အမျိုးသားတန်းတူရေးနှင့် ကိုယ်ပိုင်ပြဋ္ဌာန်းခွင့်ကို အာမခံသည့် ပြည်နယ်များဖြင့် ဖွဲ့စည်းထားသော ဒီမိုကရေစီဖက်ဒရယ် ပြည်ထောင်စုတည်ဆောက်ရေးအပါအဝင် အချက် ၁၀ ချက်ပါ ရွေးကောက်ပွဲ ကြေညာစာတမ်းကို ကရင်အမျိုးသားဒီမိုကရက်တစ်ပါတီ (KNDP) က သြဂုတ် ၁၄ ရက်တွင် ထုတ်ပြန် သည်။
ထို့ပြင် ရွေးကောက်ပွဲတွင်အသုံးပြုမည့် “တန်းတူညီမျှဖွံ့ဖြိုးဖို့ KNDP ကို မဲပေးစို့” ဆိုသည့် ဆောင်ပုဒ်အတိုင်း လောကပါလ တရားများဖြစ်သည့် လွတ်လပ်ခြင်း၊ ညီမျှခြင်း၊ တန်းတူခြင်းဟူသော အခြေခံသဘောတရားများကို ကျင့်ကြံအားထုတ်သွားမည်ဟုလည်း ထုတ်ပြန်ချက်တွင် ပါရှိသည်။
ကရင်တိုင်းရင်းသားများနှင့် ပြည်ထောင်စုအတွင်းရှိ တိုင်းရင်းသားများ စားဝတ်နေရေးဖူလုံစေရန် အတတ်နိုင်ဆုံး ကြိုးပမ်းဆောင်ရွက်မည့်အပြင် ကရင်ပြည်နယ် ဖွံ့ဖြိုးတိုးတက်ရေး ဆောင်ရွက်ရာတွင် သဘာဝပတ်ဝန်းကျင် ထိခိုက်မှု မဖြစ်ပေါ်စေရေး ဆောင်ရွက်မည်ဟု KNDP က ရွေးကောက်ပွဲ ကတိကဝတ် ပထမအချက်တွင် ဖော်ပြသည်။
အိမ်နီးချင်း ထိုင်းနိုင်ငံအပါ် မှီခိုရခြင်းမှ ကင်းလွတ်စေရန် ကရင်ပြည်နယ်အတွင်း အလုပ်အကိုင် အခွင့်အလမ်းများ ကြိုးပမ်းဖန်တီးကာ ထိုသို့ကြိုးပမ်းသည့်ကာလအတွင်း တစ်ဖက်နိုင်ငံသို့ ရောက်ရှိနေသည့် တိုင်းရင်းသားမျိုးနွယ်စုအားလုံးအတွက် နိုင်ငံတကာနှင့် နှစ်နိုင်ငံကြား သဘောတူထားသည့် ဥပဒေများနှင့်အညီ ရသင့်ရထိုက်သော အခွင့်အရေးများရရှိရေး ကြိုးပမ်းလုပ်ဆောင်မည်ဟု KNDP ပါတီက ဆိုသည်။
စိုက်ပျိုးရေးအပါအဝင် ကဏ္ဍစုံဖွံ့ဖြိုးရေးတိုးတက်ရေးအတွက် အရင်းအနှီးနှင့် နည်းပညာ အထောက်အကူပံ့ပိုးမှုရရှိရန်နှင့် မြဝတီနယ်စပ်ကုန်သွယ်ရေးဂိတ်အပြင် အနာဂတ်တွင် မဲသဝေါနှင့် ဘုရားသုံးဆူဒေသများ၌ ဂိတ်သစ်များဖွင့်လှစ်နိုင်ရေး ကြိုးပမ်းဆောင်ရွက်မည်ဟုလည်း ဖော်ပြထားသည်။
