စစ်ကိုင်းတိုင်းဒေသကြီး မုံရွာခရိုင် ချောင်းဦးမြို့တွင် အခြေခံလူတန်းစား ထောက်ပံ့ငွေ တန်းတူရရှိရေးအတွက် ဒေသခံ ၂၉ ဦးက ဆန္ဒထုတ်ဖော် တောင်းဆိုခဲ့ကြောင်း သိရသည်။
အဆိုပါ ဆန္ဒထုတ်ဖော် တောင်းဆိုမှုကို နိုဝင်ဘာ ၁၈ ရက် နံနက်ပိုင်းက ချောင်းဦးမြို့ ဘောလုံးကွင်းမှ စတင်ခဲ့ပြီး မြို့တွင်းလမ်းများတွင် ဆန္ဒထုတ်ဖော်ခဲ့ကြကြောင်း၊ ယင်းဆန္ဒထုတ်ဖော် တောင်းဆိုမှုသည် သက်ဆိုင်ရာ ရဲစခန်းထံ တရားဝင်စာတင်ကာ ပြုလုပ်ခဲ့ခြင်းဖြစ်ကြောင်း သိရသည်။
“အခြေခံလူတန်းစား ထောက်ပံ့ကြေးက ပထမအကြိမ်တုန်းက ဆန်၊ ဆီ၊ ဆား စားသောက်ကုန်ငါးမျိုး၊ အဲဒီတုန်းကလည်း ကျွန်မတို့မှာ နိုင်ငံတော်ကပေးတဲ့ ထောက်ပံ့ကြေးက အပြည့်မရဘူး။ နိုင်ငံတော်က ပေးတဲ့ အကြိမ်တိုင်း ကျွန်မတို့မှာ အပြည့်မရဘူး။ ဒါပေမယ့် မရတဲ့သူတွေကလည်း အများကြီးရှိသေးတယ်။ တာဝန်ရှိတဲ့သူက သူနဲ့နီးစပ်ရာ နီးစပ်ရာ လုပ်သွားတာ။ ကျွန်မတို့က အပြည့်အဝရချင်တယ်။ စာလည်း တင်ထားပေမဲ့ အခုထိ ဘာမှမထူးခြားလာသေးဘူး။ အပြည့်အဝမရတဲ့ ကိစ္စကို ဆက်ပြီးတော့ ရှင်းပေးစေချင်တယ်” ဟု ချောင်းဦးမြို့နယ် မင်းတည်ကျေးရွာမှ ဒေါ်ဇာဇာမြင့်က ပြောကြားသည်။
ထို့ပြင် ကျေးရွာအုပ်ချုပ်ရေးမှူးများသည် နိုင်ငံတော်ကပေးသည့် စားနပ်ရိက္ခာ အပါအဝင် ငွေကြေးများကို မှန်မှန်ကန်ကန် ပေးဝေခြင်း မရှိကြောင်း၊ အဆိုပါ ကိစ္စအား မြို့နယ်အုပ်ချုပ်ရေးမှူးကို တင်ပြခဲ့သော်လည်း လုပ်ဆောင် ပေးခဲ့ခြင်း မရှိသည့်အတွက် ဆန္ဒပြရခြင်းဖြစ်ကြောင်း ချောင်းဦးမြို့နယ် ငါးလုံတင်ကျေးရွာမှ ဦးနိုင်မိုးဦးက ဆိုသည်။
“ကျွန်တော်တို့ ဆန္ဒပြရတဲ့အကြောင်းအရင်းက ကျေးရွာအုပ်ချုပ်ရေးမှူးတွေက နိုင်ငံတော်က ဝေတဲ့ပစ္စည်းတွေကို မှန်မှန်ကန်ကန် ပေးဝေတာ မရှိပါဘူး။ အဲဒီကိစ္စကို မြို့နယ်အုပ်ချုပ်ရေးမှူးကိုလည်း တင်ပြပေမယ့်သူက လုပ်မပေးတဲ့အတွက် ကျွန်တော်တို့ ဒီနေ့ဆန္ဒပြရတာ ဖြစ်ပါတယ်။ ထောက်ပံ့ကြေး ပေးတော့လည်း ပေးချင်တဲ့သူပေးတယ်။ ရတဲ့သူရတယ်။ အဲဒီလိုလူတွေ ကျွန်တော်တို့ရွာမှာ အများကြီး ရှိပါတယ်။ ကျေးရွာအုပ်ချုပ်ရေးမှူးတွေ အဂတိတရားတွေ လုပ်နေတာကိုတော့ သက်ဆိုင်ရာတွေအနေနဲ့ စိစစ်ပြီးတော့ အရေးယူ ပေးစေချင်ပါတယ်” ဟု ချောင်းဦးမြို့နယ် ငါးလုံတင်ကျေးရွာမှ ဦးနိုင်မိုးဦးက ပြောကြားသည်။
ဆန္ဒထုတ်ဖော်သူများက ဆန္ဒပြရာ လမ်းတစ်လျှောက်တွင် အခြေခံလူတန်းစား ထောက်ပံ့ငွေ တန်းတူရရှိရေး၊ အဂတိတရား မကင်းသော အုပ်ချုပ်ရေးမှူးများအား အရေးယူပေးရေး စသည်များအား ကြွေးကြော်ကာ ဆန္ဒထုတ်ဖော် ခဲ့ကြကြောင်း သိရသည်။
-
အလုပ်ပိတ်ရန် ညွှန်ကြားချက် အချိန်ကပ်၍ ထုတ်ပြန်ခဲ့မှုအပေါ် တောင်းပန်ကြောင်း အလုပ်ရှင်၊ အလုပ်သမား၊ အစိုးရတာဝန်ရှိသူများနှင့် သုံးပွင့်ဆိုင် အွန်လိုင်းဆွေးနွေးပွဲတွင် ဒေါ်အောင်ဆန်းစုကြည် ပြောကြား
-
မန္တလေးတွင် ညဘက်အပြင်ထွက်မရအမိန့် မလိုက်နာသူ အမျိုးသားနှစ်ဦးအား တုတ်ဖြင့်ရိုက်ကာ အပြစ်ပေး
-
COVID-19 ရောဂါကူးစက်ပြန့်ပွားမှုမှ ကာကွယ်ထိန်းချုပ်ရန် ခရီးစဉ်ပျံသန်းခြင်း ရပ်ဆိုင်းထားသည့် ပြည်တွင်းလေကြောင်းလိုင်း ငါးခုအနက် Air KBZ လေကြောင်းလိုင်းမှအပ ကျန်လေကြောင်းလိုင်းများ ဧပြီလကုန်အထိ ပျံသန်းမှုရပ်နားမည်
-
COVID-19 ကြောင့် မြန်မာနိုင်ငံရှိ ဟိုတယ်များတွင် ပြည်တွင်းပြည်ပခရီးသွား တည်းခိုခြင်းမရှိဘဲ ခရီးသွားလုပ်ငန်းများ ရပ်ဆိုင်းထားရသဖြင့် နိုင်ငံပိုင်ဟိုတယ်များ ငှားရမ်းခပေးသွင်းခြင်းကို ခြောက်လရွှေ့ဆိုင်း၍ ပေးသွင်းခွင့်ပြု
-
လွတ်ငြိမ်းချမ်းသာခွင့်ဖြင့် ပြန်လာသော အမျိုးသားက ဇနီးသည် Quarantine ဝင်နေသော နေရာသို့ ခွင့်ပြုချက်မရှိဘဲ ဝင်ရောက်မှုကြောင့် ထောင်သုံးလ ကျခံစေရန် အမိန့်ချ
