အလုံပိတ် ပစ်ကပ်ကားအတွင်း လိုက်ပါလာသည့် တရားမဝင် မြန်မာနိုင်ငံသား ၂၉ ဦးကို ထိုင်းအာဏာပိုင်များ ဖမ်းဆီးလိုက်ကြောင်း ဘန်ကောက်ပို့စ်သတင်းတွင် ဖော်ပြထားသည်။
ထိုင်းနိုင်ငံတောင်ပိုင်း ဆိုင်ဘူရီခရိုင်ရှိ အဝေးပြေးလမ်း စစ်ဆေးရေးဂိတ်တွင် နိုဝင်ဘာ ၂၃ ရက်က ဖမ်းဆီးရမိခဲ့ခြင်းဖြစ်သည်။
လူမှောင်ခိုလုပ်ငန်းအတွက် အသုံးပြုသည်ဟု သံသယရှိသည့် ယာဉ်တစ်စီးသည် ပတ္တနီနှင့် နရသီဝပ်ကြား အဝေးပြေးလမ်းမကြီးတွင် သွားလာနေကြောင်း သတင်းရရှိပြီးနောက် ထိုင်းရဲတပ်ဖွဲ့က ဘန်ကောက်လိုင်စင် နံပါတ်ပြားပါသည့် အဆိုပါ ပစ်ကပ်ယာဉ်ကို လိုက်လံဖမ်းဆီးခဲ့ကြောင်း၊ အလုံပိတ်ကားအား ရှာဖွေစစ်ဆေးခဲ့ရာ မြန်မာနိုင်ငံသား အမျိုးသား ၂၁ ဦးနှင့် အမျိုးသမီးရှစ်ဦးတို့ကို တွေ့ရှိခဲ့ကြောင်း၊ ယာဉ်မောင်းမှာ ထိုင်းနိုင်ငံသားဖြစ်ကြောင်း သတင်းတွင် ဆက်လက်ဖော်ပြထားသည်။
အဆိုပါ မြန်မာနိုင်ငံသား ၂၉ ဦးသည် မလေးရှားနိုင်ငံရှိ အလုပ်ပွဲစားတစ်ဦးထံ ဆက်သွယ်ခဲ့ပြီး ထိုင်းနိုင်ငံမှ တစ်ဆင့်မလေးရှားနိုင်ငံသို့ သွားရောက်ရန်ဖြစ်ကြောင်း၊ ထိုင်းနိုင်ငံတွင် နေထိုင်စဉ် ကူညီရန် ထိုင်းပွဲစားတစ်ဦးထံ ဆက်သွယ်ခဲ့ကြောင်း သိရသည်။ ၎င်းတို့သည် ထိုင်းနိုင်ငံအတွင်းသို့ တရားမဝင်ဝင်ရောက်လာကာ သုံးရက်ကြာ ခရီးနှင်လာခဲ့ခြင်းဖြစ်ကြောင်း သတင်းတွင် ဖော်ပြသည်။
ယာဉ်မောင်းကို စစ်ဆေးချက်အရ အဆိုပါ မြန်မာနိုင်ငံသားများကို ပို့ဆောင်ပေးရန် ထိုင်းပွဲစားတစ်ဦးက တစ်ဦးလျှင် ဘတ် ၁၅၀၀ ပေးခဲ့ကြောင်း ထွက်ဆိုခဲ့သည်။ ဖမ်းဆီးရမိသည့် မြန်မာနိုင်ငံသားများနှင့် ထိုင်းနိုင်ငံသား ယာဉ်မောင်း တို့ကို ရဲစခန်းတွင် ထိန်းသိမ်းထားပြီး တရားဥပဒေအရ အရေးယူမည်ဖြစ်ကြောင်း ဘန်ကောက်ပို့စ်သတင်းတွင် ဖော်ပြထားသည်။
-
မြန်မာနိုင်ငံ၏ နိုင်ငံရေး အခြေအနေမှာ ဘယ်ကိုသွားနေသည်ကို မရှင်းမလင်းဖြစ်နေပြီး ဒီမိုကရေစ ီဖွံ့ဖြိုးတိုးတက်မှုနှင့် ငြိမ်းချမ်းရေး ဖြစ်စဉ်များမှာ ရပ်တန့်နေကြောင်း လူ့ဘောင်သစ် ဒီမိုကရက်တစ်ပါတီ ဥက္ကဋ္ဌ ပြောကြား
-
ပင်စင်လစာများ တိုးမြှင့်ခြင်းသည် နိုင်ငံတော်သမ္မတ ပြောကြားခဲ့သည့် နှစ်သစ်ကူး မိန့်ခွန်းတွင် ပါဝင်သော ကတိကဝတ်များကို အကောင်အထည် ဖော်ခြင်းဖြစ်ပြီး မည်သည့်အရာနှင့်မျှ ပတ်သက်ခြင်းမရှိဟုဆို
-
အစိုးရ၏ အုပ်ချုပ်မှုအဆင့်ဆင့်နှင့် ပြည်သူလူထု၏ အသက်အိုးအိမ် လုံခြုံရေးကို မထိခိုက်ပါက ပစ်ခတ်တိုက်ခိုက်မှု ရပ်ဆိုင်းထားမည် ဟူသော ထုတ်ပြန်ချက်သည် တပ်မတော်၏ ရှင်းလင်းပြတ်သားသည့် သဘောထားဟု တပ်မတော်ကာကွယ်ရေးဦးစီးချုပ် ပြောကြား
-
အမျိုးသား အကျိုးစီးပွားကိုကြည့်ပြီး ဘိုးဘွားများ အမွေပေးခဲ့သည့် လွတ်လပ်ရေး၊ ပိုင်နက်နယ်မြေ အဖဲ့မခံရရေးအတွက် တိုင်းရင်းသား စည်းလုံးညီညွတ်ရေး လက်နက်ကို ကိုင်စွဲရင်ဆိုင်ကြရန် တိုင်းရင်းသား စည်းလုံးညီညွတ်ရေးပါတီ ဒုတိယဥက္ကဋ္ဌ တိုက်တွန်း
-
ငြိမ်းချမ်းရေးလုပ်ငန်းစဉ်၏ လားရာသည် ဒီမိုကရေစီ ဖက်ဒရယ်ပြည်ထောင်စု ထူထောင်နိုင်ရေးဆိုင်ရာ လမ်းကြောင်းမှ လွဲဖယ်ပြီး တိမ်းစောင်းသွားနေသည့် အနေအထားမျိုးသို့ ရောက်ရှိနေကြောင်း ကရင်အမျိုးသား နှစ်သစ်ကူးနေ့သို့ KNU သဝဏ်လွှာပေးပို့
