လိုင်ယွန်အသင်းနှင့် ဂျီနီဆီယို၏ စာချုပ်မှာ ယခုရာသီကုန်တွင် ကုန်ဆုံးမည်ဖြစ်ပြီး ဂျီနီစီယိုက ၎င်းအနေဖြင့် အသင်းနှင့် သက်တမ်းတိုးစာချုပ်ချုပ်ဆိုတော့မည်မဟုတ်ဘဲ ရာသီအကုန်တွင် အသင်းနှင့် လမ်းခွဲမည်ဖြစ်ကြောင်း ပြောကြားခဲ့ခြင်းဖြစ်သည်။
လိုင်ယွန်အသင်းနည်းပြ ဂျီနီဆီယိုက ယခုရာသီကုန်တွင် အသင်းနှင့် လမ်းခွဲမည်ဟု အတည်ပြုပြောကြားခဲ့သည်။
လိုင်ယွန်အသင်းနှင့် ဂျီနီဆီယို၏ စာချုပ်မှာ ယခုရာသီကုန်တွင် ကုန်ဆုံးမည်ဖြစ်ပြီး ဂျီနီစီယိုက ၎င်းအနေဖြင့် အသင်းနှင့် သက်တမ်းတိုးစာချုပ်ချုပ်ဆိုတော့မည်မဟုတ်ဘဲ ရာသီအကုန်တွင် အသင်းနှင့် လမ်းခွဲမည်ဖြစ်ကြောင်း ပြောကြားခဲ့ခြင်းဖြစ်သည်။
လိုင်ယွန်အသင်းသည် ၂၀၁၉ ခုနှစ်အစပိုင်း ဂျီနီဆီယိုအား စာချုပ်သစ်ချုပ်ဆိုရန် ကြိုးပမ််းခဲ့သော်လည်း နောက်ပိုင်းတွင် ရလဒ်များဆိုးရွားလာသဖြင့် စာချုပ်သက်တမ်းတိုးမည့်ကိစ္စကို ရပ်ဆိုင်းခဲ့သည်။
ဂျီနီဆီယိုက “ အခုချိန်မှာ အသင်းက အနုတ်သဘောဆောင်တဲ့ ပြဿနာတွေနဲ့ ရင်ဆိုင်နေရပါတယ်။ ဒါက အသင်းအပေါ် ထိခိုက်သလို ကစားသမားတွေရဲ့ခြေစွမ်းကိုလည်း ဆွဲချရာကျပါတယ်။ ဒါကြောင့် အသင်းဥက္ကဌနဲ့ တိုင်ပင်ပြီး ရာသီကုန််မှာ စာချုပ်သက်တမ်းမတိုးဖိို့ ကျွန်တော် ဆုံးဖြတ်လိုက်ပါပြီ” ဟု ပြောကြားခဲ့သည်။
ဂျီနီဆီယိုသည် လိုင်ယွန်အသင်းကို ၂၀၁၅ ခုနှစ်မှာ စတင်ကိုင်တွယ်ခဲ့သူဖြစ်ပြီး ပြိုင်ပွဲစုံပွဲပေါင်း (၁၇၆) ပွဲကိုင်တွယ်ရာတွင် (၉၅) ပွဲနိုင်၊ (၃၅) ပွဲသရေ၊ (၄၆) ရှုံးရလဒ်ကို ရရှိခဲ့သည်။
ဂျီနီဆီယို၏သတင်းထွက်ပေါ်လာပြီိးနောက် မန်ယူအသင်းနည်းပြဟောင်း မော်ရင်ဟိုအနေဖြင့် လိုင်ယွန်အသင်းနည်းပြသစ်ဖြစ်လာရန် အလွန်နီးစပ်နေကြောင်း ပြင်သစ်မီဒီယာများက ဖော်ပြခဲ့ကြသည်။
သို့သော် လိုင်ယွန်အသင်းဥက္ကဌ အူလက်စ်ကမူ မိမိတို့အနေဖြင့် မော်ရင်ဟို၏ လစာကို ပေးချေရန် ခက်ခဲဖွယ်ရှိကြောင်း ဝန်ခံထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
