Top News

ကရင်အမျိုးသားနှစ်သစ်ကူးပွဲတော်အခမ်းအနား ရန်ကုန်မြို့ ပြည်ထောင်စုတိုင်းရင်းသားကျေးရွာတွင် ကျင်းပ

24htopnews | December 31, 2024 12:12 AM CST

ကရင်အမျိုးသားနှစ်သစ်ကူးပွဲတော်အခမ်းအနား ရန်ကုန်မြို့ သာကေတမြို့နယ်ရှိ ပြည်ထောင်စုတိုင်းရင်းသားကျေးရွာတွင် ဒီဇင်ဘာ ၃၀ ရက် နံနက်ပိုင်း ၈ နာရီက စတင်ကျင်းပခဲ့ကြောင်း သိရသည်။

ကရင်သက္ကရာဇ် ၂၇၆၄ ခုနှစ်၊ ကရင်အမျိုးသားနှစ်သစ်ကူးပွဲတော်သို့ ကရင်တိုင်းရင်းသားများနှင့် အခြားတိုင်းရင်းသားများ လာရောက်ဆင်နွှဲခဲ့ကြပြီး လာရောက်သူများပြားကာ စည်ကားခဲ့ကြောင်း သိရသည်။

ကရင်အမျိုးသားနှစ်သစ်ကူးပွဲတော်တွင် ကရင်တိုင်းရင်းသားများ၏ ရိုးရာအကအလှများဖြင့် ကပြဖျော်ဖြေမှုများ၊ လက်ဝှေ့ပွဲများ၊ ချောတိုင်တက်ပွဲနှင့် ခေါင်းအုံးရိုက်ပွဲများကိုလည်း ထည့်သွင်းပြုလုပ်ခဲ့ကြသည်။