အခွန်ရှောင်မှု အရှုပ်တော်ပုံပေါ်ပေါက်ခဲ့ပြီးနောက် တစ်နှစ်ကြာပျောက်ကွယ်နေသည့် တရုတ်ထိပ်တန်းသရုပ်ဆောင် ဖန်ပင်းပင်းသည် လူမြင်ကွင်းရှေ့ တစ်ဖန်ပြန်လည် ထွက်ရှိလာခဲ့သည်။
ဖန်ပင်းပင်းသည် တရုတ်အွန်လိုင်း ဗီဒီယိုဝက်ဘ်ဆိုက် iQiyi အတွက် ဧပြီ ၂၂ ရက်တွင် ပေကျင်း၌ပြုလုပ်ခဲ့သည့် ကော်ဇောနီ အခမ်းအနားတစ်ခုကို တက်ရောက်ခဲ့ခြင်းဖြင့် လူမြင်ကွင်းရှေ့ ထွက်ပေါ်ခဲ့ခြင်းဖြစ်သည်။ Alexander McQueen တံဆိပ် ပန်းရောင်ကုတ်အကျႌနှင့် အနက်ရောင်ဘောင်းဘီဝတ်ဆင်ပြီး Louis Vuitton အိတ်ကိုင်လျက် ယင်းအခမ်းအနား တက်ခဲ့သည့် ဓာတ်ပုံများကို ဖန်ပင်းပင်းက Instagram တွင် ဖော်ပြခဲ့သည်။
အသက် ၃၇ နှစ်အရွယ် သရုပ်ဆောင်၊ မော်ဒယ်၊ အဆိုတော်၊ ထုတ်လုပ်သူ ဖန်ပင်းပင်းသည် တရုတ်နိုင်ငံတွင် ထင်ရှားသော သရုပ်ဆောင်တစ်ဦးဖြစ်ပြီး ၂၀၁၄ ခုနှစ်က ဖြန့်ချိခဲ့သည့် X-Men:Days of Future Past ဇာတ်ကားဖြင့် ဟောလိဝုဒ်တွင် အောင်မြင်မှု ရရှိခဲ့သည်။
ဖန်ပင်းပင်းသည် ရုပ်ရှင်လုပ်ငန်းမှရရှိသည့် ဝင်ငွေများအပေါ် အခွန်ရှောင်ခဲ့သည် ဆိုသော စွပ်စွဲချက်များထွက်ရှိခဲ့ပြီးနောက် ပြီးခဲ့သည့်နှစ် မေတွင် စစ်ဆေးမေးမြန်းခံခဲ့ရပြီး ဒဏ်ငွေ ဒေါ်လာ ၁၂၉ သန်း ချမှတ်ခံခဲ့ရသည်။
အခွန်အရှုပ်တော်ပုံ ပေါ်ပေါက်ခဲ့ပြီးနောက် အနုပညာအလုပ်များ ရပ်နားခဲ့သည့် ဖန်ပင်းပင်းသည် ဟောလိဝုဒ်ဇာတ်ကား 355 တွင် ပါဝင်မည်ဟု သတင်းရင်းမြစ်များက Variety မဂ္ဂဇင်းသို့ ပြောကြားခဲ့သည်။
ဖန်သည် ၂၀၁၇ ခုနှစ်တွင် ဝင်ငွေ ဒေါ် လာ ၄၄ သန်းဖြင့် Forbes မဂ္ဂဇင်း၏ ဝင်ငွေ အများဆုံးရ တရုတ်အမျိုးသမီးသရုပ်ဆောင်စာရင်းတွင် နံပါတ် (၁) ၌ဖော်ပြခံခဲ့ရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
