၂၀၂၄ ခုနှစ်အတွက် ရွေးချယ်မည့် FIFPro World XI အတွက် ဆန်ခါတင်စာရင်းတွင် ပရီးမီးယားလိဂ်မှ ကစားသမား(၁၁)ဦးအထိ ပါဝင်ကာ အများဆုံးဖြစ်ခဲ့ကြောင်း သိရသည်။
FIFPro World XI ကို ကမ္ဘာ့ဘောလုံးအဖွဲ့ချုပ် (FIFA) ၏ အကောင်းဆုံးဆု The Best ချီးမြှင့်သည့် အခမ်းအနားတွင် ရွေးချယ်သွားမည်ဖြစ်ပြီး လက်ရှိအချိန်၌ ဆန်ခါတင်ကစားသမား (၂၆)ဦးစာရင်းကို ရွေးချယ်ထုတ်ပြန်ခဲ့ခြင်းဖြစ်သည်။
FIFPro World XI အတွက် နိုင်ငံပေါင်း(၇၀)ကျော်မှ ပရော်ဖက်ရှင်နယ် ဘောလုံးသမား(၂၈၀၀၀)ကျော်၏ ပြီးခဲ့သည့်ရာသီအတွင်း ပြသခဲ့သည့်စွမ်းဆောင်ရည်အပေါ် ပရော်ဖက်ရှင်နယ်ဘောလုံးသမားများ၏ ဆန္ဒမဲဖြင့်ပင် ရွေးချယ်ခြင်းဖြစ်ကြောင်း သိရသည်။ နောက်ဆုံးရွေးချယ်မည့် အကောင်းဆုံး(၁၁)ဦးစာရင်းတွင် ဂိုးသမားတစ်ဦး၊ နောက်တန်း(၃)ဦး၊ ကွင်းလယ်(၃)ဦး၊ ရှေ့တန်း(၃) ဦးပါဝင်မည်ဖြစ်ပြီး နောက်ဆုံးတစ်ဦးမှာ ဂိုးသမားမှလွဲ၍ အခြားနေရာများမှ ကစားသမားများအနက် ဆန္ဒမဲအများဆုံးရရှိသည့်ကစားသမား ဖြစ်မည်ဟု သိရသည်။
ဆန်ခါတင်(၂၆)ဦးစာရင်းတွင် ပရီးမီးယားလိဂ်မှ ကစားသမား(၁၁)ဦးပါဝင်ကာ အများဆုံးဖြစ်ခဲ့ပြီး ကလပ်အသင်းအနေဖြင့်မူ ရီးယဲလ်အသင်းက (၈)ဦး ဖြင့် အများဆုံးဖြစ်ခဲ့ကြောင်း သိရသည်။
FIFPro World XI ဆန်ခါတင်စာရင်း
ဂိုး - အီဒါဆန်၊ မာတီနက်ဇ်၊ နော်ယာ၊ နောက် - ကာဗာဟယ်လ်၊ ဒီယက်စ်၊ ဗန်ဒိုက်၊ ဖရင်ပေါင်၊ ရူဒီဂါ၊ ဆာလီဘာ၊ ဝေါ်လ်ကာ၊ လယ် - ဘယ်လင်ဂမ်၊ ဒီဘရိုင်းနား၊ ဖိုဒန်၊ တိုနီကရို့စ်၊ မိုဒရစ်၊ မူဆီယာလာ၊ ရိုဒရီ၊ ဗယ်လ်ဗာဒီ၊ ရှေ့ - ဟာလန်း၊ ဟာရီကိန်း၊ ဘာပေ၊ မက်ဆီ၊ ပါလ်မာ၊ စီရော်နယ်လ်ဒို၊ ဗင်နီစီယပ်စ်၊ ယမားလ်
-
ဒေါ်လာတစ်သန်းတန် ဘောလုံးစွမ်းရည်ယှဉ်ပြိုင်မှုတွင် ပရိသတ်တစ်ဦးကို စီရော်နယ်လ်ဒို ရှုံးနိမ့်
-
FA ဖလား တတိယအဆင့်တွင် သားဖြစ်သူ တိုင်လာ၏အသင်းနှင့်တွေ့ဆုံခြင်းမှာ အိပ်မက်များ အမှန်တကယ်ဖြစ်လာခြင်းဟု အက်ရှ်လေယန်း ဖွင့်ဟ
-
ဆာလာ၏အနာဂတ်နှင့်မေးမြန်းမှုများကို မန်စီးတီးအသင်း၏ စွဲချက် (၁၁၅) ချက်ကို အကြောင်းပြကာ လီဗာပူးလ်နည်းပြ အာနယ်ဆလော့ နောက်ပြောင်
-
၎င်း၏အမည်ကို သီဆိုအားပေးခြင်းထက် ကစားသမားများနှင့် ကလပ်အသင်းကို သီချင်းလုပ်ဆိုအားပေးရန် မန်ယူပရိသတ်များကို နည်းပြ အာမိုရင်မ် တိုက်တွန်း
-
ဒီဘရိုင်နားနှင့် ဆက်ဆံရေးအဆင်မပြေဖြစ်နေသည်ဟု ပြောဆိုမှုများမှာ မဟုတ်မှန်ကြောင်း မန်စီးတီးအသင်းနည်းပြ ဂွါဒီယိုလာ တုံ့ပြန်
