Top News

တန်ဟက်ဂ်ရဲ့ အားထားရာဖြစ်လာမလား ဗန်ဒယ်ဘိခ်

24htopnews | November 19, 2024 7:12 PM CST

လာမယ့်ရာသီမှာ မန်ချက်စတာယူနိုက်တက်အသင်းအတွက် ဗန်ဒယ်ဘိခ်က ဘယ်လောက်အထိ အရေးပါလာမလဲဆိုတာ သုံးသပ်ကြည့်ချင်ပါတယ်။ လက်ရှိအနေအထားအရ မန်ချက်စတာယူနိုက်တက်အသင်းရဲ့ ကွင်းလယ်မှာ ပေါ့ဘာမရှိတော့ပါဘူး။ တွမ်မီနေးနဲ့ ဖရက်ဒ်တို့သာ ရှိတော့ပြီး ဘရူနိုဖာနန်ဒက်စ်ကတော့ မန်ချက်စတာယူနိုက်တက်အသင်းရဲ့ အဓိက N0.10 Role ကစားသမားအဖြစ် ဆက်ရှိနေဦးမှာပါ။ ဒါဆိုရင် ဗန်ဒယ်ဘိခ်က မန်ချက်စတာယူနိုက်တက်အသင်းရဲ့ ဘယ်နေရာမှာ အဓိက ကစားရမှာလဲ။ အဖြစ်နိုင်ဆုံးကတော့ N0.8 Roleမှာ ဗန်ဒယ်ဘိခ် ကစားရဖို့များပါတယ်။ မန်ချက်စတာယူနိုက်တက်အသင်းနဲ့ ကွင်းလယ်လူသစ်ထပ်ခေါ်ဦးမယ်ဆိုတာတောင် နည်းပြ တန်ဟက်ဂ်အနေနဲ့ တပည့်ဟောင်း ဗန်ဒယ်ဘိခ်ကို ပစ်ပယ်ထားလိမ့်မယ်တော့ မထင်ပါဘူး။ ဗန်ဒယ်ဘိခ်သာ ပုံမှန်ခြေစွမ်းတစ်ခုပြသနိုင်ခဲ့ရင် မန်ချက်စတာယူနိုက်တက်အသင်းမှာ ပုံမှန်ပွဲထွက်ခွင့်ကျိန်းသေပေါက် ရလာပါလိမ့် မယ်။