Top News

Red Velvet က အဖွဲ့ခုနစ်နှစ်ပြည့်အထိမ်းအမှတ် အယ်လ်ဘမ်သစ်ဖြန့်ချိရန် စီစဉ်
24htopnews | December 24, 2024 2:12 PM CST

တောင်ကိုရီးယား မိန်းကလေးကေ ပေါ့ပ်အဖွဲ့ Red Velvet သည် အဖွဲ့ခုနစ်နှစ်ပြည့်အထိမ်းအမှတ်အဖြစ် “Queendom” အမည်ရှိ တေးအယ်လ်ဘမ်သစ်ကို မကြာမီ ဖြန့်ချိတော့မည်ဖြစ်သည်။

သြဂုတ် ၁၆ ရက်တွင် အခွေထွက်ရှိလာမည်ဖြစ်ပြီး သူတို့အဖွဲ့ နောက်ဆုံးထွက်ထားသည့် အခွေက ၂၀၁၉ ခုနှစ် ဒီဇင်ဘာတွင် ထွက်ခဲ့သည့် The ReVe Festival: Finale ဖြစ်သည်။

Queendom ထွက်ရှိမည့်အကြောင်းကို Red Velvet အဖွဲ့ ခုနစ်နှစ်မြောက် နှစ်ပတ်လည်နေ့ဖြစ်သည့် သြဂုတ် ၁ ရက်တွင် ကြေညာခဲ့ခြင်းဖြစ်သည်။

အဖွဲ့ဝင် Wendy သည် ၂၀၁၉ နှစ်ကုန် ဖျော်ဖြေပွဲကာလက မတော်တဆမှုတစ်ခုကြောင့် ဒဏ်ရာပြင်းထန်စွာရခဲ့ပြီး အဖွဲ့မှ ခေတ္တအနားယူခဲ့ကာ ဧပြီတွင် သူမ ပြန်ပါဝင်လာခဲ့သည်။

Red Velvet အဖွဲ့ကို ၂၀၁၄ ခုနှစ်တွင် တောင်ကိုရီးယားမီဒီယာကုမ္ပဏီ SM Entertainment က ဖွဲ့စည်းတည်ထောင်ခဲ့ပြီး စဖွဲ့စဉ်က Wendy ၊ Seulgi ၊ Irene နှင့် Joy တို့ လေးဦးသာ ရှိခဲ့သည်။ ပွဲဦးထွက်သီချင်းက Happiness ဖြစ်ပြီး နောက်တစ်နှစ်တွင် အဖွဲ့ဝင် Yeri တိုးလာခဲ့သည်။


READ NEXT
Cancel OK