ယူကေနိုင်ငံက မြန်မာ့ကျောက်မျက်ရတနာ ရောင်းဝယ်ရေးလုပ်ငန်း (MGE) ကို အရေးယူပိတ်ဆို့မှုအသစ် ချမှတ်ပြီး မြန်မာနိုင်ငံအား ထပ်တိုးအရေးယူမှု ပြုလုပ်လိုက်ကြောင်း မြန်မာနိုင်ငံဆိုင်ရာ ယူကေသံရုံးက မေ ၁၇ ရက်တွင် ထုတ်ပြန်ကြေညာခဲ့သည်။
ယခု နောက်ဆုံးချမှတ်လိုက်သော ဒဏ်ခတ်ပိတ်ဆို့မှုများသည် နိုင်ငံတော်စီမံအုပ်ချုပ်ရေးကောင်စီအတွက် အဓိက ရန်ပုံငွေရင်းမြစ်များကို ဖြတ်တောက်ရန် ရည်ရွယ်ကြောင်း ထုတ်ပြန်ချက်တွင် ဖော်ပြထားသည်။
ယူကေနိုင်ငံခြားရေးဝန်ကြီး ဒေါမနစ်ရဲဘ်က “ယူကေက မဟာမိတ်နိုင်ငံတွေနဲ့ လက်တွဲပြီး တပ်မတော်ရဲ့ ဘဏ္ဍရေးလက်လှမ်းမှီရရှိနေမှုကို ပိတ်ဆို့နိုင်တဲ့ ဒဏ်ခတ်အရေးယူမှုတွေ ချမှတ်ဖို့နဲ့ မြန်မာနိုင်ငံမှာ ဒီမိုကရေစီ ပြန်လည်ရှင်သန်နိုင်ရေးအတွက် ဆောင်ရွက်နေပါတယ်” ဟု ပြောကြားသည်။
ယင်းသို့ ကျောက်မျက်ပိုင်ဆိုင်မှုများကို ပိတ်ဆို့အရေးယူခြင်းသည် ယူကေနိုင်ငံတွင် MGE က ပိုင်ဆိုင်သော သို့မဟုတ် ထိန်းချုပ်ထားသော ငွေကြေး သို့မဟုတ် စီးပွားရေး အရင်းအမြစ်များနှင့်ပတ်သက်ဆက်နွှယ်မှုများ ဆောင်ရွက်ခြင်းကို ဟန့်တားကာကွယ်ပေးကြောင်းနှင့် MGE ကို ငွေကြေး သို့မဟုတ် စီးပွားရေးရင်းမြစ်များ ပံ့ပိုးမည့်သူများကိုလည်း တားမြစ်ထားနိုင်ကြောင်း ထုတ်ပြန်ချက်တွင် ဖော်ပြထားသည်။
ယခုထုတ်ပြန်ချက်ကို ယူကေနိုင်အနေဖြင့် အမေရိကန်ပြည်ထောင်စု၊ ကနေဒါနိုင်ငံတို့နှင့်အတူ ပူးတွဲထုတ်ပြန်ကြေညာခြင်းဖြစ်ပြီး ယင်းကြေငြာချက်မှာ မကြာသေးမီက ပြုလုပ်ခဲ့သည့် ကမ္ဘာထိပ်သီး ခုနစ်နိုင်ငံ G7 အစည်းအဝေးနှင့် အာဆီယံအစည်းအဝေးပြီးနောက် နိုင်ငံတော်စီမံအုပ်ချုပ်ရေးကောင်စီ၏ လုပ်ဆောင်ချက်များကို ပြင်းထန်စွာဆန့်ကျင်သော နိုင်ငံတကာအသိုင်းအဝိုင်း၏ စုပေါင်းရပ်တည်မှုကို ထပ်လောင်း အတည်ပြုခြင်းဖြစ်သည်ဟုလည်း ပါရှိသည်။
မကြာသေးမီက ဂျပန်နှင့် ကိုရီးယားနိုင်ငံတို့က မြန်မာနိုင်ငံသို့ လက်နက်ရောင်းချမှုကို ရပ်ဆိုင်းကြောင်း ကြေညာချက်အပေါ် ယူကေ၊ အမေရိကန်ပြည်ထောင်စုနှင့် ကနေဒါနိုင်ငံတို့က ကြိုဆိုခဲ့ပြီး ယူကေနှင့် G7 နိုင်ငံများအနေဖြင့် မြန်မာနိုင်ငံသို့ လက်နက်ရောင်းချမှုအားလုံးကို ချက်ချင်းရပ်ဆိုင်းရန် ထပ်လောင်းပြောဆိုသည့်အပြင် နိုင်ငံတကာအသိုင်းအဝိုင်းအနေဖြင့်လည်း အလားတူအစီအမံများ လုပ်ဆောင်ရန် မြန်မာနိုင်ငံဆိုင်ရာ ယူကေသံရုံး၏ မေ ၁၇ ရက် ထုတ်ပြန်ချက်တွင် တိုက်တွန်းထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
