တောင်ကိုရီးယား အမျိုးသားအဆိုတော်အဖွဲ့ BTS က နိုင်ငံ၏ စီးပွားရေးအတွက် ၂၀၁၇ ခုနှစ်တွင် ဒေါ်လာ ၃.၆ ဘီလျံကျော် ရှာဖွေပေးခဲ့သည်ဟု သုတေသနအဖွဲ့ Hyundai Research Institute က ဒီဇင်ဘာ ၁၈ ရက်တွင် ထုတ်ပြန်ခဲ့သည်။ ၂၀၁၇ ခုနှစ်တွင် တောင်ကိုရီးယားသို့ လာရောက်သည့် နိုင်ငံခြားခရီးသွား ၁၃ ဦး တွင် တစ်ဦးနှုန်းသည် BTS အဖွဲ့ဝင်များကြောင့် လာရောက်ခြင်းဖြစ်သည်ဟု Hyundai Research Institute က ထုတ်ပြန်ခဲ့သည်။
ရုပ်ဖြောင့်သည့်အပြင် တိကျသည့် ကကွက်များကြောင့် ထင်ရှားသည့်(Bangtan Sonyeondan) ၏ အတိုကောက်ဖြစ်သော BTS အဖွဲ့သည် အချိန်တိုအတွင်း ကိုရီးယား၏ အထင်ရှားဆုံးနှင့် တန်ဖိုးအရှိဆုံး ဂီတဆိုင်ရာ ပို့ကုန်များထဲတွင် ပါဝင်လာခဲ့သည်။
အဆိုတော်ခုနစ်ဦးဖြင့် ဖွဲ့စည်းထားသည့် BTS အဖွဲ့သည် ယခုနှစ်အစောပိုင်းတွင် အမေရိကန်သီချင်း ရောင်းချမှုစာရင်း၏ ထိပ်တန်းနေရာ၌ ဖော်ပြခံရသည့် ပထမဆုံး ကေပေါ့ပ်အဖွဲ့ ဖြစ်လာခဲ့သည်။ ယင်းသို့ ဖော်ပြခံရမှုကြောင့် ပြည်ပတွင် ကိုရီးယားထုတ်ကုန်များ၏ အမှတ်တံဆိပ် ပုံရိပ်မြင့်တက်လာစေရန် အထောက်အကူ ပြုခဲ့သည် ဟုလည်း Hyundai Research Institute က ဆိုသည်။
BTS အဖွဲ့နှင့် ဆက်နွှယ်သော လုပ်ငန်းများမှ ရရှိသည့် စုစုပေါင်း စီးပွားရေးတန်ဖိုးသည် ဒေါ်လာ ၃.၆၃ ဘီလျံ ရှိခဲ့ပြီး အလယ်အလတ်စား ကိုရီးယားကုမ္ပဏီ ၂၆ ခု၏ ဝင်ငွေနှင့် ညီမျှကြောင်း Hyundai Research Institute မှ ပညာရှင်များက ပြောကြားခဲ့ သည်။
BTS အဖွဲ့ကြောင့် ၂၀၁၇ ခုနှစ်တွင် ခရီးသွား ၈၀၀, ၀၀၀ ခန့်က ကိုရီးယားကို လာရောက်ရန် ရွေးချယ်ခဲ့ကြောင်း၊ ယင်းအရေအတွက်သည် စုစုပေါင်း ခရီးသွား၏ ခုနစ်ရာခိုင်နှုန်းကျော် ရှိကြောင်း ပညာရှင်များက ပြောကြားခဲ့သည်။ BTS အဖွဲ့နှင့် ဆက်စပ်သည့် အဝတ်အစားများ၊ အလှကုန်ပစ္စည်းနှင့် စားသောက်ကုန်ကဲ့သို့သော လူသုံးကုန်၊ စားသုံးကုန်များကို တင်ပို့ရာတွင် ဒေါ်လာ တစ်ဘီလျံကျော် ရရှိခဲ့သည်ဟုလည်း သုတေသနအဖွဲ့က ထုတ်ပြန်ခဲ့သည်။
BTS အဖွဲ့သည် အောင်မြင်မှုကို ထိန်းထားနိုင်မည်ဆိုပါက လာမည့် ဆယ်စုနှစ်ကျော်အတွင်း ဒေါ်လာ ၃၇ ဘီလျံကျော် ရှာဖွေပေးနိုင်လိမ့်မည်ဟု Hyundai Research Institute က ခန့်မှန်းခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
