ဖီအိုရင်တီးနား-အင်တာမီလန် စီးရီးအေပွဲစဉ်တွင် ကွင်းအတွင်းလဲကျခဲ့သည့် ကွင်းလယ်လူ ဘော်ဗီမှာ သတိပြန်ရလာပြီး စကားပြောနိုင်ပြီဖြစ်ကြောင်း ဖီအိုရင်တီးနား အသင်းက အတည်ပြုထုတ်ပြန်ခဲ့သည်။
စီးရီးအေ ပွဲစဉ် (၁၄) အဖြစ် ဒီဇင်ဘာ ၁ ရက်က ယှဉ်ပြိုင်ကစားသည့် ယင်းပွဲတွင် ဘော်ဗီမှာ ကွင်းအတွင်း ရုတ်တရက်လဲကျသွားခြင်းဖြစ်သည်။ VAR စစ်ဆေးမှုပြုလုပ် သဖြင့် ပွဲခေတ္တရပ်နားထားစဉ် ဘော်ဗီသည် မည်သူနှင့်မျှ ထိခိုက်မိခြင်းမရှိဘဲ လဲကျသွား ခြင်းဖြစ်ပြီး ထမ်းစင်ဖြင့်သယ်ထုတ်၍ ဆေးရုံသို့ ချက်ချင်းပို့ဆောင်ခဲ့ရသည်။
ယင်းဖြစ်ရပ်ကြောင့် ပွဲကို ပထမပိုင်း ၁၆ မိနစ်မှာပင် ရပ် ဆိုင်းခဲ့ရပြီး ဘော်ဗီအနေဖြင့် အထူးကြပ်မတ်ကုသမှု ခံယူခဲ့ရသည်။ "သူက လက်ရှိအချိန်မှာ နိုးနေပြီး သတိရှိသလို အာရုံစူးစိုက်မှုလည်း ရှိပါတယ်။ သူ့ရဲ့ မိသားစုဝင်တွေ၊ အသင်းရဲ့ စီမံခန့်ခွဲမှုအဖွဲ့၊ နည်းပြနဲ့ အသင်းဖော်တွေကိုလည်း စကားပြောနိုင်ပါပြီ။ သူတို့အားလုံးက သတင်းကောင်းကြားရတာနဲ့ ချက်ချင်းအရောက်သွားပြီး သူ့ကိုသွားတွေ့ခဲ့ကြတာပါ။ ဖြစ်ခဲ့တဲ့ အခြေအနေကနေ စိုးရိမ်ရတဲ့အကြောင်းရင်းတွေကို ဖော်ထုတ်နိုင်ဖို့ လာမယ့်ရက်ပိုင်း အတွင်းမှာ နောက်ထပ်စစ်ဆေးမှုတွေလုပ်ဆောင်သွားမှာပါ" ဟု ဖီအိုရင်တီးနားအသင်းက ထုတ်ပြန်ခဲ့သည်။
အသက် ၂၂ နှစ်သာရှိသေးသူ ဘော်ဗီသည် အီတလီ ယူ-၂၁ လက်ရွေးစင်ကစားသမားတစ်ဦးဖြစ်သည်။ ၎င်းသည် ရိုးမားအသင်း၏အကယ်ဒမီထွက်ကစားသမားဖြစ်ပြီး ယခုနွေ ရာသီတွင် ဖီအိုရင်တီးနားအသင်းသို့ တစ်ရာသီအငှားဖြင့် ပြောင်းရွှေ့ခဲ့ခြင်းဖြစ်သည်။
-
ဒေါ်လာတစ်သန်းတန် ဘောလုံးစွမ်းရည်ယှဉ်ပြိုင်မှုတွင် ပရိသတ်တစ်ဦးကို စီရော်နယ်လ်ဒို ရှုံးနိမ့်
-
FA ဖလား တတိယအဆင့်တွင် သားဖြစ်သူ တိုင်လာ၏အသင်းနှင့်တွေ့ဆုံခြင်းမှာ အိပ်မက်များ အမှန်တကယ်ဖြစ်လာခြင်းဟု အက်ရှ်လေယန်း ဖွင့်ဟ
-
ဆာလာ၏အနာဂတ်နှင့်မေးမြန်းမှုများကို မန်စီးတီးအသင်း၏ စွဲချက် (၁၁၅) ချက်ကို အကြောင်းပြကာ လီဗာပူးလ်နည်းပြ အာနယ်ဆလော့ နောက်ပြောင်
-
၎င်း၏အမည်ကို သီဆိုအားပေးခြင်းထက် ကစားသမားများနှင့် ကလပ်အသင်းကို သီချင်းလုပ်ဆိုအားပေးရန် မန်ယူပရိသတ်များကို နည်းပြ အာမိုရင်မ် တိုက်တွန်း
-
ဒီဘရိုင်နားနှင့် ဆက်ဆံရေးအဆင်မပြေဖြစ်နေသည်ဟု ပြောဆိုမှုများမှာ မဟုတ်မှန်ကြောင်း မန်စီးတီးအသင်းနည်းပြ ဂွါဒီယိုလာ တုံ့ပြန်