မူးယစ်ဆေးဝါးသုံးစွဲမှု လျော့နည်းကျဆင်းရေးနှင့် လုံးဝပပျောက်ရေးအတွက် အထူးစီမံချက်များ ချမှတ်ဆောင်ရွက်ကာ ကရင်ပြည်နယ်အတွင်းရှိ တိုင်းရင်းသားလူမျိုးများ၏ စာပေ၊ ယဉ်ကျေးမှု၊ အနုပညာများကို မြှင့်တင်ဆောင်ရွက်သွားမည်ဟု ကြေညာစာတမ်းတွင် ဖော်ပြသည်။
ထို့ပြင် စစ်မှန်ခိုင်မြဲသောငြိမ်းချမ်းရေး ရရှိရန်အတွက် သက်ဆိုင်သူအားလုံးနှင့် ညှိနှိုင်းဆောင်ရွက်ကာ ငြိမ်းချမ်းမှုရရှိလာသည်နှင့်အမျှ ဟိုတယ်နှင့် ခရီးသွားလုပ်ငန်းကို သဘာဝပတ်ဝန်းကျင်အား မထိခိုက်စေဘဲ မြှင့် တင်ဆောင်ရွက်သွားမည်ဟု KNDP က ဆို သည်။
ကရင်ပြည်နယ်အတွင်း လယ်ယာဥယျာဉ်ခြံမြေ ပိုင်ဆိုင်လုပ်ကိုင်ခွင့်နှင့် စပ်လျဉ်း၍ ဒေသခံတိုင်းရင်းသားတို့၏ ဓလေ့ထုံးတမ်းစဉ်လာများနှင့် လိုက်လျောညီထွေဖြစ်စေကာ ပညာရေး၊ ကျန်းမာရေး၊ လူမှုရေးကဏ္ဍများတွင် အခြားပြည်နယ်တိုင်းများထက် မလျော့သည့်ဝန်ဆောင်မှုရရှိရေး ကြိုးပမ်းမည်ဟု ပါတီရွေးကောက်ပွဲ ကြေညာစာတမ်းတွင် ဖော်ပြပါရှိသည်။
ထို့ပြင် လူမျိုးရေးအရ၊ ဘာသာရေးအရ ခွဲခြားဆက်ဆံဖိနှိပ်ချုပ်ချယ်မှုများ မရှိစေရေးအပါအဝင် နိုင်ငံရေး၊ စီးပွားရေး၊ မြေယာနှင့် သံယဇာတ၊ လူမှုရေး၊ ကရင်အမျိုးသားအရေးတို့နှင့်ပတ်သက်၍ ပါတီမှ ထုတ်ပြန်ထားသော အခြေခံမူဝါဒများအတိုင်း အကောင်အထည်ဖော်ဆောင်ရွက်မည်ဟု KNDP ပါတီကဆိုသည်။
ကရင်အမျိုးသားဒီမိုကရက်တစ်ပါတီသည် ကရင်ပြည်နယ်ဒီမိုကရေစီနှင့် ဖွံ့ဖြိုးတိုးတက်ရေးပါတီ၊ ကရင်ဒီမိုကရက်တစ်ပါတီနှင့် စည်းလုံးညီညွတ်သော ကရင်အမျိုးသားဒီမိုကရက်တစ်ပါတီတို့ ပူးပေါင်းတည်ထောင်ထားသည့်ပါတီဖြစ်သည်။
ပါတီအနေဖြင့် ၂၀၂၀ အထွေထွေရွေးကောက်ပွဲတွင် ကရင်ပြည်နယ်ရှိ မြို့နယ်ခုနစ်မြို့နယ်အနက် သံတောင်ကြီးမြို့နယ်မှအပ ကျန်မြို့နယ်များရှိ လွှတ်တော်မဲဆန္ဒနယ်အသီးသီးတွင် ကိုယ်စားလှယ်လောင်းb ၂၉ ဦး ဝင်ရောက်ယှဉ်ပြိုင်မည်ဖြစ်သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
