နာမည်ကြီး အိုင်ယာလန် MMA ကစားသမား မက်ဂရီဂေါ်က အမျိုးသမီးတစ်ဦးကို အဓမ္မပြုကျင့်မှုစွဲချက် ပြစ်ဒဏ်အတွက် အယူခံဝင်သွားမည်ဟု ကြေညာခဲ့သည်။
မက်ဂရီဂေါ်က စာလုံးရေ ၁၂၀ ပါရှိ သည့်ကြေညာချက်တစ်စောင်ကို သူ၏လူမှုကွန်ရက်တွင် ထုတ်ပြန်ကာ အသိပေးခဲ့ခြင်း ဖြစ်သည်။ ထို့ပြင် ၎င်းက အမှားများကျူးလွန်ခဲ့ကြောင်းလည်း ဝန်ခံခဲ့သည်။ မက်ဂရီဂေါ် အနေဖြင့် အမျိုးသမီးတစ်ဦးကို အဓမ္မပြုကျင့် မှုစွဲချက်အတွက် အပြစ်ရှိကြောင်း တရားရုံးက ဆုံးဖြတ်ခဲ့ပြီး ဒဏ်ကြေးပေါင်နှစ်သိန်းကျော် ချမှတ်ခံခဲ့ရခြင်းဖြစ်သည်။
မက်ဂရီဂေါ် (၃၆ နှစ်) နှင့် ဂျိမ်းစ်လောရန့်စ် (၃၅ နှစ်) တို့နှစ်ဦးကို နီကီတာဟန်းဟုအမည်ရသည့် အမျိုးသမီး (၃၅ နှစ်)က ၂၀၁၈ ခုနှစ် ဒီဇင်ဘာတွင် အိုင်ယာလန်နိုင်ငံ၊ ဒဗ္ဗလင်မြို့ရှိ ဟိုတယ်တစ်ခု၌ အဓမ္မပြုကျင့်ခံရသည့်စွဲချက်ဖြင့် တရားစွဲဆိုခဲ့ ခြင်းဖြစ်ပြီး တရားရုံးက နိုဝင်ဘာ ၂၂ ရက်တွင် စီရင်ချက်ချမှတ်ခဲ့သည်။
မစ္စဟန်းက မက်ဂရီဂေါ်သည် အဓမ္မမပြုကျင့်မီ အကြမ်းဖက်မှု ပြုလုပ်ခဲ့သောကြောင့် ခန္ဓာကိုယ်တွင် ဒဏ်ရာများရရှိခဲ့ကြောင်း၊ လောရန့်စ်မှာလည်း ၎င်း၏သဘောတူညီမှုမပါဘဲ အဓမ္မပြုကျင့်ခဲ့ကြောင်း စွပ်စွဲထားသည်။ စွပ်စွဲခံရသူနှစ်ဦးစလုံးက စွဲချက်များကို ငြင်းဆန်ခဲ့ပြီး မစ္စဟန်း နှင့် နှစ်ဦးသဘောတူကြည်ဖြူစွာဖြင့် သီးခြားစီ လိင်ဆက်ဆံမှု ပြုလုပ်ခဲ့ခြင်းဖြစ်ကြောင်း တရားရုံးတွင် ထွက်ဆိုခဲ့သည်။
အဆိုပါအမှုကို ဒဗ္ဗလင်ရှိ တရားရုံးချုပ်၌ နှစ်ပတ်ကြာ ကြားနာစစ်ဆေးပြီးနောက် အမျိုးသမီးရှစ်ဦးနှင့် အမျိုးသားလေးဦးပါဝင်သည့် ဂျူရီအဖွဲ့က မက်ဂရီဂေါ်တွင် အပြစ်ရှိကြောင်း ဆုံးဖြတ်ခဲ့ပြီး မစ္စဟန်းအား နစ်နာကြေး ပေါင် ၂၀၆၀၀၀ (ယူရို ၂၄၈၀၀၀) ပေးဆောင်ရမည် ဖြစ်သည်။
-
■ ပြည်သူ့စစ်မှုထမ်းသင်တန်းအမှတ်စဉ်(၇) သင်တန်းဖွင့်ပွဲများအား တိုင်းစစ်ဌာနချုပ်အသီးသီး၌ ကျင်းပ
-
အဓမ္မပြုကျင့်မှုစွဲချက် ပြစ်ဒဏ်အတွက် မက်ဂရီဂေါ် အယူခံဝင်မည်ဟု ကြေညာ
-
၂၀၁၈ ခုနှစ်အတွက် မြန်မာ့အကောင်းဆုံး အားကစားသမားဆုကို ဝူရှူးလက်ရွေးစင်များဖြစ်သည့် ငြိမ်းချမ်းကိုကိုနှင့် အေးသစ္စာမြင့် ရရှိပြီး သက်ထားသူဇာ အတိုးတက်ဆုံးအားကစားသမားဆု ဆွတ်ခူး
-
စပိန်လာလီဂါပွဲစဉ်(၁၀) ပွဲကြိုသုံးသပ်ချက်
-
ဂျာမန်ဘွန်ဒစ်လီဂါပွဲစဉ် (၉) ပွဲကြိုသုံးသပ်ချက်
