မွေးဖွားချိန်တွင် ကိုယ်အလေးချိန် ၂၄၅ ဂရမ် (၈.၆ အောင်စ) မျှသာရှိသော်လည်း အသက်ရှင်ခဲ့သည့် ကမ္ဘာ့အသေးဆုံး ကလေးမွေးဖွားမှုကို မေ ၂၉ ရက်တွင် ကယ်လီဖိုးနီးယားဆေးရုံက ထုတ်ဖော်ပြသခဲ့သည်။
ဆေးရုံဝန်ထမ်းများက ဆေဘီးဟု နာမည်ပေးထားသော မိန်းကလေးကို မိခင်ကိုယ်ဝန်ဆောင်ချိန် သီတင်း ၂၃ ပတ်နှင့် သုံးရက်အကြာတွင် ဆန်ဒီယေဂိုရှိ အမျိုးသမီးများနှင့် မွေးကင်းစများ၏ Sharp MaryBirch ဆေးရုံ၌ မွေးဖွားခဲ့ခြင်းဖြစ်သည်။
ဖခင်သည် မွေးကင်းစလေး မသေဆုံးမီ ၎င်းနှင့် တစ်နာရီခန့် အတူရှိခွင့်ရမည်ဟု ဆရာဝန်များက ကနဦးတွင် ပြောကြားခဲ့သည်။ “ဒါပေမဲ့ အဲဒီအချိန်ဟာ နှစ်နာရီ ဖြစ်သွားခဲ့တယ်။ နှစ်နာရီကနေ တစ်ရက်ဖြစ်သွားခဲ့ပါတယ်။ တစ်ရက်ကနေ တစ်ပတ်ဖြစ်သွားခဲ့ပါတယ်” ဟု ဆေးရုံက ထုတ်ပြန်ပေးခဲ့သော ဗွီဒီယိုတွင် ၎င်း၏ မိခင်က ပြောကြားခဲ့သည်။
မိခင်ကို အသက်အန္တရာယ်ဖြစ်စေသည့် ပြင်းထန်သည့် ကိုယ်ဝန်ဆောင်ရောဂါများ ထပ်တိုးဖြစ်ပွားလာခဲ့ပြီးနောက် ဆေဘီးကို ဒီဇင်ဘာတွင် အရေးပေါ် ဗိုက်ခွဲမွေးခဲ့ရသည်ဟု ဆရာဝန်များက ပြောကြားခဲ့သည်။ ဆေးရုံ၏ မွေးကင်းစကလေးအထူးကြပ်မတ်ဆောင်တွင် ငါးလကြာနေခဲ့ရပြီးနောက် ယခုလအစောပိုင်းတွင် ဆေးရုံမှဆင်းခဲ့ရသည်။ ဆေးရုံမှဆင်းချိန်တွင် ဆေဘီးသည် ကျန်းမာနေပြီး ကိုယ်အလေးချိန်ငါးပေါင်ရှိကာ ဘွဲ့ဦးထုပ်ကို ဆောင်းနိုင်နေပြီဖြစ်သည်။
“သူကတော့ အံ့ဖွယ်ပါပဲ။ တကယ့်အံ့ဖွယ်ပါ” ဟု ဆေဘီးကိုပြုစုခဲ့သော သူနာပြု ကင်နော်ဘီက ပြောကြားခဲ့သည်။
Ref ; AFP
-
နိုင်ငံတကာ ရာဇဝတ်မှုခုံရုံး (ICC) က အစ္စရေးဝန်ကြီးချုပ်၊ ကာကွယ်ရေးဝန်ကြီးဟောင်းနှင့် ဟားမာ့စ်တပ်မှူးတို့ကို ဖမ်း၀ရမ်းများထုတ်ပြန်
-
လူမည်းတစ်ဦးဖြစ်ရသည်ကို မိမိဂုဏ်ယူနေပြီး မိမိထံမှပြင်းထန်သည့်တုံ့ပြန်မှုများကို မမျှော်လင့်နှင့်ဟု လူမျိုးရေးခွဲခြားလှောင်ပြောင်သူများကို ရပ်ရှ်ဖို့ဒ် အသိပေး
-
အသက်အငယ်ဆုံးဂိုးသွင်းနိုင်သည့်မှတ်တမ်း လော်တာရိုမာတီနက်ဇ် ရရှိ
-
တိုရီနိုကစားသမားသစ် ဆာနာဘရီယာ ကိုဗစ်ကူးစက်ခံရ
-
ချန်ပီယံလိဂ်ဝင်ခွင့်နဲ့ လန်ဒန်ဖြူနီပြာ
