ရွေးကောက်ပွဲကော်မရှင် အပါအဝင် အရပ်ဘက် အဖွဲ့အစည်းများနှင့် နိုင်ငံရေးပါတီများ ၂၀၂၀ ရွေးကောက်ပွဲကို စီမံခန့်ခွဲရန်နှင့် ပါဝင်နိုင်ရန်အတွက် အမေရိကန်အစိုးရက ဒေါ်လာ ၄၆ သန်းကျော် ကူညီပံ့ပိုးထားကြောင်း မြန်မာနိုင်ငံဆိုင်ရာ အမေရိကန်သံရုံးမှ ထုတ်ပြန်ခဲ့သော်လည်း ရွေးကောက်ပွဲကော်မရှင် အနေဖြင့် တစ်ဒေါ်လာမှ မရရှိကြောင်း ပြည်ထောင်စု ရွေးကောက်ပွဲ ကော်မရှင် အဖွဲ့ဝင် ဦးမြင့်နိုင်က ပြောကြားသည်။
စက်တင်ဘာ ၂ ရက်က နေပြည်တော်ရှိ ပြည်ထောင်စု ရွေးကောက်ပွဲကော်မရှင်ရုံးတွင် ပြုလုပ်သည့် သတင်းစာ ရှင်းလင်းပွဲ၌ အမေရိကန်အစိုးရက ဒေါ်လာ ၄၆ သန်းကျော် ထောက်ပံ့ကူညီထားမှုနှင့် ပတ်သက်၍ ကော်မရှင်အနေဖြင့် မည်ကဲ့သို့ဆောင်ရွက်သွားရန် ရှိသနည်းဟု သတင်းထောက်တစ်ဦးက မေးမြန်းမှုအပေါ် ကော်မရှင်အဖွဲ့ဝင် ဦးမြင့်နိုင်က အထက်ပါကဲ့သို့ ပြန်လည်ဖြေကြား ခဲ့ခြင်းဖြစ်သည်။
“UEC က တစ်ဒေါ်လာမှမရဘူး။ ရှင်းသွားပြီလား။ ဒါကြောင့်သတင်းတွေက ပြောနေတဲ့အခါကျတော့ တက်လာတဲ့အပေါ်မှာ ပြောပြောနေကျတာပဲ။ UEC ကတစ်ဒေါ်လာမှမရဘူး။ အဲဒါဆို ရှင်းသွားပါပြီ။ သတင်းတွေက ဘယ်ဟာက ဘယ်လိုရနေတယ်ဆိုတဲ့ဟာတွေက ကျွန်တော်တို့ တော်တော်သတိထား နေရတယ်။ အခုဒါဆို ရှင်းသွားပြီပေါ့နော်။ တစ်ဒေါ်လာမှ မရတော့ ကျန်တဲ့ဟာတွေလည်း ယုံသင့်မယုံသင့် လုပ်တော့ပေါ့ဗျာ။ ကျွန်တော်တို့ တစ်ဒေါ်လာမှ မရဘူး” ဟု ဦးမြင့်နိုင်က ပြောကြားသည်။
ရွေးကောက်ပွဲကော်မရှင် အပါအဝင် အရပ်ဘက် အဖွဲ့အစည်းများနှင့် နိုင်ငံရေးပါတီများ ၂၀၂၀ ရွေးကောက်ပွဲကို စီမံခန့်ခွဲရန်နှင့် ပါဝင်နိုင်ရန်အတွက် အမေရိကန်အစိုးရက ဒေါ်လာ ၄၆ သန်းကျော် ထောက်ပံ့ကူညီ ပံ့ပိုးထားကြောင်း မြန်မာနိုင်ငံဆိုင်ရာ အမေရိကန်သံရုံး၏ Facebook စာမျက်နှာတွင် သြဂုတ် ၂၈ ရက်က ဖော်ပြခဲ့ခြင်းဖြစ်သည်။
ပြည်ထောင်စု ရွေးကောက်ပွဲကော်မရှင် တာဝန်ရှိသူများနှင့် သံရုံးယာယီတာဝန်ခံ ဂျော့ချ်ဆစ်ဘလီတို့သည် ပွင့်လင်းမြင်သာ၍ အားလုံးပါဝင်သော ရွေးကောက်ပွဲက အရေးကြီးသည့် အကြောင်းနှင့် အများလက်ခံ၍ ယုံကြည်ရသော ရွေးကောက်ပွဲ စောင့်ကြည့်မှုသည် အရေးကြီးသည့်အကြောင်း ဆွေးနွေးခဲ့ကြောင်း၊ ရွေးကောက်ပွဲ ကော်မရှင်၊ အရပ်ဘက် အဖွဲ့အစည်းများနှင့် နိုင်ငံရေးပါတီများ ၂၀၂၀ ရွေးကောက်ပွဲကို စီမံခန့်ခွဲရန်နှင့် ပါဝင်နိုင်ရန်အတွက် အမေရိကန် အစိုးရက ဒေါ်လာ ၄၆ သန်းကျော် ကူညီပံ့ပိုးထားကြောင်း မြန်မာနိုင်ငံဆိုင်ရာ အမေရိကန်သံရုံး၏ Facebook စာမျက်နှာတွင် ဖော်ပြခဲ့သည်။
အမေရိကန်ပြည်ထောင်စုနှင့် မြန်မာနိုင်ငံအကြား ရေရှည်ချစ်ကြည်ရင်းနှီးမှုနှင့် မိတ်ဖက်လက်တွဲမှုတို့ကို အားပေးကူညီရန်အတွက် သုံးနှစ်ကျော် တာဝန်ထမ်းဆောင်ပြီးနောက် သံရုံးယာယီတာဝန်ခံ ဆစ်ဘလီသည် မကြာမီ မြန်မာနိုင်ငံမှ ပြန်လည်ထွက်တော့မည် ဖြစ်ကြောင်း မြန်မာနိုင်ငံဆိုင်ရာ အမေရိကန်သံရုံးက ဖော်ပြထားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
