စစ်ကိုင်းတိုင်းဒေသကြီး ဖောင်းပြင်မြို့နယ်တွင် ယခုနှစ်အတွင်း မိုးစပါးထွက်ရှိမှုနှုန်းသည် ယခင်နှစ်များထက် ထက်ဝက်ခန့် လျော့နည်းကြောင်း သိရသည်။
“ စပါးက စိမ့်တောလယ်တွေမှာ မသိသာပေမဲ့ ကုန်းပေါ်လယ်တွေမှာ မကောင်းဘူး။ စိမ့်တောလယ်က ရေအမြဲရှိတဲ့ လယ်တွေလေ။ ကုန်းပေါ်လယ်တွေကတော့ ရေမရတော့ ထွက်နှုန်းနည်းကုန်တာ။ အဓိက မိုးနည်းလို့ပေါ့။ ဒီနှစ်က မိုးနည်းတယ်။ ရေသွင်းစိုက်ပေမဲ့ မဖြစ်ကြဘူး။ တခြားပိုးကျတာ ဘာညာတော့မရှိဘူး။ မိုးနည်းပြီး ရေမရတော့ လယ်က ခြောက်ပြီး အထွက်နှုန်းကျသွားတာပေါ့။ အထွက်နှုန်းက ပုံမှန်ဆိုရင် နှစ်တိုင်းက တစ်ဧကကို တင်း ၆၀ လောက်ထွက်ပေမဲ့ ဒီနှစ် ၃၀ လောက်ပဲ ထွက်တယ်” ဟု ဖောင်းပြင်မြို့နယ်ရှိ တောင်သူတစ်ဦးက ပြောကြားသည်။
ဖောင်းပြင်မြို့နယ်တွင် ကုန်းပေါ်လယ်သည် အများစုဖြစ်၍ တောင်သူအများစု စပါး ရရှိမှုနည်းပြီး ယခုနှစ်တွင် ဆန်တင်ပို့ရောင်းချနိုင်မှု လျော့နည်းသွားနိုင်ကြောင်း သိရသည်။
“ ဖောင်းပြင်မှာက စိမ့်တောလယ်နဲ့ ကုန်းပေါ်လယ်မှာ ကုန်းပေါ်လယ်က ပိုများတော့ တောင်သူအများစုက စပါးအရနည်းတယ် ဆိုရမှာပေါ့။ တချို့တောင်သူတွေဆို လယ်က စပါးမရတော့ အခုကတည်းက ဝယ်စားနေရတာတွေ ရှိတယ်။ အထက်ချင်းတွင်းမြို့နယ်မှာဆို တခြားမြို့နယ်တွေက ဖောင်းပြင်မြို့နယ်ကနေ ဆန်ပြန်ပြီးဝယ်စားကြရတာ။ ဖောင်းပြင်က ဆန်ရောင်းရတာပေါ့။ ဒီနှစ်တော့ စပါး အထွက်နည်းတော့ ဆန်လည်း အရင်နှစ်လို အများကြီးရောင်းနိုင်ကြတော့မှာ မဟုတ်ဘူး။ နည်းသွားမှာ” ဟု အဆိုပါတောင်သူက ဆက်လက်ပြောကြားသည်။
စစ်ကိုင်းတိုင်းဒေသကြီးအတွင်းရှိ ချင်းတွင်းမြစ်တစ်လျှောက် အထက်ချင်းတွင်းမြို့နယ်များတွင် ဖောင်းပြင်မြို့နယ်သည် ဆန်စပါး ထွက်ရှိနှုန်းမြင့်မားကာ ဟုမ္မလင်း၊ ခန္တီးစသည့် မြို့နယ်များသည် ဖောင်းပြင်မြို့နယ်မှ ဆန်များကို ပြန်လည်ဝယ်ယူစားသုံးကြရကြောင်း သိရသည်။
-
မြောက်ဦးမြို့နယ်တွင် တပ်မတော်နှင့် AA အဖွဲ့ အချိန်ကြာမြင့်စွာ တိုက်ပွဲဖြစ်ပွားရာ၌ တပ်မတော်ဘက်က စစ်သည်အချို့ ကျဆုံးပြီး AA ဘက်မှ အလောင်းအချို့နှင့် သေနတ်ခြောက်လက် သိမ်းဆည်းရမိခဲ့ကြောင်း တပ်မတော်ပြောကြား
-
မြောက်ဦးမြို့နယ် လက္ကာကျေးရွာအနီးတွင်ဖြစ်ပွားခဲ့သော တပ်မတော်နှင့် AA အဖွဲ့တိုက်ပွဲအတွင်းAA အလောင်းကိုးလောင်းရရှိခဲ့ပြီး တပ်မတော်က နယ်မြေလုံခြုံရေးဆောင်ရွက်နေကြောင်း သတင်းထုတ်ပြန်
-
မြန်မာနိုင်ငံတွင် ပြည့်စုံသော ဒီမိုကရေစီကို အသွင်ပြောင်းရန်အတွက် ဖွဲ့စည်းပုံအခြေခံဥပဒေ ပြင်ဆင်ရမည် ဖြစ်သော်လည်း လာမည့်နှစ် ရွေးကောက်ပွဲမတိုင်မီ ဖြစ်နိုင်ခြေ မရှိကြောင်း ဒေါ်အောင်ဆန်းစုကြည် ပြောကြား
-
အဲဗာတန်အားရှုံးနိမ့်ခြင်းမှာ ပျင်းရိခြင်းကြောင့်ဟု ဝေဖန်ခဲ့သော မော်ရင်ဟိုကို စပါးကစားသမားများ မကျေမနပ်ဖြစ်နေပြီး စုပေါင်းပုန်ကန်ဖွယ်ရှိ
-
ကိုရိုနာဗိုင်းရပ်စ်ကြောင့် ပရီးမီးယားလိဂ်အသင်းများ ရုပ်သံဝင်ငွေ(၁၀.၇%)စီ ပြန်ပေးရမည်ဖြစ်ပြီး လီဗာပူးလ် အနစ်နာဆုံးဖြစ်
