ပြင်သစ်ကာရေဘီယံကျွန်း မာတီနီကက်မှ အသက် ၃၄ နှစ်အရွယ် လေယာဉ်မယ်သည် ဒီဇင်ဘာ ၁၄ ရက်က ပြင်သစ် အလှမယ်ပြိုင်ပွဲတွင် သရဖူရရှိသည့် အသက်အကြီးဆုံး ပြိုင်ပွဲဝင်ဖြစ်ကြောင်း သိရသည်။
အိန်ဂျယ်လစ် အန်ဂါနီ-ဖီလိုပွန်က အသက် ၂၄ နှစ်အထက် အမျိုးသမီးများ သို့မဟုတ် အိမ်ထောင်ရှိသူများနှင့် ကလေးအမေများကို ပြိုင်ပွဲဝင်ရောက် ယှဉ်ပြိုင်ခွင့် တားမြစ်ကန့်သတ်ထားသည့် စည်းမျဉ်းကို ဖယ်ရှားပေးသည့် အတွက် ဆုလက်ခံရယူချိန်တွင် ကျေးဇူးတင်ကြောင်း ပြောကြားခဲ့သည်။
“၂၀၁၁ ခုနှစ်တုန်းက အသက် ၂၀ မိန်းမငယ်လေးအရွယ်မှာ Miss Martinique ပြိုင်ပွဲမှာ ပထမဆုကို ရရှိခဲ့ပါတယ်။ ဒီနေ့မှာတော့ အသက် ၃၄ နှစ်ရောက်တဲ့အချိန်မှာ မာတီနီကက်ကိုယ်စားပြုအဖြစ် ၊ အလှမယ် ပြိုင်ပွဲဝင်ဖို့ နောက်ကျနေပြီလို့ တစ်ချိန်က အပြောခံခဲ့ရသူ အမျိုးသမီးတွေရဲ့ ကိုယ်စားသရဖူကို ဆွတ်ခူးနိုင်ခဲ့ပါပြီ ”ဟု အလှမယ် ပြိုင်ပွဲတွင် အနိုင်ရရှိခဲ့ပြီးနောက် ၎င်းက ပြောကြားခဲ့သည်။
နောက်ဆုံးအဆင့်တွင် ဆရာဝန်များနှင့် သွားဆရာဝန်များအပါအဝင် ပြိုင်ပွဲဝင် ၃၀ သည် ရေကူးဝတ်စုံ အလှပြယှဉ်ပြိုင်ခြင်း၊ သက်ဆိုင်ရာ ဒေသအလိုက် အဝတ်အစားယှဉ်ပြိုင်ခြင်းနှင့် ပွဲတက်ဝတ်စုံ ယှဉ်ပြိုင်ခြင်းတို့ကို ပြုလုပ်ခဲ့ကြသည်။
ထိုအလှမယ်များသည် ကန်းထရီး၊ ၉၀ ပြည့်နှစ်က တေးသီချင်းများ၊ ဆယ်ဆာနှင့် မိုဇာတ်ကဲ့သို့ တေးဂီတ အမျိုးအစားများဖြင့် ဖျော်ဖြေခဲ့ကြသည်။
ပြိုင်ပွဲတွင် အနိုင်ရရှိခဲ့ပြီး အန်ဂါနီသည် ပြင်သစ်အလှမယ် ကုမ္ပဏီမှ တစ်နှစ်ကြာ လစာငွေ ရရရှိသည့်အပြင် ပါရီရှိတိုက်ခန်း တစ်ခန်းတွင် နေထိုင်ခွင့်နှင့် စပွန်စာများထံမှ လက်ဆောင်များစွာကို ရရှိခဲ့သည်။
နယ်သာလန် အလှမယ်ပြိုင်ပွဲကို ၃၅ နှစ်အကြာတွင် ဖျက်သိမ်းခဲ့ပြီးနောက် ရက်ပိုင်းအကြာတွင် ပြင်သစ်အလှမယ်ပြိုင်ပွဲ ပြုလုပ်ခဲ့ခြင်းဖြစ်သည်။
ပွဲစီစဉ်သူများကမူ ၎င်းတို့သည် အချိန်နှင့်တပြေးညီ ပြောင်းလဲနေခြင်းဖြစ်ကာ အောင်မြင်နေသော အမျိုးသမီး များ၏ ဘဝဇာတ်ကြောင်းများနှင့် လက်တွေ့မကျသော အလှတရား စံနှုန်းများကဲ့သို့ ပြဿနာများကို ရုန်းကန်နေရသော အမျိုးသမီးများ၏ ဘဝဇာတ်ကြောင်းများကို မျှဝေရန် ပလက်ဖောင်းတစ်ခုကို လုပ်ဆောင်သွားမည်ဟု ပြောကြားခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
