အာဆင်နယ်ဂန္ထဝင်ဂိုးသမား ဒေးဗစ်ဆီမင်းက ရမ်းစ်ဒေးလ်ကိုကျော်ပြီး ရာယာအား နံပါတ် (၁)ဂိုးသမားအဖြစ် အသုံးပြုနေသည့် အသင်းနည်းပြ အာတီတာ၏ ဆုံးဖြတ်ချက်အပေါ် နားမလည်နိုင်အောင်ဖြစ်မိကြောင်း ပြောကြားခဲ့သည်။
အာဆင်နယ်နည်းပြ အာတီတာသည် ရာသီအစ ပရီးမီးယားလိဂ်ပွဲစဉ်များတွင် ရမ်းစ်ဒေးလ်ကို နံပါတ် (၁)ဂိုးသမားအဖြစ် အသုံးပြုခဲ့သော်လည်း အဲဗာတန်၊ PSV၊ စပါးတို့နှင့် ကစားသည့်ပွဲစဉ်များတွင် ရာယာကို ပွဲထွက်အဖြစ် အသုံးပြုခဲ့သည်။
စပါးနှင့် (၂-၂)ဂိုးဖြင့် သရေကျသည့်ပွဲတွင် ရမ်းစ်ဒေးလ်ကိုကျော်ပြီး ရာယာအား အသုံးပြုခဲ့သည့် အာတီတာ၏ ဆုံးဖြတ်ချက်ကို အာဆင်နယ်ပရိသတ် အချို့နှင့် ဘောလုံးဝေဖန်သူများက ဝေဖန်ခဲ့ကြသည်။ ယခုအခါ အာဆင်နယ်ဂန္ထဝင်ဂိုးသမား ဒေးဗစ်ဆီးမင်းကပါ အာတီတာ၏ဆုံးဖြတ်ချက်နှင့် ပတ်သက်ပြီး ဝေဖန်ခဲ့ခြင်းဖြစ်သည်။
ဒေးဗစ်ဆီမင်းက "အာတီတာက ကစားသမားတွေကို အလှည့်ကျ အသုံးပြုပြီး ပွဲကစားခွင့်တွေ ပေးနေတယ်။ ဒါပေမဲ့ ရမ်းစ်ဒေးလ်နေရာမှာ ကျွန်တော်သာဆိုရင် ဒါကို သဘောကျမှာမဟုတ်သလို၊ ပီတာရှမိုက်ကယ်လည်း အဲဒီလိုအလုပ်ခံရရင် ကြိုက်မှာမဟုတ်ပါဘူး။ ဒါပေမဲ့ အခုခေတ်က ကျွန်တော်တို့နဲ့ ကွာသွားပါပြီ။ ပွဲတွေကလည်း အရင်ကနဲ့မတူတော့ဘူး။ အာတီတာက အသစ်တွေ စမ်းနေတယ်။ ဒါအလုပ်ဖြစ်မလား မသိပါဘူး။ ရမ်းစ်ဒေးလ်ကို အရန်ခုံမှာထိုင်ခိုင်းထားတာကိုတော့ ကျွန်တော် နားမလည်နိုင်ပါဘူး" ဟု ဆိုခဲ့သည်။
-
သပိတ်ကျင်းမြို့နယ်တွင် ၁၄ နှစ်အရွယ် မိန်းကလေးကို မုဒိမ်းကျင့်သတ်ဖြတ်ခဲ့သူကို ဖမ်းဆီးရမိ
-
ဘင်္ဂါလီ ၂၅ ဦးအား ရန်ကုန်သို့ပို့ဆောင်ရန် ခေါ်ဆောင်လာသူသုံးဦးအပါအဝင် စုစုပေါင်း ၂၈ ဦးအား ရေတာရှည်မြို့နယ် သာဂရ-ကိုးပင်ကားလမ်းတွင် ဖမ်းဆီးရမိ
-
ထိုင်းနိုင်ငံအတွင်း လုပ်အားခလစာတိုးမြှင့်မည့်အစီအစဉ်၌ မြန်မာလုပ်သား လေးသိန်းကျော်ရှိသည့် တာ့ခ်ခရိုင် ချန်လှပ်ခံရဟုဆို
-
ဘူးသီးတောင်မြို့ပေါ်သို့ နေရပ်စွန့်ခွာသူများ ထပ်မံရောက်ရှိလာပြီး မြို့ပေါ်ကယ်ဆယ်ရေးစခန်း နှစ်ခုတွင် စစ်ဘေးဒုက္ခသည် ၅၀၀ ကျော်အထိ တိုးလာ
-
၂၀၂၂ ခုနှစ်တွင် ထပ်မံလိုအပ်လာမည့် မဂ္ဂါဝပ် ၃၀၀၀ အတွက် LNG အသုံးပြု၍ လျှပ်စစ်ဓာတ်အား ထုတ်လုပ်သော စီမံကိန်းသုံးခုနှင့် သဘာဝဓာတ်ငွေ့သုံးစီမံကိန်းတစ်ခုကို စီမံကိန်းများစတင်ရန် စီစဉ်
