လီဗာပူးလ်နည်းပြ အာနယ်ဆလော့က အသင်းတွင် အနာဂတ်မရေမရာဖြစ်နေခြင်းက အသင်းတိုက်စစ်ကစားသမား ဆာလာကို စိတ်အနှောင့်အယှက်မဖြစ်စေဘဲ ပိုကောင်းလာအောင် တွန်းအားပေးနေခြင်းဖြစ်နိုင်ကြောင်း ပြောကြားခဲ့သည်။
အသက် (၃၂) နှစ်အရွယ်ရှိ အီဂျစ်လက်ရွေးစင်အသင်းခေါင်းဆောင် ဆာလာသည် ယခုရာသီကုန်တွင် လီဗာပူးလ်အသင်းနှင့်စာချုပ်သက်တမ်းကုန်ဆုံးမည်ဖြစ်သည်။ သို့သော် လီဗာပူးလ်အသင်းအနေဖြင့် လက်ရှိအချိန်ထိ စာချုပ်သစ်အတွက် ကမ်းလှမ်းမှုမရှိသေးသဖြင့် ဒေါသထွက်ရကြောင်း ဆောက်သမ်တန်အား (၃-၂)ဂိုးဖြင့် အနိုင်ရသည့်ပွဲအပြီးတွင် ဆာလာ ဝန်ခံခဲ့သည်။
ထို့ပြင် ဆာလာက မိမိအနေဖြင့် လာမည့်နွေတွင် လီဗာပူးလ်အသင်းတွင် ဆက်နေရန်ထက် ထွက်ခွာရန် ပိုများကြောင်းလည်း ဆောက်သမ်တန်နှင့်ပွဲအပြီး အင်တာဗျူးတွင် ပြောကြားခဲ့သည်။ ယခုအခါ ဆာလာ၏အဆိုပါမှတ်ချက်နှင့်ပတ်သက်ပြီး ဆလော့က မီဒီယာတွေ့ဆုံမှုတွင် တုံ့ပြန်ခဲ့ခြင်းဖြစ်သည်။
ဆလော့က "စာချုပ်ကိစ္စကြောင့် ဆာလာ စိတ်အနှောင့်အယှက်ဖြစ်နေတယ်လို့ မထင်ပါဘူး။ အသင်းမှာ အနာဂတ်မရေမရာဖြစ်နေခြင်းက သူ့ကို ပိုကောင်းလာစေတယ်လို့တောင် ထင်ပါတယ်"ဟုပြောကြားခဲ့သည်။ ထို့ပြင် ဆာလာ၏စာချုပ်ကိစ္စနှင့်ပတ်သက်ပြီး အသေးစိတ်မေးမြန်းမှုကိုလည်း ဖြေကြားရန်ငြင်းဆန်ခဲ့သည်။
ဆာလာသည် ယခုရာသီတွင် လီဗာပူးလ်အတွက် ခြေစွမ်းပြနေပြီး ပရီးမီးယားလိဂ် (၁၂) ပွဲတွင် (၁၀)ဂိုးသွင်းကာ ဂိုးဖန်တီးမှု (၆) ကြိမ် ပြုလုပ်ထားသည်။ ထို့ကြောင့် လီဗာပူးလ် အသင်းသည် ဆာလာအား စာချုပ်သစ်ချုပ်ဆိုရန် ၎င်း၏အေးဂျင့်ဖြစ်သူ အစ်ဆာနှင့်ဆွေးနွေးမှုများပြုလုပ်နေကြောင်း သိရသည်။
-
လက်စတာအသင်း၏ နည်းပြသစ်လျာထားစာရင်းတွင် နစ္စတယ်ရွိုင်း ပါဝင်နေ
-
အသင်းလက်မဲ့ ဖြစ်နေသည့် ရီးယဲလ်နောက်ခံလူဟောင်း ရာမို့စ်ကို (၁၈)လစာချုပ်ဖြင့် ခေါ်ယူရန် နယူးကာဆယ်အသင်း စီစဉ်နေ
-
■ ဂျက်ဆင်ရဲ့အသွင်ပြောင်းဇာတ်လမ်း
-
အနာဂတ်မရေမရာဖြစ်နေခြင်းက ဆာလာကို စိတ်အနှောင့်အယှက်မဖြစ်စေဘဲ ပိုကောင်းအောင်တွန်းအားပေးခြင်းဖြစ်နိုင်ကြောင်း လီဗာပူးလ်နည်းပြ အာနယ်ဆလော့ ပြောကြား
-
ချန်ပီယံလိဂ်သမိုင်းတွင် ပွဲချိန် (၇၅) မိနစ်အထိ (၃-၀) ဂိုးဖြင့် ဦးဆောင်နေပြီးမှ ပွဲအပြီးတွင် အနိုင်မရသည့် ပထမဆုံးအသင်းအဖြစ် မန်စီးတီးအသင်း မှတ်တမ်းဝင်
