ရွေးကောက်ပွဲ၌ ရွေးချယ်တင်မြှောက်ရာတွင် ဒီမိုကရေစီနည်းလမ်းတကျ ရိုးသားမှန်ကန် သမာသမတ်ရှိစွာ ဆောင်ရွက်ရမည်ဖြစ်ပြီး မည်သို့သော နည်းလမ်းမကျသည့် ဆောင်ရွက်မှုမျိုးမဆို ယုံကြည်မှု ကင်းမဲ့စေသည်ဆိုသည်ကို သတိပြုရမည်ဖြစ်ကြောင်း တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။
စစ်တက္ကသိုလ် ဗိုလ်လောင်းသင်တန်း အမှတ်စဉ် (၆၂) သင်တန်းဆင်း ဂုဏ်ပြုစစ်ရေးပြ အခမ်းအနားကို ယနေ့ (ဒီဇင်ဘာ ၄ ရက်) နံနက်ပိုင်းတွင် ပြုလုပ်ခဲ့ပြီး အဆိုပါ အခမ်းအနား၌ မိန့်ခွန်းပြောကြားရာတွင် ရွေးကောက်ပွဲနှင့် ပတ်သက်၍ တပ်မတော်ကာကွယ်ရေးဦးစီးချုပ်က ထိုသို့ ထည့်သွင်းပြောကြား ခြင်းဖြစ်သည်။ .
နိုင်ငံသားများ၏ သဘောဆန္ဒနှင့်အညီ မိမိတို့ကိုယ်စား နိုင်ငံအကျိုး ဆောင်ရွက်ပေးမည့် ကိုယ်စားလှယ်များကို ရွေးကောက်တင်မြှောက်ပေးခဲ့ခြင်းသည် နိုင်ငံသားများ၏ ဒီမိုကရေစီ အခွင့်အရေးသာဖြစ်ပြီး ကိုယ်တိုင် ရွေးချယ်လိုက်သောသူသည် မိမိဒေသနှင့် နိုင်ငံကို ကောင်းမွန်စွာ အကျိုးပြုနိုင်ရန် လိုအပ်ကြောင်း၊ လူရွေးမှားလျှင် အခက်အခဲများစွာ ကြုံလာမည်ဖြစ်ကြောင်း တပ်မတော်ကာကွယ်ရေးဦးစီးချုပ်က ပြောကြားသည်။
“ရွေးချယ်တင်မြောက်ရာမှာလည်း ဒီမိုကရေစီနည်းလမ်းတကျ ဆောင်ရွက်ရမယ်။ ရိုးသားမှန်ကန်စွာ ဆောင်ရွက်ရမယ်။ သမာသမတ်ရှိရမယ်။ မည်သို့သော နည်းလမ်းမကျတဲ့ ဆောင်ရွက်မှုမျိုးမဆို ယုံကြည်မှု ကင်းမဲ့စေတယ်ဆိုတာကို သတိပြုရမယ်။ ပြည်သူ့ဆန္ဒနဲ့အညီ နိုင်ငံတော်ကို အုပ်ချုပ်ခြင်းဟာလည်း ဒီမိုကရေစီရဲ့ အနှစ်သာရပဲဖြစ်တယ်”ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ပြောကြားသည်။
မြန်မာနိုင်ငံအနေဖြင့် ဒီမိုကရေစီအသွင်ကူးပြောင်းရေးမှသည် ဒီမိုကရေစီလမ်းကြောင်းပေါ်တွင် အစိုးရ နှစ်ဆက်တိုင်တိုင် လျှောက်လှမ်းခဲ့ပြီဖြစ်ပြီး အဆိုပါစနစ်သည် ပြည်သူက ရွေးချယ်ခဲ့သော ပါတီစုံဒီမိုကရေစီ စနစ်ဖြစ်ကာ မြန်မာနိုင်ငံနှင့်ကိုက်ညီသည့် ဒီမိုကရေစီနှင့်ဖက်ဒရယ်စနစ်ကို အခြေခံသော ပြည်ထောင်စုကို တည်ဆောက်ရာတွင် အားလုံးဝိုင်းဝန်းကြိုးပမ်း ဆောင်ရွက်ရမည်ဖြစ်ကြောင်း တပ်မတော်ကာကွယ်ရေး ဦးစီးချုပ်က ပြောကြားသည်။
နိုင်ငံသူ နိုင်ငံသားများအနေဖြင့်လည်း နိုင်ငံတော်က ချမှတ်ပြဋ္ဌာန်းထားသော စည်းကမ်း၊ ဥပဒေများကို လိုက်နာနိုင်မှသာ စည်းကမ်းပြည့်ဝသော ဒီမိုကရေစီနိုင်ငံတော်ကို တည်ထောင်နိုင်မည်ဖြစ်ကြောင်း တပ်မတော် ကာကွယ်ရေးဦးစီးချုပ်က ပြောကြားသည်။
ထို့ပြင် နိုင်ငံသူ နိုင်ငံသားများအနေဖြင့် ဒီမိုကရေစီ၏ သဘောသဘာဝဖြစ်သော လွတ်လပ်စွာ ပြောဆိုနိုင်ခွင့်၊ ဆန္ဒဖော်ထုတ်ခွင့်များကို စည်းကမ်းနည်းလမ်းတကျ ဆောင်ရွက်တတ်ရန် လိုအပ်ကြောင်းလည်း တပ်မတော်ကာကွယ်ရေးဦးစီးချုပ်က ပြောကြားသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
