Top News

■ Photo essay

■ မပျက်စီးသေးသော သဘာဝအလှတရားများနှင့် ပြီးပြည့်စုံနေသေးသည့် မန္တလေးအနီးတစ်ဝှိက်က တောင်ကျွန်းရေတံခွန်

တောင်ကျွန်းရေတံခွန်သည် မန္တလေးမြို့အနီးအနားတွင် ခရီးသွားပြည်သူများ တောင်တက်ဝါသနာရှင်များ  လေ့လာလည်ပတ်အပန်းဖြေစရာနေရာတစ်ခုအဖြစ် လူသိများလာခဲ့သည် ။ တောင်ကျွန်းရေတံခွန်ကို ပုသိမ်ကြီးမြို့နယ် အုန်းချော  ဆည်တော်လေးမှတစ်ဆင့် ပုလ္လင်စာအထိ ဆိုင်ကယ် ၊ ကားများဖြင့် သွားရောက်နိုင်ပြီး ထိုမှတစ်ဆင့် တောလမ်း တောင်တက်လမ်းများဖြင့် ရေတံခွန်သို့ ၃ နာရီခန့် သွားရောက်ရမည်ဖြစ်သည်။ 

ရေတံခွန်သို့ရောက်လျှင် ပင်ပမ်းနွမ်းနယ်သမျှ မေ့ပျောက်ပြီး သာယာလှပသည့် တောင်ကျွန်းရေတံခွန်ကို တွေ့မြင်ရမည်ဖြစ်သည် ။တဝေါဝေါစီးကျနေသောရေကျသံများနှင့် အေးမြကြည်လင်နေသော တောင်ကျရေချိုးရသည့် အရသာက လူတစ်ကိုယ်လုံးပေါ့ပါးလန်းဆန်းစေပါသည် ။ 

အဓိက အရေးကြီးသည့် အချက်များမှာ တောင်ကျွန်းရေတံခွန်သို့ သွားရောက်လေ့လာလည်ပတ်မည်ဆိုပါက မန္တလေးမှ နံနက်စောစောသွားရောက်ပြီး စတက်မည့်နေရာသို့ နံနက် ၈ နာရီခန့်ရောက်မှ အပြန်ခရီးအတွက် အဆင်ပြေပါမည် ။ တောတောင်ထဲတွင်လမ်းခွဲများစွာရှိ၍လမ်းမှားနိုင်သည့်အတွက် ဒေသခံလမ်းပြတစ်ဦး ဌားရမ်းသင့်ပြီး ခိုင်ခံသောတောစီးတောင်တက်ရှုးဖိနပ်လိုအပ်ပါသည်။ ဖိနပ်ပြတ်ခဲ့လျှင် အစားထိုးစီးနိုင်ရန် ဖိနပ်အပို ဆောင်သွားသင့်သည် ။ 

သဘာဝအလှတရားများစွာမပျက်စီးသေးတဲ့အတွက် ရေတံခွန်မှပြန်မည်ဆိုပါက မိမိတို့ပါသောအမှိုက်သရိုက်များကို စနစ်တကျထုပ်ပိုးသိမ်းဆည်းစွန်ပစ်ရန် အရေးတကြီးလိုအပ်ပါသည် ။ မိမိတို့အဖွဲ့များပါက တော-တောင်စတက်မည့် ဆိုင်ကယ်/ကားထားသောနေရာတွင် ကျေးလက်ထမင်း ရွာဟင်းများ စီစဉ်ပေးခိုင်းနိုင်သည် ။ လိုလိုမယ်မယ် ဒဏ်ကြေဆေးဝါးများသယ်ဆောင်ရန်လိုအပ်ပြီး အားလပ်ရက်များတွင် သွားရောက်လည်ပတ်လေ့လာနိုင်ပါကြောင်း လမ်းညွှန်ပေးလိုက်ပါသည် ။

■Photo: ကိုထိုက်(ခင်ဦး)