ဘောလုံးဝေဖန်သူအဖြစ် ဆောင်ရွက်နေသည့် အာဆင်နယ်ဂန္ထဝင် အီယန်ရိုက်က ရှေ့လာမည့် ပရီးမီးယားလိဂ်ပွဲစဉ် (၂)ပွဲတွင် ချယ်လ်ဆီးအနေဖြင့် အနိုင်မရပါက နည်းပြ ပိုချက်တီနိုအနေဖြင့် ၎င်း၏အနာဂတ်နှင့်ပတ်သက်ပြီး စိုးရိမ်ရတော့မည်ဟု သုံးသပ်ပြောကြားခဲ့သည်။
ချယ်လ်ဆီးအသင်းသည် ပြီးခဲ့သည့် ၂၀၂၂-၂၃ ရာသီက ရလဒ်ဆိုးများကို ချေဖျက်ရန်အတွက် ပိုချက်တီနိုအား အသင်းနည်းပြအဖြစ် ပြီးခဲ့သည့်ဇူလိုင်လက ခန့်အပ်ခဲ့သည်။
သို့သော် ပိုချက်တီနို၏ ချယ်လ်ဆီးအသင်းမှာ ယခုရာသီ ပရီးမီးယားလိဂ်ပွဲစဉ် (၆) အပြီးတွင် (၁) ပွဲသာ အနိုင်ရထားပြီး ရမှတ် (၅) မှတ်ဖြင့် အဆင့် (၁၄)နေရာ၌ ရပ်တည်နေသည်။
ထို့ကြောင့် ပိုချက်တီနိုအနေဖြင့် ချယ်လ်ဆီးနည်းပြရာထူးမှ ထုတ်ပယ်ခံရမည်ဟု သုံးသပ်မှုများရှိနေပြီး ယခုအခါ အီယန်ရိုက်က "ဖူလ်ဟမ်၊ ဘန်လေတို့နဲ့ ကစားရမယ့် ပရီးမီးယားလိဂ်ပွဲစဉ်တွေက ချယ်လ်ဆီးအတွက် မဖြစ်မနေအနိုင်ယူရမယ့် ပွဲစဉ်တွေဖြစ်ပါတယ်။ တကယ်လို့ အဲဒီပွဲတွေမှာ ချယ်လ်ဆီးအသင်း ရှုံးနိမ့်ခဲ့မယ်ဆိုရင် စိုးရိမ်ရတော့မှာပါ။ ချယ်လ်ဆီးအနေနဲ့ တစ်ခုခုလုပ်ပြတော့မယ်လို့ ထင်မှတ်နေကြမှာပါ။ တကယ်လို့ ဖူလ်ဟမ်၊ ဘန်လေတို့နဲ့ ကစားမယ့်ပွဲတွေမှာသာ ရှုံးနိမ့်ခဲ့မယ်ဆိုရင်နည်းပြ ပိုချက်တီနိုအနေနဲ့ ရာထူးအတွက် စိုးရိမ်ရတော့မှာပါ" ဟု သုံးသပ်ပြောကြားခဲ့သည်။
-
သပိတ်ကျင်းမြို့နယ်တွင် ၁၄ နှစ်အရွယ် မိန်းကလေးကို မုဒိမ်းကျင့်သတ်ဖြတ်ခဲ့သူကို ဖမ်းဆီးရမိ
-
ဘင်္ဂါလီ ၂၅ ဦးအား ရန်ကုန်သို့ပို့ဆောင်ရန် ခေါ်ဆောင်လာသူသုံးဦးအပါအဝင် စုစုပေါင်း ၂၈ ဦးအား ရေတာရှည်မြို့နယ် သာဂရ-ကိုးပင်ကားလမ်းတွင် ဖမ်းဆီးရမိ
-
ထိုင်းနိုင်ငံအတွင်း လုပ်အားခလစာတိုးမြှင့်မည့်အစီအစဉ်၌ မြန်မာလုပ်သား လေးသိန်းကျော်ရှိသည့် တာ့ခ်ခရိုင် ချန်လှပ်ခံရဟုဆို
-
ဘူးသီးတောင်မြို့ပေါ်သို့ နေရပ်စွန့်ခွာသူများ ထပ်မံရောက်ရှိလာပြီး မြို့ပေါ်ကယ်ဆယ်ရေးစခန်း နှစ်ခုတွင် စစ်ဘေးဒုက္ခသည် ၅၀၀ ကျော်အထိ တိုးလာ
-
၂၀၂၂ ခုနှစ်တွင် ထပ်မံလိုအပ်လာမည့် မဂ္ဂါဝပ် ၃၀၀၀ အတွက် LNG အသုံးပြု၍ လျှပ်စစ်ဓာတ်အား ထုတ်လုပ်သော စီမံကိန်းသုံးခုနှင့် သဘာဝဓာတ်ငွေ့သုံးစီမံကိန်းတစ်ခုကို စီမံကိန်းများစတင်ရန် စီစဉ်
