လက်ရှိဖြစ်ပွားနေသော အခြေအနေများအတွင်း မြန်မာနိုင်ငံရှိ ကလေးသူငယ်များ၏ အခွင့်အရေးကို ကာကွယ်ပေးရေး အထူးဂရုပြုကြရန် ယူနီဆက်ဖ်က မေတ္တာရပ်ခံစာ ထုတ်ပြန်ကြေညာခဲ့သည်။
ယင်းမေတ္တာရပ်ခံစာတွင် ယူနီဆက်ဖ်အနေဖြင့် မြန်မာနိုင်ငံတွင် ဖြစ်ပွားလျက်ရှိသော ပဋိပက္ခအခြေအနေကြောင့် ကလေးသူငယ်များ၏ ကောင်းကျိုးချမ်းသာအပေါ် ထိခိုက်လာမည်ကို လွန်စွာစိုးရိမ်ပူပန်လျက်ရှိပြီး သက်ဆိုင်ရာတာဝန်ရှိသူအဖွဲ့အစည်းများအနေဖြင့် မြန်မာနိုင်ငံမှ ပါဝင်သဘောတူ လက်မှတ်ရေးထိုးထားသည့် ကလေးသူငယ်အခွင့်အရေးများဆိုင်ရာ ကုလသမဂ္ဂ သဘောတူစာချုပ် (CRC) ပါ ပြဋ္ဌာန်းချက်များနှင့်၂၀၁၉ ခုနှစ် ဇူလိုင်တွင် ပြဋ္ဌာန်းခဲ့သည့် ကလေးသူငယ်အခွင့်အရေးများဆိုင်ရာ ဥပဒေပြဋ္ဌာန်းချက်များနှင့်အညီ ကလေးသူငယ်များ၏ အခွင့်အရေးများအားလုံးကို လေးစားလိုက်နာရန် သတိပေးလိုကြောင်း ရေးသားထားသည်။
ယင်းအခွင့်အရေးများတွင် ကလေးသူငယ်များအနေဖြင့် ကာကွယ်စောင့်ရှောက်မှု ခံယူပိုင်ခွင့်၊ ပါဝင်ဆောင်ရွက်ခွင့်၊ ငြိမ်းချမ်းစွာစုဝေးခွင့်နှင့် လွတ်လပ်စွာဖော်ထုတ်ပြသခွင့်တို့ ပါဝင်ကြောင်း၊ တရားဥပဒေနှင့်မညီသော သို့မဟုတ် မတရားဖမ်းဆီးထိန်းသိမ်းခံရမှုများ သို့မဟုတ် မိဘများနှင့် ဝေးကွာစေခြင်းများကို မပြုလုပ်ရန်လည်း ပါဝင်ကြောင်းနှင့် ပဋိပက္ခကာလများအတွင်းတွင် ကလေးသူငယ်များမှာ မကြာခဏအားဖြင့် အထိခိုက်ခံရဆုံးသူများဖြစ်ကြပြီး သက်ဆိုင်သူအားလုံးအနေဖြင့် CRC ၏ အဓိကကျသော အခြေခံမူများမှ တစ်ခုဖြစ်သည့် ကလေးသူငယ်များ၏ အကောင်းဆုံး အကျိုးစီးပွားကို အဓိကဦးစားပေးအဖြစ် ထည့်သွင်းစဉ်းစားပြီး ထိန်းသိမ်းစောင့်ရှောက်ကြရန် အထူးပင် အရေးကြီးကြောင်း ရေးသားဖော်ပြထားသည်။
ထို့ပြင် လက်ရှိ ဖြစ်ပွားနေသည့် ဆန္ဒပြမှုများတွင် ထိခိုက်ဒဏ်ရာရရှိမှုများ ဖြစ်ပေါ်နေပြီး အလွန်ပြင်းထန်ကြောင်းလည်း သိရသည့်အတွက် သက်ဆိုင်သူအားလုံးသည် ကွဲလွဲမှုများကို အပြုသဘောဆောင်ပြီး ငြိမ်းချမ်းသောနည်းလမ်းများဖြင့် ဖြေရှင်းကြပါရန်နှင့် ကလေးသူငယ်များနှင့် လူငယ်များက ၎င်းတို့၏ သဘောထားများကို ထုတ်ဖော်ပြသသည့်အခါ ၎င်းတို့ကို ကာကွယ်ပေးရေးနှင့် ဘေးကင်းလုံခြုံရေးကို ဦးစားပေးရန်အတွက် အထူးထိန်းသိမ်းဆောင်ရွက်ကြပါရန် တောင်းဆိုလိုကြောင်းနှင့် အဓိက တာဝန်ရှိသည့် မိဘများနှင့် စောင့်ရှောက်သူများအနေဖြင့်လည်း ကလေးများ၏ ဘေးကင်းလုံခြုံရေးကို အမြဲထည့်သွင်းစဉ်းစားပြီး ကလေးများ ဘေးအန္တရာယ်ကင်းဝေးစေရေးအတွက် သင့်လျော်သော လုပ်ဆောင်မှုများကို လုပ်ဆောင်ထားကြရန် လိုအပ်ကြောင်း မေတ္တာရပ်ခံစာတွင် ရေးသားဖော်ပြထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
