ကူးစက်ရောဂါ၊ မကူးစက်ရောဂါများနှင့် ပတ်သက်၍ သုတေသနလုပ်ငန်းများ ပူးပေါင်းဆောင်ရွက်ရန် မြန်မာနိုင်ငံဆေးသုတေသနဦးစီးဌာနနှင့် အိန္ဒိယဆေးသုတေသန ကောင်စီတို့ နားလည်မှုစာချွန်လွှာရေးထိုးနိုင်ရေး ဆွေးနွေးထားကြောင်း သိရသည်။
အဆိုပါကိစ္စကို ကျန်းမာရေးနှင့် အားကစားဝန်ကြီးဌာန ပြည်ထောင်စုဝန်ကြီးနှင့် အိန္ဒိယနိုင်ငံ ကျန်းမာရေးသုတေသနဆိုင်ရာ အမြဲတမ်းအတွင်းဝန်နှင့် အိန္ဒိယဆေးသုတေ သနကောင်စီ၏ ညွှန်ကြားရေးမှူးချုပ် ဦးဆောင်သောအဖွဲ့နှင့် တွေ့ဆုံစဉ်ဆွေးနွေးခဲ့ခြင်းဖြစ်ကြောင်း၊ အိန္ဒိယနိုင်ငံ ဆေးသုတေသနကောင်စီမှ အဆင့်မြင့်သုတေသနပညာရှင်များ ဦးဆောင်သောအဖွဲ့မြန်မာနိုင်ငံသို့ လာရောက်၍ ပူးပေါင်းဆောင်ရွက်ရန် စီမံချက်ချမှတ်ရေးဆွဲနိုင်ရေးကိုလည်းကောင်း၊ ကမ္ဘာ့ကျန်းမာရေးအဖွဲ့၏ ဦးဆောင်မှုဖြင့် Regional Research Platform for emerging and reemerging infectious diseases ၏ နောက်ဆက်တွဲလုပ်ငန်းများကို မြန်မာနိုင်ငံအနေဖြင့် ထိရောက်စွာပူးပေါင်းဆောင်ရွက်မည့် ကိစ္စရပ်များကိုလည်း ဆွေးနွေးခဲ့ကြောင်း သိရသည်။
ထို့ပြင် ကျန်းမာရေးနှင့် အားကစားဝန်ကြီးဌာနအောက်ရှိ ဆေးသုတေသန ဦးစီးဌာန (ပြင်ဦးလွင်)အား သုတေသနလေ့ကျင့် ရေးဗဟိုဌာန(Research Training Centre)အဖြစ် လုပ်ဆောင်လျက်ရှိပြီး သုတေသနကျင့်ဝတ်၊ သုတေသနနည်းစနစ်နှင့် အခြားသုတေသန ပညာရပ်ဆိုင်ရာသင်တန်းအမျိုးမျိုးကို ဆက်လက်လုပ်ဆောင်သွားမည်ဖြစ်ကြောင်း သိရသည်။
ဆေးပညာရပ်နယ်ပယ်အသီးသီး၌ သုတေသနလုပ်ငန်းများအတွက် ၂၀၁၈ -၂၀၁၉ ဘဏ္ဍာနှစ်တွင် ဘဏ္ဍာငွေကျပ်သန်း ၁၅၀၀ ခွဲဝေချထားပေးပြီးဖြစ်ကြောင်း၊ ၂၀၁၇ -၂၀၁၈ ဘဏ္ဍာနှစ်အတွင်းက သုတေသနရန်ပုံငွေအဖြစ် ကျပ်သန်း ၁၀၀၀ ကို ခွဲဝေချထားပေးနိုင်ခဲ့ပြီး ပြီးခဲ့သည့် ၂၀၁၈ ခုနှစ်(ဧပြီလမှ စက်တင်ဘာလအထိ)ကိုဘဏ္ဍာငွေ ကျပ်သန်း ၅၀၀ ခွဲဝေချထားပေးခဲ့ကြောင်းနှင့် သုတေသနလုပ်ငန်းများ ဆောင်ရွက်ရာတွင် ကုန်ကျစရိတ်များပြီး အချိန်တိုအတွင်း လက်တွေ့အကျိုးရလဒ်ရရှိရန် ခက်ခဲသော Basic Research များကို ပြုလုပ်ခြင်းထက် ပြည်သူ့ကျန်းမာရေး၊ ကုသရေး၊ တိုင်းရင်းဆေး၊ အားကစားစသည်ဖြင့် လုပ်ငန်းများတွင် လက်တွေ့ပြန်လည်အသုံးချနိုင်မည့် သုတေသနများကို ပိုမိုပြုလုပ်သွားမည်ဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
