Marvel စူပါဟီးရိုးဇာတ်ကား စကြဝဠာတွင် တောင်ကိုရီးယားရုပ်ရှင်သရုပ်ဆောင် Park Seo Joon ပါဝင်လာနိုင်ဖွယ်ရှိကြောင်း ကိုရီးယားအနုပညာသတင်းများက ဖော်ပြခဲ့ကြသည်။
Captain Marvel ဇာတ်ကား၏ နောက်ဆက်တွဲ ရုပ်ရှင်ဖြစ်သော The Marvels ဇာတ်ကားတွင် မင်းသား Park Seo Joon ပါဝင်လာလိမ့်မည်ဖြစ်ကြောင်း အဆိုပါရုပ်ရှင်ဇာတ်ကားနှင့်သက်ဆိုင်သည့် ကိုယ်စားလှယ်များက ဇွန် ၁၅ ရက်တွင် သတင်းထုတ်ပြန်ခဲ့ကြသည်။
Park Seo Joon သည် လတ်တလောတွင် Concrete Utopia ရုပ်ရှင်ဇာတ်ကားကို လက်ခံရိုက်ကူးနေပြီး ထိုရုပ်ရှင်ရိုက်ကူးရေး ပြီးဆုံးပါက Park Seo Joon အနေဖြင့် The Marvels ဇာတ်ကားရိုက်ကူးရေးအတွက် ယခုနှစ်ဒုတိယနှစ်ဝက်တွင် အမေရိကန်သို့ သွားရောက်လိမ့်မည်ဖြစ်ကြောင်း သတင်းထုတ်ပြန်ချက်များအရ သိရသည်။ ထိုသတင်းများနှင့်ပတ်သက်၍ Park Seo Joon ၏ အေဂျင်စီ Awesome ENT က တစ်စုံတစ်ရာ ရှင်းလင်းဖြေကြားခြင်း မရှိသေးပေ။
ဒါရိုက်တာ Nia DaCosta ရိုက်ကူးမည်ဖြစ်သော The Marvels စူပါဟီးရိုး ဇာတ်ကားတွင် Brie Larson ၊ Teyonah ၊ Iman Vellani အပါအဝင် နာမည်ကြီး သရုပ်ဆောင်အများအပြား ပါဝင်သရုပ်ဆောင်မည်ဖြစ်သည်။
သတင်းထုတ်ပြန်ချက် အတည်ဖြစ်ပါက Park Seo Joon သည် Marvel ဇာတ်ကားများထဲတွင် ပါဝင်သရုပ်ဆောင်မည့် တတိယမြောက် တောင်ကိုရီးယားသရုပ်ဆောင် ဖြစ်လာလိမ့်မည်ဖြစ်သည်။ ယခင် Marvel ဇာတ်ကားများဖြစ်သည့် Avengers: Age of Ultron တွင် တောင်ကိုရီးယား သရုပ်ဆောင် Claudia Kim ပါဝင်ခဲ့ပြီး Eternals ဇာတ်ကားတွင် Ma Dong Seok ပါဝင်ခဲ့ဖူးသည်။ The Marvels ဇာတ်ကားကို ၂၀၂၂ နိုဝင်ဘာ ၁၁ ရက်တွင် အမေရိကန်၌ ထုတ်လွှင့်ပြသမည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
