အိမ်နီးချင်းမြန်မာနိုင်ငံတွင် ငြိမ်းချမ်းရေး ပြန်လည်ဖော်ဆောင်ရန်အတွက် အိန္ဒိယအနေဖြင့် မြန်မာ့တပ်မတော် အာဏာပိုင်များ၊ တိုင်းရင်းသားလူမျိုးစုများနှင့် ဆွေးနွေးညှိနှိုင်းမှုများ ပြုလုပ်သင့်ကြောင်း မီဇိုရမ်ပြည်နယ် ဝန်ကြီးချုပ်က ပြောကြားခဲ့သည်။
အိန္ဒိယသည် မြန်မာနိုင်ငံနှင့် ကီလိုမီတာ ၁၆၀၀ ကျော် နယ်နိမိတ်ချင်းထိစပ်လျက်ရှိသည်။
“မြန်မာနိုင်ငံရဲ့ ငြိမ်းချမ်းရေးအတွက် အိန္ဒိယက ကြားဝင်စေ့စပ်ပေးဖို့ မြန်မာအသိုင်းအဝိုင်းတချို့ရဲ့ မေတ္တာရပ်ခံချက်တွေကို လက်ခံရရှိထားပါတယ်။ ဒါဟာအရင်တုန်းက အဲဒီမှာကျွန်တော်တို့လုပ်ဆောင်ခဲ့တဲ့ ငြိမ်းချမ်းရေးပြန်လည်ဖော်ဆောင်ရေးဆွေးနွေးမှုတွေ ပြန်လည်စတင်ဖို့ အိန္ဒိယအတွက် အလွန်ကောင်းမွန်တဲ့ အခွင့်အရေးတစ်ခုပါပဲ” ဟု မီဇိုရမ်ပြည်နယ်ဝန်ကြီးချုပ် ဇိုရမ်သန်ဂါက စက်တင်ဘာ ၂၄ ရက်၌ နယူးဒေလီမှ ပြန်ရောက်လာပြီးနောက်တွင် သတင်းထောက်များကို ပြောကြားခဲ့သည်။
လွန်ခဲ့သည့် နှစ်အနည်းငယ်ခန့်ကလည်း အမျိုးသားလုံခြုံရေးအကြံပေးအာဂျစ်ဒိုဗာလ်နှင့်အတူ ၎င်းအား ငြိမ်းချမ်းရေးမစ်ရှင်တစ်ခုအတွက် မြန်မာနိုင်ငံသို့ စေလွှတ်ခဲ့ဖူးကြောင်း ပြည်နယ်ဝန်ကြီးချုပ်က ဆိုသည်။
မြန်မာနိုင်ငံတွင် ယမန်နှစ် ဖေဖော်ဝါရီ ၁ ရက်နောက်ပိုင်း အိန္ဒိယနိုင်ငံ မီဇိုရမ်ပြည်နယ်၏ နေရာဒေသအသီးသီးသို့ မြန်မာနိုင်ငံသား သုံးသောင်းကျော် ဝင်ရောက်ခိုလှုံခဲ့ကာ ချင်းပြည်နယ်မှ အများစုဖြစ်သည့် ဒုက္ခသည်များသည်ယာယီစခန်းများတွင် နေထိုင်နေပြီး အချို့မှာ နေအိမ်များငှားရမ်းနေထိုင်လျက်ရှိကာ ဒေသခံဆွေမျိုးသားချင်းများနှင့် အတူနေထိုင်သူများလည်းရှိနေသည်ဟု သိရသည်။
အိန္ဒိယအစိုးရ၊ NGO အဖွဲ့အစည်းများနှင့် ဒေသန္တရအာဏာပိုင်များက ၎င်းတို့အား အစားအသောက်နှင့် အခြားအကူအညီများ ပေးအပ်လျက်ရှိသည်။ မီဇိုရမ်ပြည်နယ်တွင် လာရောက်ခိုလှုံနေထိုင်သူ အများအပြားသည် ချင်းလူမျိုးများဖြစ်ကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
