ဆန္ဒပြမှုများကို ထိန်းချုပ်ကန့်သတ်ခဲ့ပြီးနောက် အမေရိကန်ပြည်ထောင်စုသည် မြန်မာပြည်သူများနှင့် တစ်သားတည်း ရပ်တည်သွားမည်ဖြစ်ကြောင်း ဖေဖော်ဝါရီ ၈ ရက်တွင် ထုတ်ပြန်ကြေညာခဲ့ပြီး ၎င်းတို့က အရပ်သားခေါင်းဆောင် ဒေါ်အောင်ဆန်းစုကြည်နှင့် တွေ့ဆုံဆွေးနွေးရန် တောင်းဆိုမှုများမှာလည်း ငြင်းပယ်ခံခဲ့ရကြောင်း ပြောကြားခဲ့သည်။
“ကျွန်တော်တို့အနေနဲ့ မြန်မာပြည်သူတွေနဲ့အတူ ရပ်တည်ပြီး ဒီမိုကရေစီနည်းကျ ရွေးကောက်ခံရတဲ့ အစိုးရအဖွဲ့ကို ထောက်ခံတဲ့အနေနဲ့ ငြိမ်းချမ်းစွာဆန္ဒပြမှုအပါအဝင် ငြိမ်းချမ်းစွာ စုဝေးပိုင်ခွင့်ကို ထောက်ခံသွားမှာ ဖြစ်ပါတယ်” ဟု အမေရိကန်နိုင်ငံခြားရေးဌာန ပြောရေးဆိုခွင့်ရှိသူ နက်ပရိုက်စ်က ပြောကြားခဲ့သည်။
“ပြည်သူတွေ စုဝေးမှုကို ကန့်သတ်ထိန်းချုပ်တဲ့ တပ်မတော်ရဲ့ မကြာသေးမီက ကြေညာချက်နဲ့ပတ်သက်ပြီး ကျွန်တော်တို့အနေနဲ့ အမှန်တကယ် အလွန်ကို စိုးရိမ်မိပါတယ်” ဟုလည်း ၎င်းက သတင်းထောက်များအား ပြောကြားခဲ့သည်။
“ဒါက လှုံ့ဆော်ပေးတာမဟုတ်ပါဘူး။ ကျွန်တော်တို့ရဲ့ ရပ်တည်ချက်မှာ ကျွန်တော်တို့အနေနဲ့ သိပ်ကိုရှင်းလင်းခဲ့ပါတယ်။ ကျွန်တော်တို့က မြန်မာပြည်သူတွေရဲ့ အစစ်အမှန် ရွေးကောက်တင်မြှောက်ခံ ကိုယ်စားလှယ်တွေနဲ့အတူ ရပ်တည်တာပဲဖြစ်ပါတယ်” ဟု ၎င်းက ပြောကြားခဲ့သည်။
အမေရိကန်သည် ဖမ်းဆီးထိန်းသိမ်းခံထားရသည့် အရပ်သားခေါင်းဆောင်နှင့် ငြိမ်းချမ်းရေးနိုဗယ်ဆုရှင် ဒေါ်အောင်ဆန်းစုကြည်နှင့် စကားပြောဆိုရန်အခွင့်အရေး မရခဲ့ကြောင်း ပရိုက်စ်က ပြောကြားခဲ့သည်။
“ဒေါ်အောင်ဆန်းစုကြည်နဲ့ ဆက်သွယ်ရေးလက်လှမ်းမီဖို့ ကျွန်တော်တို့ အားထုတ်ခဲ့ပါတယ်။ ကျွန်တော်တို့ တရားဝင်ရော၊ တရားမဝင်ပါ ဆက်သွယ်လို့မရခဲ့ပါဘူး။ ကျွန်တော်တို့ရဲ့ တောင်းဆိုမှုတွေဟာ ငြင်းပယ်ခံခဲ့ရပါတယ်” ဟု ၎င်းက ပြောကြားခဲ့သည်။
မြန်မာတပ်မတော်က အာဏာရယူ ခဲ့ခြင်းကို ရှုတ်ချရာ၌ အဓိက ဒီမိုကရေစီနိုင်ငံများနှင့် ပူးပေါင်းပါဝင်ရန် သမိုင်းကြောင်းအရ မြန်မာ့တပ်မတော်၏ မိတ်ဖက်ဖြစ်သော တရုတ်နိုင်ငံကိုလည်း ပရိုက်စ်က တောင်းဆိုခဲ့သည်။
တပ်မတော်အနေဖြင့် အာဏာကို စွန့်လွှတ်ခြင်းမရှိလျှင် ပိတ်ဆို့မှုအသစ်များ ချမှတ်သွားမည်ဟု သမ္မတ ဂျိုးဘိုင်ဒန်က ခြိမ်းခြောက်ထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
