စစ်ကိုင်းတိုင်းဒေသကြီး မုံရွာခရိုင် မုံရွာမြို့တွင် ယနေ့ (မတ်လ ၁ရက် ) နံနက်ပိုင်းက ဇောတိကကျောင်းအနီး အခမဲ့ဆေးပေးခန်းဖွင့်ထားသည့် မြန်မာနိုင်ငံလူမှုကယ်ဆယ်ရေးအဖွဲ့မှအသင်းသားများ၊နာရေးကားများ အပါအဝင် ဆရာဝန်များ ဖမ်းဆီးခံရကြောင်း သိရသည်။
၄င်းတို့ကို တပ်မတော်နှင့်ရဲတပ်ဖွဲ့ဝင်များက ဖမ်းဆီးသွားခဲ့ကြောင်းနှင့် မုံရွာမြို့တော်ခန်းမတွင် ထိန်းသိမ်းထားကြောင်း သိရသည်။
"အခုချိန်အထိ အဖမ်းခံရတဲ့သူတွေနဲ့ဘာမှ အဆက်အသွယ်မရသေးပါဘူး။ဇောတိကကျောင်းအနီးမှာ ယာယီဆေးခန်းဖွင့်ထားတာပါ။အဲဲဒီကနေ ခေါ်သွားတာပါ။ကားကတော့ သုံးစီးပါသွားတယ်။ဆရာဝန်တွေကော အသင်းသားတွေကောဆိုရင် အဖမ်းခံရတာက လူပေါင်း တစ်ဆယ့်လေးယောက်လောက် ရှိပါတယ်"ဟု မြန်မာနိုင်ငံလူမှုကယ်ဆယ်ရေးအဖွဲ့ ( မုံရွာမြို့နယ်ရုံး)မှ တာဝန်ရှိသူတစ်ဉီးက ပြောကြားသည်။
ထို့အပြင် ယမန်နေ့ရက်များက မုံရွာမြို့ပေါ်ရှိ နာရေးအသင်းကားအချို့နှင့်ကူညီကယ်ဆယ်ရေးအသင်းသားအချို့ကိုလည်း တပ်မတော်နှင့်ရဲတပ်ဖွဲ့ဝင်များ ဖမ်းဆီးထိန်းသွားခဲ့ကြောင်းနှင့် ၄င်းတို့သည်လည်း ယနေ့အထိ ပြန်လည်လွတ်မြောက်လာခြင်းမရှိသေးကြောင်း သိရသည်။
မတ်လ ၁ရက်နေ့က စစ်ကိုင်းတိုင်းဒေသကြီး မုံရွာမြို့တွင် တပ်မတော်နှင့်ရဲတပ်ဖွဲ့ဝင်များ က ဆန္ဒထုတ်ဖော်သူများကို လိုက်လံဖမ်းဆီး ဖြိုခွင်းမှုများ လုပ်ဆောင်ခဲ့ကြကြောင်း သိရသည်။
-
လက်စတာအသင်း၏ နည်းပြသစ်လျာထားစာရင်းတွင် နစ္စတယ်ရွိုင်း ပါဝင်နေ
-
အသင်းလက်မဲ့ ဖြစ်နေသည့် ရီးယဲလ်နောက်ခံလူဟောင်း ရာမို့စ်ကို (၁၈)လစာချုပ်ဖြင့် ခေါ်ယူရန် နယူးကာဆယ်အသင်း စီစဉ်နေ
-
■ ဂျက်ဆင်ရဲ့အသွင်ပြောင်းဇာတ်လမ်း
-
အနာဂတ်မရေမရာဖြစ်နေခြင်းက ဆာလာကို စိတ်အနှောင့်အယှက်မဖြစ်စေဘဲ ပိုကောင်းအောင်တွန်းအားပေးခြင်းဖြစ်နိုင်ကြောင်း လီဗာပူးလ်နည်းပြ အာနယ်ဆလော့ ပြောကြား
-
ချန်ပီယံလိဂ်သမိုင်းတွင် ပွဲချိန် (၇၅) မိနစ်အထိ (၃-၀) ဂိုးဖြင့် ဦးဆောင်နေပြီးမှ ပွဲအပြီးတွင် အနိုင်မရသည့် ပထမဆုံးအသင်းအဖြစ် မန်စီးတီးအသင်း မှတ်တမ်းဝင်
