Top News

တောင်ကိုရီးယား ရုပ်ရှင်လောကက မေ ၂၈ ရက်၌ကိန်းရုပ်ရှင်ပွဲတော်တွင် အဓိကဆုကြီးနှစ်ဆုကို ရရှိပြီးကမ္ဘာတစ်ဝန်း အောင်မြင်မှုကြီးကို ထပ်မံဆွတ်ခူးနိုင်ခဲ့သည်။

ဒါရိုက်တာ ပက်ခ်ချန်းဝုခ်က ၎င်း၏မှု ခင်းရုပ်ရှင် Decision To Leave ဖြင့်အကောင်းဆုံး ဒါရိုက်တာဆုကိုရရှိခဲ့ပြီး အော်စကာဆုရ Parasite ရုပ်ရှင်ဖြင့်လူသိများခဲ့သည့် သရုပ်ဆောင် မင်းသား ဆောင်းကန်ဟိုက Broker ဇာတ်လမ်းဖြင့် အကောင်းဆုံး မင်းသားဆုကို ရရှိခဲ့သည်။

ပက်ခ်သည် ၂၀၀၄ ခုနှစ်တွင်၎င်း၏ Oldboy ရုပ်ရှင်ဖြင့် ကိန်းရုပ်ရှင်ပွဲတော်၏ ု တိယအမြင့်ဆုံးဆုကို ရရှိခဲ့ပြီးနောက်နှစ်နှစ် ဆယ်နီးပါးအကြာတွင် ယင်းရုပ်ရှင်ပွဲ၌ ဆု တစ်ဆု ထပ်မံရရှိခဲ့ခြင်းဖြစ်သည်။

Parasite ဇာတ်ကားက ၂၀၂၀ အကယ်ဒမီဆုပေးပွဲတွင် အကောင်းဆုံးရုပ်ရှင်ကား နှင့် ၂၀၁၉ Palme d’Or ဆုတို့ကို မရရှိမီလွန်ခဲ့သည့် နှစ်ပေါင်းများစွာအလိုက ယင်း Oldboy ရုပ်ရှင်သည် တောင်ကိုရီးယားရုပ်ရှင် လောကအား ကမ္ဘာ့စင်မြင့်ပေါ်သို့ရောက်ရှိစေရန် တွန်းပို့ပေးခဲ့သော ရုပ်ရှင်တစ်ကားဖြစ်သည်။

အသက် ၅၈ နှစ်အရွယ် ပက်ခ်က သူသည် အနာဂတ်တွင် ရိုက်ကူးမည့် ရုပ်ရှင်များအတွက် စိတ်အားထက်သန်နေကြောင်း ကိန်းရုပ်ရှင်ပွဲတော်သို့ တက်ရောက်လာသူများကို ပြောကြားခဲ့သည်။

“ကပ်ရောဂါကြောင့် နယ်စပ်တွေပိတ်ထားရပါတယ်။ ကျွန်တော်တို့တွေက တစ်ယောက်နဲ့တစ်ယောက် ထိတွေ့မိမှာကိုစိုးရိမ်နေကြပြီး ရုပ်ရှင်ရုံတွေမှာလည်း လူသူကင်းမဲ့နေပါတယ်။ ဒါပေမဲ့ တဖြည်းဖြည်းချင်း ပရိ သတ်တွေက ရုပ်ရှင်ရုံတွေကို ပြန်လည်ရှာဖွေနေကြပါပြီ” ဟု ပက်ခ်က ပြောကြားခဲ့သည်။

အမျိုးသမီးတစ်ဦးသည် မလိုချင်ဘဲရလာသည့်ကလေးကို အခြားသူများက ကောက်ယူမွေးစားရန်အတွက် ကလေးသေတ္တာတစ်ခုဖြင့် စွန့်ပစ်ခဲ့သည့် ဇာတ်လမ်းအကြောင်းရိုက်ကူးထားသည့် Broker ရုပ်ရှင်တွင် ၎င်း၏ပီ ပြင်သော သရုပ်ဆောင်မှုကြောင့် အသက် ၅၅ နှစ်အရွယ် ဆောင်းသည် အကောင်းဆုံး မင်းသားဆုကို ရရှိခဲ့သည်။

သူသည် မွေးကင်းစကလေးတစ်ဦးအား တစ်ဦးနှင့်တစ်ဦး ချစ်ချစ်ခင်ခင်ရှိသော မိသားစုတစ်စုထံ ရောင်းချရန်ကြိုးပမ်းသည့် စိတ်နှလုံးသားနူးညံ့သောအမျိုးသားတစ်ဦးအဖြစ် ပါဝင်ထားသည်။ ယင်းရုပ်ရှင်သည် ဂျပန်ဒါရိုက်တာ ဟီရိုကာဇူကိုရီအီဒါ၏ ပထမဆုံး ကိုရီးယားဘာသာစကား ရုပ်ရှင်ဖြစ်သည်။