၁၉၉၁ ခုနှစ်က ဖြန့်ချိခဲ့သည့် Thelma & Louise ဇာတ်ကားဖြင့် အောင်မြင်မှုရရှိခဲ့ သည့် ဟောလိဝုဒ်သရုပ်ဆောင် ဘရက်ပစ်က အခြားစီးပွားရေးလုပ်ငန်းများကြောင့် နောင်တွင် ဇာတ်ကားရိုက်ကူးမှုများ ကျဲသွားနိုင်ခြေ ရှိသည်ဟု New York Time သို့ ပြောကြားခဲ့သည်။
“ကျွန်တာ့်မှာ တခြားလုပ်စရာကိစ္စတွေ ရှိနေလို့ နောင်မှာ ဇာတ်ကားရိုက်ကူးမှုတွေ ပိုပြီးကျဲသွားလိမ့်မယ်” အသက် ၅၅ နှစ်အရွယ်ရှိပြီဖြစ်သော ဘရက်ပစ်က ပြောကြားခဲ့သည်။
ဘရက်ပစ်က ရုပ်ရှင်ထုတ်လုပ်ရေးနှင့် အခြားလုပ်ငန်းများတွင် ရင်းနှီးမြှုပ်နှံမှုများ လုပ်ဆောင်နေသည်ဟုလည်း ပြောကြားခဲ့သည်။ ပစ်သည် ၎င်းအဓိကဇာတ်ကောင်အဖြစ် ပါဝင်ထားသည့် Ad Astra ဇာတ်ကား ဖြန့်ချိရန် ရက်အနည်းငယ်အလိုတွင် ယင်းသို့ ပြောကြားခဲ့ခြင်းဖြစ်သည်။
သရုပ်ဆောင်အလုပ်ကို အနားယူရန် စဉ်းစားနေခြင်း ဟုတ်၊ မဟုတ် မေးမြန်းခဲ့သည် များကို ပစ်က “ကျွန်တော်မသိဘူး။ ကျွန်တော် မသိသေးပါဘူး။ တခြားအလုပ်တွေလုပ်ရတာ ကိုလည်း ကျွန်တော်ပျော်ပါတယ်”ဟု ပစ်က ပြောကြားခဲ့သည်။
အသက်ကြီးသဖြင့် ရုပ်ရှင်လုပ်ငန်းတွင် စီးပွားရေးလုပ်ကိုင်မှုကို ပြောင်းလဲလာမှုနှင့် ပတ်သက်ပြီး ပစ်က ယခုနှစ်နွေရာသီတွင် GQ Australia မဂ္ဂဇင်းသို့လည်း ပွင့်ပွင့်လင်းလင်း ပြောကြားခဲ့ဖူးသည်။ ဘရက်ပစ်သည် ၎င်း၏ ရုပ်ရှင်ထုတ်လုပ်ရေးကုမ္ပဏီက Plan B Entertainment က ထုတ်လုပ်သည့် 12 Years a Slave ဇာတ်ကားအတွက် ၂၀၁၄ ခုနှစ် အော်စကာဆုပေးပွဲတွင် အော်စကာဆု ရရှိခဲ့သည်။
“ကျွန်တော် ထုတ်လုပ်ရေးလုပ်ငန်းလုပ် ပြီး ကင်မရာနောက်ကွယ်ကနေတော့ ပါနေ ဦးမှာပါ။ ဇာတ်ကားရိုက်တာကတော့ ပိုပိုပြီး နည်းလာမှာပါ”ဟု ပစ်က ဆိုသည်။
ပစ်၏ကုမ္ပဏီ Plan B သည် The Departed ၊ 12 Years a Slave ၊ The tree of Life ၊ Moneyball၊ The Big Short နှင့် Moonlight ဇာတ်ကားတို့ကို ထုတ်လုပ်ခဲ့ပြီး The Departed ၊ 12 Years a Slave နှင့် Moonlight ဇာတ်ကားတို့သည် အော်စကာဆုပေးပွဲတွင် အကောင်းဆုံး ဇာတ်ကားဆုများ ဆွတ်ခူးခဲ့သည်။
ပစ်သည် Fight club ၊ Ocean’s Eleven၊ Troy ၊ Mr & Mrs Smith နှင့် world War Z ဇာတ်ကားများတွင် လည်း ပါဝင်သရုပ်ဆောင်ထားသည်။ ၎င်း၏ ဇာတ်ကားသစ်ဖြစ်သော Once Upon a Time in Hollywood ဇာတ်ကားကို သြဂုတ်လ ၁၄ ရက်က ဖြန့်ချိခဲ့သည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
