယ်နည်းပြ အာတီတာက မိမိတို့အသင်းအနေဖြင့် ပရီးမီးယားလိဂ်ချန်ပီယံဆုအတွက် အမှတ်ပေးဇယားထိပ်ဆုံးမှ လီဗာပူးလ်အသင်းကို နောက်ဆုံးအချိန်အထိ ဖိအားပေးသွားမည်ဟု သတိပေးပြောကြားခဲ့သည်။
အာဆင်နယ်အသင်းသည် ပရီးမီးယားလိဂ်ပွဲစဉ်(၁၉)အပြီးတွင် (၃၉) မှတ်ဖြင့် အဆင့် (၂)နေရာ ရပ်တည်နေပြီး အမှတ်ပေးဇယားထိပ်မှ တစ်ပွဲလျော့ကစားထားသည့် လီဗာပူးလ် (၄၅ မှတ်) နှင့် (၆) မှတ်ထိ ကွာဟနေသည်။
ထို့ကြောင့် အာဆင်နယ်အနေဖြင့် ပရီးမီးယားလိဂ်ချန်ပီယံဆုအတွက် လီဗာပူးလ်အသင်းကို လိုက်မီရန်ခက်မည်ဟု သုံးသပ်မှုများ ရှိနေသည်။
သို့သော် အာတီတာက ပရီးမီးယားလိဂ်တွင် ပွဲတိုင်းအနိုင်ရသည့် အသင်းမရှိကြောင်းနှင့် လီဗာပူးလ်အသင်းသာ ခြေချော်ခဲ့ပါက ၎င်းတို့အနေဖြင့် ကျော်တက်ရန် အသင့်ရှိနေကြောင်း ပြောကြားခဲ့ခြင်းဖြစ်သည်။
အာတီတာက ''လီဗာပူးလ်ကို လိုက်မီမလား၊ မမီဘူးလားဆိုတာကို ကျွန်တော် မသိပါဘူး။ ဒါပေမဲ့ ကျွန်တော်တို့အနေနဲ့ အမှတ်ပေးဇယားထိပ်ဆုံးကို ရောက်ဖို့ နေ့စဉ်နေ့တိုင်း အကောင်းဆုံးကြိုးစားသွားမှာပါ။ တကယ်လို့ လီဗာပူးလ်သာပွဲတိုင်းအနိုင်ရခဲ့မယ်ဆိုရင် ကျွန်တော်တို့ ဂုဏ်ပြုသွားမှာပါ။ ဒါပေမဲ့ ပရီးမီးယားလိဂ်မှာ ပွဲတိုင်းအနိုင်ရတဲ့အသင်း မရှိပါဘူး။ သူတို့ ခြေချော်ခဲ့ရင် ကျွန်တော်တို့အသင့်ရှိနေမှာပါ''ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
