အင်တာမီလန်ဂိုးသမား ဟန်ဒါနိုဗစ်က မိမိတို့အသင်းအနေဖြင့် ချန်ပီယံလိဂ်ပြိုင်ပွဲတွင် ရှုံးထွက်အဆင့်တက်ရောက်ရန်အတွက် လက်ကျန် (၃)ပွဲတွင် ရမှတ် (၇)မှတ် ရရှိရန် လိုအပ်ကြောင်း ပြောကြားခဲ့သည်။
အင်တာမီလန်အသင်းသည် ချန်ပီယံလိဂ် အုပ်စု (B) ၌ ပွဲစဉ် (၃)ပွဲကစားပြီးချိန်တွင် ရမှတ် (၂) မှတ်သာ ရရှိထားပြီး မိုချန်ဂလာဘတ်က (၅)မှတ်၊ ရှက်တာဒိုးနက်က (၄)မှတ်နှင့် ရီးယဲလ်မက်ဒရစ်က (၄)မှတ် ရရှိထားသည်။
အင်တာမီလန်အသင်းသည် ချန်ပီယံလိဂ်အုပ်စုပွဲစဉ် (၄)အဖြစ် နိုဝင်ဘာ (၂၅)ရက်တွင် ပထမအကျော့၌ ရှုံးနိမ့်ခဲ့သည့် ရီးယဲလ်အသင်းကို အိမ်ကွင်းတွင် လက်ခံကစားရမည်ဖြစ်ပြီး အင်တာမီလန်အသင်းအနေဖြင့် အုပ်စုအဆင့်ကို ကျော်လွန်လိုပါက လက်ကျန်အုပ်စုပွဲစဉ် (၃)ပွဲတွင် ရမှတ် (၇)မှတ် ရရှိရန် လိုအပ်ကြောင်း ဟန်ဒါနိုဗစ်က ပြောကြားခဲ့ခြင်းဖြစ်သည်။
ဟန်ဒါနိုဗစ်က "ချန်ပီယံလိဂ်အုပ်စုအဆင့်က ကျော်ချင်တယ်ဆိုရင်တော့ ကျွန်တော်တို့အနေနဲ့ လက်ကျန်(၃)ပွဲမှာ ရမှတ် (၇)မှတ် ရရှိဖို့ လိုအပ်ပါတယ်။ အရေးကြီးဆုံးကတော့ ရီးယဲလ်မက်ဒရစ်နဲ့ ကစားမဲ့ ပွဲပါပဲ။ နောက်ကစားရမဲ့ ပွဲတွေမှာ ကျွန်တော်တို့ အစွမ်းကုန်ကြိုးစားရမှာပါ။ ဒီအနေအထားမှာ နောက်တစ်ဆင့်အတွက် အသင်းတိုင်း အခွင့်အရေး ရှိပါတယ်"ဟု ပြောကြားခဲ့သည်။
ထို့ပြင် ဟန်ဒါနိုဗစ်က မိမိတို့အနေဖြင့် ပြီးခဲ့သည့် ချန်ပီယံလိဂ်အုပ်စုအဆင့် ပွဲစဉ် (၃)ပွဲတွင် အကောင်းဆုံးကစားနိုင်ခဲ့သော်လည်း ကံမကောင်းခဲ့ကြောင်း ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
